Massive Fire Accident At Krishna Kitchen : మాదాపూర్ కృష్ణాస్ కిచెన్ హోటల్లో భారీ అగ్నిప్రమాదం జరిగింది. సమాచారం తెలుసుకున్న అగ్నిమాపక సిబ్బంది ఘటనాస్థలికి చేరుకుని మంటలార్పారు. అగ్నిప్రమాదం సంభవించడంతో పరిసర ప్రాంతాల్లో దట్టమైన పొగ అలుముకుంది. దీంతో ఆ ప్రాంతమంతా భారీగా ట్రాఫిక్ జామ్ అయింది.
ఒకరు అస్వస్థతకు గురయ్యారు : అగ్ని ప్రమాదం జరిగిన సమయంలో హోటల్ భోజనానికి వచ్చిన కస్టమర్లు భయభ్రాంతులకు గురయ్యారు. భోజనాన్ని వదిలి బయటకు పరుగులు తీశారు. దీనిపై మాదాపూర్ ఫైర్ ఆఫీసర్ మహ్మద్ అబ్దుల్ ఫజల్ మాట్లాడుతూ 3:30 గంటలకు అగ్నిప్రమాదం జరిగిందని ఫోన్ వచ్చిందని, వెంటనే ఘటనాస్థలికి చేరుకుని మంటలను అదుపు చేశామన్నారు. స్వల్ప అగ్ని ప్రమాదం కావడంతో ఎటువంటి ప్రాణ నష్టం జరగలేదని, పొగ ఎక్కువగా పీల్చడంతో ఒకరు అస్వస్థతకు గురయ్యారని తెలిపారు.
"మాదాపూర్ డిమార్ట్ ఎదురుగా అగ్నిప్రమాదం జరుగుతోందని మాకు కాల్ వచ్చింది. మాకు సమాచారం రాగానే 10 నిమిషాల్లో ఘటనాస్థలికి చేరుకున్నాం. మేము వచ్చేసరికి మండలు ఎగిసిపడుతున్నాయి. నీళ్లు పట్టి వాటిని అదుపులోకి తీసుకొచ్చాం. కొంతమేరకు నష్టం వాటిల్లింది. షార్ట్ సర్క్యూట్ వల్లే ప్రమాదం జరిగింది." - అబ్దుల్ ఫజల్, అగ్నిమాపకశాఖ అధికారి
షాపింగ్ సెంటర్లో అగ్ని ప్రమాదం - 500 మూగజీవాలు బలి!
వెహికల్స్ను ఢీకొన్న కెమికల్స్ ట్రక్కు- ఏడుగురు సజీవ దహనం- ఐసీయూలో అనేక మంది!
