Hyderabad Vijayawada Highway Toll Fee Collection : హైదరాబాద్-విజయవాడ జాతీయ రహదారిపై ఉన్నటోల్‌ప్లాజాల వద్ద టోల్ వసూళ్లు చేసే బాధ్యతను జాతీయ రహదారుల ప్రాధికార సంస్థ(ఎన్హెచ్ఏఐ) తాజాగా మూడు ఏజెన్సీలకు అప్పగిస్తూ నిర్ణయం తీసుకుంది. ఈ జాతీయ రహదారిపై 2012 డిసెంబరు నుంచి టోల్ వసూళ్లను ప్రారంభించిన జీఎమ్మార్‌ సంస్థ నిర్దేశిత గడువు(2025 జూన్‌)కు ఏడాది ముందే టోల్ వసూళ్ల బాధ్యతతో పాటు హైవే నిర్వహణ నుంచి తప్పుకొంది.
ఈ నేపథ్యంలోనే జాతీయరహదారుల ప్రాధికార సంస్థ(ఎన్హెచ్ఏఐ) జులై నుంచి సెప్టెంబరు వరకు మూడు మాసాల పాటు టోల్ వసూళ్ల నిర్వహణను తాత్కాలికంగా రెండు ఏజెన్సీలకు అప్పగించింది. పంతంగి, కొర్లపహాడ్‌ వద్ద టోల్ వసూళ్ల బాధ్యత స్కైలాబ్‌ ఇన్‌ఫ్రా, చిల్లకల్లు వద్ద కోరల్‌ ఇన్‌ఫ్రా సంస్థ ఈ బాధ్యతను చూసుకుంది. వీటి గడువు ముగియడం వల్ల తాజాగా 3 నూతన ఏజెన్సీలకు ఏడాది పాటు ఆ బాధ్యతను అప్పగిస్తూ ఎన్హెచ్ఏఐ నిర్ణయం తీసుకుంది.
మూడు టోల్ప్లాజాలు - మూడు ఏజెన్సీలకు : పంతంగి టోల్‌ప్లాజా వద్ద ఇండియా మార్ట్‌కు, కొర్లపహాడ్‌ టోల్‌ప్లాజా వద్ద ఈగల్‌ ఇన్‌ఫ్రా సంస్థకు, చిల్లకల్లు వద్ద అష్మీ రోడ్‌ సర్వీసెస్‌ ప్రైవేట్‌ లిమిటెడ్‌కు టోల్ వసూళ్ల అప్పగించింది. ఈ ఏజెన్సీలు ఈ అక్టోబర్ 5 లేదా 10వ తేదీ నుంచి టోల్ వసూళ్లను చేపట్టనున్నట్లుగా సమాచారం. మరోవైపు యాదాద్రి భువనగిరి జిల్లా చౌటుప్పల్‌ మండలం దండుమల్కాపురం నుంచి ఆంధ్రప్రదేశ్లోని నందిగామ వరకు ఆరు వరుసల జాతీయ రహదారిగా విస్తరణకు సంబంధించిన డీపీఆర్‌(డిటెయిల్డ్ ప్రాజెక్ట్ రిపోర్ట్) ప్రస్తుతం బిడ్డింగ్‌ దశలో ఉందని, వచ్చే ఏడాదిలో పనులు ప్రారంభమయ్యే అవకాశముందని ఎన్‌హెచ్‌ఏఐకి చెందిన ఉన్నతాధికారి ఒకరు వివరించారు.
ఫాస్ట్‌ట్యాగ్‌కూ కాలం చెల్లిందా? - కొత్త టెక్నాలజీతో టోల్గేట్ల పరిస్థితి ఏంటి? -
