Telangana Group-1 Prelims Results 2024 : తెలంగాణ గ్రూప్-1 పరీక్ష రాసిన విద్యార్థులకు అలర్ట్. గ్రూప్-1 ప్రిలిమ్స్ తుది కీతో పాటు ఫలితాలను టీజీపీఎస్సీ ఆదివారం రోజున ప్రకటించింది. ప్రాథమిక కీపై అభ్యంతరాలు పరిశీలించిన తర్వాత కమిషన్ తుది కీ విడుదల చేసింది. అనంతరం ఫలితాలు వెల్లడించింది. ఫలితాలు టీజీపీఎస్సీ వెబ్సైట్లో చెక్ చేసుకోవచ్చని కమిషన్ అధికారులు తెలిపారు. గ్రూప్-1 మెయిన్స్కు 31,382 మంది అభ్యర్థులు అర్హత సాధించినట్లు వెల్లడించారు.
జూన్ 13న ప్రిలిమినరీ కీతో పాటు ప్రధాన ప్రశ్న పత్రాన్ని అభ్యర్థుల లాగిన్లో అందుబాటులో ఉంచింది. ప్రాథమిక కీ పై అభ్యంతరాలు స్వీకరించిన తరవాత నిపుణుల అభిప్రాయాలు తీసుకుని నేడు తుది కీతో పాటు ఫలితాలను టీజీపీఎస్సీ విడుదల చేసింది. ఎంపికైన అభ్యర్థుల వివరాలు వెబ్సైట్లో చూసుకోవచ్చని తెలిపింది. అక్టోబర్ 21 నుంచి 27 వరకు గ్రూప్ 1 మెయిన్స్ పరీక్షలు నిర్వహించనున్నట్లు ప్రకటించింది. పరీక్షకు వారం రోజుల ముందు నుంచే అభ్యర్థులు హాల్ టికెట్లు డౌన్లోడ్ చేసుకోవచ్చని స్పష్టం చేసింది.
ఫలితాలు కోసం ఇక్కడ క్లిక్ చేయండి
నిష్పత్తిని తగ్గించాలని నిరసనలు : మరోవైపు టీజీపీఎస్సీ ఆధ్వర్యంలో నిర్వహించిన గ్రూప్-1 పరీక్ష మెయిన్స్కు అభ్యర్థుల ఎంపిక 1:50 నిష్పత్తిలో కాకుండా 1:100 నిష్పత్తిలో చేయాలని రాష్ట్రంలో విద్యార్థి సంఘాలు, కొందరు అభ్యర్థులు నిరసనలు చేపట్టిన విషయం తెలిసిందే. అయితే టీజీపీఎస్సీ మాత్రం గ్రూప్-1 మెయిన్స్కు 1:50 నిష్పత్తిలోనే ఎంపిక ఉంటుందని స్పష్టం చేసింది. సాధారణ పరిపాలన శాఖ జారీ చేసిన జోవో 29,55 నిబంధనల మేరకు అభ్యర్థుల ఎంపిక ఉంటుందని ప్రకటన కూడా చేసింది.
నిష్పత్తి తగ్గించడం సాధ్యం కాదు : టీజీపీఎస్సీ అయితే టీజీపీఎస్సీ ప్రకటనపై కొందరు అభ్యర్థులు హైకోర్టును ఆశ్రయించారు. 1:100 నిష్పత్తిలోని ఎంపిక చేసి ప్రతిభ గల అభ్యర్థులకు న్యాయం చేయాలని పిటిషన్ వేశారు. ఇందుకు స్పందించిన న్యాయస్థానం ఈ సమస్యను చట్టానికి లోబడి త్వరితగతిన కమిషన్ చర్యలు తీసుకోవాలని సూచించింది. హైకోర్టు ఇచ్చిన ఈ ఉత్తర్వులను పరిశీలించిన టీజీపీఎస్సీ 1:100 పద్ధతి సాధ్యం కాదని తేల్చి చెప్పింది. ప్రస్తుతం ఏ విధానం 1:50 ఉందో దాన్నే కొనసాగిస్తున్నామని చెప్పి నేడు ప్రధాన కీతో పాటు ప్రిలిమినరీ పూర్తి ఫలితాలను విడుదల చేసింది.
గ్రూప్- 1 ప్రిలిమ్స్ పరీక్ష ప్రాథమిక 'కీ' విడుదల - TGPSC Group1 Prelims Key Released
