Mohan Babu Released the audio : జల్పల్లిలోని తన నివాసంలో ఇవాళ జరిగిన ఘటనపై మోహన్ బాబు స్పందించారు. కొన్ని కారణాల వల్ల తాను, తన చిన్న కుమారుడు మంచు మనోజ్ ఘర్షణ పడ్డామని ప్రతి ఫ్యామిలీలోనూ ఇలాంటివి ఉంటాయన్నారు. ఈ మేరకు ఆయన మీడియాకు ఓ ఆడియో సందేశం పంపించారు.
'నిన్ను గారాబంగా పెంచాను, ఏది అడిగినా ఇస్తే ఇప్పుడు గుండెల మీద తన్నావ్, నా మనసు ఆవేదనతో కుంగిపోతోంది, ఈ ఘర్షణ వల్ల మీ అమ్మ ఆస్పత్రిలో చేరింది. నీకు జీవితంలో అన్నీ ఇస్తే నాకు అపకీర్తి తీసుకొచ్చావ్, నా ఇంట్లోకి అడుగుపెట్టడానికి నీకు అధికారం లేదు, నా పరువు, ప్రఖ్యాతలు మంటగలిపావు, నీకు జన్మనివ్వడమేనా నేను చేసిన పాపమా?, నా ఆస్తులను ముగ్గురికి సమానంగా రాయాలా, లేదా అనేది నా ఇష్టం' -ఆడియో సందేశంలో మోహన్ బాబు
మందుకు అలవాటుపడ్డావు : భార్య మాటలు విని తాగుడుకు అలవాటుపడ్డావని, కొన్ని మీడియా సంస్థలు రేటింగ్ కోసం ఉన్నది లేనిదీ రాస్తున్నాయని కూడా ఆడియో సందేశంలో మోహన్ బాబు మండిపడ్డారు. తనకు రక్షణ కల్పించాలని ఫిర్యాదు చేస్తే పోలీసులు సమాధానం ఇవ్వలేదని, తన ఇంట్లోకి ఎవరిని రాకుండా అడ్డుకోవాల్సిన పోలీసులే వదిలిపెట్టారన్నారు. ఫిర్యాదు చేసినా పోలీసులు మనోజ్ను ఆపలేకపోయారన్నారు.
తన కష్టార్జితమైన ఇంట్లోకి మనోజ్కు వచ్చే అధికారం లేదన్నారు. తన కుమార్తెను మనోజ్ ఎప్పుడైనా తీసుకెళ్లవచ్చని, రాకపోయినా తాను జాగ్రత్తగా పెంచుతానని, తన భార్య ఆస్పత్రి నుంచి వచ్చాక నీ కుమార్తెను అప్పగిస్తానని తెలిపారు. ఈ వివాదానికి ఇంతటితో ముగింపు పలుకుదామని ఆఖర్లో సూచించారు.
మోహన్‌బాబు నివాసంలో మంచు మనోజ్‌పై దాడి - జల్‌పల్లి వద్ద ఉద్రిక్తత
మంచు ఫ్యామిలీలో తారాస్థాయికి చేరిన వివాాదాలు - ప్రాణహాని ఉందని అదనపు డీజీపీకి మనోజ్ దంపతుల ఫిర్యాదు
