Sudden Death Of A Young Man in Jagital District : ఓ యువకుడు పులివేషం నృత్యం చేస్తూ ఉన్నట్టుండి గుండెపోటుతో కుప్పకూలిపోయి మృతి చెందిన విషాద ఘటన జగిత్యాల జిల్లా మాల్యాల గ్రామంలో జరిగింది. అక్కడే ఉన్న తోటి యువకుడు అతనికి సీపీఆర్ చేసి ఆసుపత్రికి తరలించిన అప్పటికే మృతి చెందినట్లు వైద్యులు నిర్ధారించారు. యువకుడి ఆకస్మిక మరణంతో ఒక్కసారిగా గ్రామంలో విషాదచాయలు అలుముకున్నాయి.
ఇదీ జరిగింది మొహర్రం వేడుకలను జగిత్యాల ప్రాంతంలోని మాల్యాల గ్రామంలో నిర్వహించారు. ఈ వేడుకల్లో పులివేషాలు వేయడం ఆనవాయితీగా వస్తోంది. అయితే యువకులంతా కలిసి పులివేషాలు వేశారు. 23 ఏళ్ల లక్ష్మణ్ కూడా పులివేషాన్ని ధరించి నృత్యం చేశాడు. ఈ క్రమంలో ఏం జరిగిందో ఏమో కానీ ఉన్నట్టుండి అతడు ఒక్కసారిగా గుండెపోటుతో కుప్పకూలి పోయాడు. దీంతో వెంటనే తన తోటి యువకులు వెంటనే అంబులెన్స్కు సమాచారం అందించారు. 108 అంబులెన్స్ అక్కడి చేరుకొని ఆసుపత్రికి తరలించారు. అంబులెన్స్లోనే సిబ్బంది సీపీఆర్ చేశారు. పరీక్షించిన వైద్యులు యువకుడు మృతి చెందినట్లు నిర్ధారించారు. దీంతో ఒక్కసారిగా ఆ యువకుడి గ్రామంలో విషాదఛాయలు అలుముకున్నాయి.
19 ఏళ్ల యువతికి రైల్లో గుండెపోటు.. మహిళా టికెట్ కలెక్టర్ల చొరవతో ప్రాణాలు సేఫ్
