DSc 2008 Victims as Contract Teachers : ఉమ్మడి రాష్ట్రంలో నిర్వహించిన డీఎస్సీ-2008లో నష్టపోయిన అభ్యర్థులకు రాష్ట్ర ప్రభుత్వం త్వరలోనే గుడ్ న్యూస్ చెప్పనుంది. ఇందుకు పాఠశాల విద్యా శాఖ చర్యలు ముమ్మరం చేసింది. ఇంతకీ ఏంటని అనుకుంటున్నారా? నష్టపోయిన 2,367 మంది అభ్యర్థులను కాంట్రాక్టు టీచర్లుగా నియమించేందుకు అవసరమైన ప్రక్రియను పూర్తి చేసేందుకు విద్యాశాఖ సన్నాహకాలు చేస్తోంది.
సెప్టెంబర్ నెలాఖరులో విద్యాశాఖ ఓ ప్రకటనను విడుదల చేసింది. అందులో ఆనాటి డీఎస్సీ(డీఎస్సీ-2008)లో నష్టపోయిన వారు తమ పేర్లు నమోదు చేసుకోవాలని కోరింది. ఈ క్రమంలో ఆయా ధ్రువపత్రాలను పరిశీలించి, వారికి కొలువులు ఇచ్చేందుకు విద్యా శాఖ అధికారులు సిద్ధమయ్యారు. నల్గొండ, సంగారెడ్డి, హనుమకొండ, ఖమ్మం, రంగారెడ్డి, మహబూబ్నగర్, కరీంనగర్, ఆదిలాబాద్, నిజామాబాద్ జిల్లాల్లో బాధితులు ఉన్నట్లు గుర్తించారు. ఇందులో భాగంగా ఒక్కో జిల్లాకు ఒక సీనియర్ అధికారిని పరిశీలకునిగా విద్యాశాఖ నియమించింది. ఈ నెల 8లోపు ప్రక్రియ మొత్తం పూర్తి చేయాలని ఆదేశించారు.
నేటి నుంచి టెట్ నోటిఫికేషన్ ప్రారంభం : రాష్ట్రంలో సాంకేతిక కారణాలతో నిలిచిపోయిన టెట్ దరఖాస్తుల స్వీకరణ ఇవాళ్టి నుంచి ప్రారంభం కానుంది. ఈ నెల 5వ తేదీన టెట్ నోటిఫికేషన్ 2025ను విద్యాశాఖ విడుదల చేసింది. ఈ డీఎస్సీకి వచ్చే ఏడాది జనవరిలో టెట్ నిర్వహించనున్నట్లు ప్రకటన విడుదల చేసింది. 2025 జనవరి 1 నుంచి 20వ తేదీ వరకు పరీక్ష నిర్వహించనున్నట్లు విద్యాశాఖ ప్రకటనలో పేర్కొంది. అయితే టెట్ దరఖాస్తుల స్వీకరణను రెండు రోజుల పాటు వాయిదా వేసింది. సాంకేతిక కారణాలతో ఈ నిర్ణయం తీసుకున్నట్లు విద్యాశాఖ వెల్లడించింది. అయితే నేటి నుంచి నోటిఫికేషన్ దరఖాస్తులు స్వీకరించనుంది.
జనవరిలో టెట్ పరీక్ష నిర్వహిస్తే ఏడోది : గతేడాది మే నెలలో తొలిసారి టెట్ నోటిఫికేషన్ ఇచ్చిన రాష్ట్ర ప్రభుత్వం మరోసారి నోటిఫికేషన్ను జారీ చేసింది. దీంతో ఉపాధ్యాయ వృత్తిలో స్థిరపడాలనుకుంటున్న అభ్యర్థులు హర్షం వ్యక్తం చేస్తున్నారు. తెలంగాణ ఏర్పడిన తర్వాత ఇప్పటివరకు ఆరుసార్లు మాత్రమే టెట్ పరీక్షలను నిర్వహించారు. జనవరిలో టెట్ పరీక్షను నిర్వహిస్తే ఏడోది అవుతుంది.
టెట్ అభ్యర్థులకు అలర్ట్‌ - దరఖాస్తుల స్వీకరణ వాయిదా, ఎప్పటినుంచంటే!
అయ్యో పాపం : ఒకేసారి 2 జాబ్స్ - ఒకటి వదిలేస్తే రెండోదీ పోయింది
