Real Estate Latest Updates : స్థిరమైన ఆదాయం కోసం గృహాలు కొనుగోలు చేసి చాలా మంది అద్దెకు ఇస్తుంటారు. అలాగే వాణిజ్య, రిటైల్ స్పేస్ను కొని లీజ్ ద్వారా నెలవారీగా ఆదాయం సంపాదిస్తుంటారు. కానీ ఈ రెండింటిలోనూ పెట్టుబడి పెట్టేందుకు అధిక మొత్తంలో డబ్బు కావాలి. అయితే వీటిలో ఆస్తులపై పూర్తి యాజమాన్య హక్కులు ఉంటాయి. ఈ రెండింటికీ భిన్నంగా ఇటీవల కాలంలో మాల్స్, వాణిజ్య భవనాల్లో కొద్ది మొత్తంతోనే పాక్షిక యాజమాన్య హక్కులతో రిటైల్ స్పేస్లో వాటా ఇస్తున్నారు. వీటి చట్టబద్ధతపై కొనుగోలుదారుల్లో సందేహాలు ఉన్నప్పటికీ రాబడి మెరుగ్గా ఉంటుందనే ప్రచారంతో ఆకర్షితులు అవుతున్నారు.
ఇందులో రూ.లక్షలు లేనిదే పెట్టుబడి పెట్టలేం.. అందుకే వీటికి ప్రత్యామ్నాయంగా వందలు, వేలు రూపాయలతోనే రియాల్టీలో పెట్టుబడులకు రీట్స్(రియల్ ఎస్టేట్ ఇన్వెస్ట్మెంట్ ట్రస్ట్) అవకాశం కల్పిస్తోంది. ఇవి మాత్రం మ్యూచువల్ ఫండ్ల మాదిరిగా పని చేస్తాయని తెలిపింది. చేతిలో సొమ్ము ఉన్నప్పుడు యూనిట్ల వారీగా కొనుగోలు చేయవచ్చని ఇండియన్ రీట్స్ అసోసియేషన్ పేర్కొంది. ఇవి పూర్తిగా మార్కెట్ నియంత్రణ సంస్థ సెబీ పర్యవేక్షణలోనే పని చేస్తాయని, పూర్తి పారదర్శకత అని చెప్పింది.
పెట్టుబడులు పెట్టి మంచి రాబడులు కోసం అనువైన మార్గాలను మదుపర్లు ఎప్పటికప్పుడు అన్వేసిస్తుంటారు. అందులో మార్కెట్ల పరిస్థితులను బట్టి కాలానుగుణంగా షేర్లు, మ్యూచువల్ ఫండ్లు, ఎఫ్డీలు, బంగారం, బాండ్లు, స్థిరాస్తుల్లో పెట్టుబడులు పెడుతుంటారు. ఈ క్రమంలో అభివృద్ధి చెందుతున్న ఆర్థిక వ్యవస్థలో స్థిరాస్తి రంగంపై ఎక్కువ మంది దృష్టి సారిస్తున్నారు. ఎందుకంటే ఇందులో తక్కువ మొత్తంతో వాణిజ్య స్థిరాస్తుల్లో పెట్టుబడి పెట్టేందుకు రీట్స్ అవకాశం కల్పిస్తున్నాయి.
ఇందులో రూ.100 నుంచే మదుపు చేయవచ్చు.. దీంతో కొత్తతరం మదుపర్లను బాగా ఆకర్షిస్తోంది. దీంతో నేరుగా స్థిరాస్తులను కొనుగోలు చేయకుండా, ఆదాయంలో వాటాను సంపాదించడానికి రీట్స్ అవకాశం కల్పిస్తోంది. నేరుగా స్థిరాస్తులను కొనుగోలు చేయకుండా, ఆదాయంలో వాటాను సంపాదించుకోవడానికి రీట్స్ అవకాశం ఇస్తోంది. మన దేశంలో మొట్టమొదటగా 2019లో ఎంబసీ రీట్ లిస్ట్ అయింది. ఆ తర్వాత 2020లో మైండ్ స్పేస్ రీట్, 2021లో బ్రూక్ ఫీల్డ్ రీట్, 2023లో మొదటి మాల్ రీట్స్ నెక్సెస్ లిస్ట్ అయ్యాయి. ఇప్పటివరకు మార్కెట్లో నాలుగు రీట్స్ లిస్ట్ అయ్యాయి.
యూనిట్గా కొనుగోలు : డీమ్యాట్ ఖాతా ద్వారా మ్యూచువల్ ఫండ్లు, షేర్లు కొనుగోలు చేసే మాదిరి రీట్స్ కొనుగోలు చేసుకోవచ్చు. ఇవి రూ.100 నుంచి రూ.400 మధ్యలో యూనిట్ ధరలు ఉన్నాయి. పెట్టుబడిదారుల సొమ్ముతో రీట్స్ స్థిరాస్తులను కొనుగోలు చేయడం, వాటిని అద్దెకు ఇవ్వడం ద్వారా రాబడిని సంపాదిస్తారు. ఈ క్రమంలో వాణిజ్య కార్యాలయాలపై ఎక్కువ పెట్టుబడులు పెడుతుంటాయి. ప్రస్తుతం నాలుగు రీట్స్ కలిసి దేశవ్యాప్తంగా 125 మిలియన్ చదరపు అడుగుల విస్తీర్ణంతో గ్రేడ్-ఏ కార్యాలయాలు, రిటైల్ స్పేస్ ఉన్నాయి.
2.5 లక్షల మంది రిటైల్ ఇన్వెస్టర్లు పెట్టుబడులు : రీట్స్లో అత్యధికంగా విదేశీ పోర్ట్ఫోలియో ఇన్వెస్టర్లు పెట్టుబడులు పెడుతున్నారు. వీరు మదుపు చేసిన సంపద విలువే రూ.20 వేల కోట్ల వరకు ఉండగా.. ఆ తర్వాత బీమా కంపెనీలు రూ.7 వేల కోట్ల వరకు రీట్స్లో పెట్టుబడి పెట్టాయి. ఇప్పటివరకు రిటైల్ ఇన్వెస్టర్లు 2.5 లక్షల మంది పెట్టుబడులు పెట్టారు. ఈ సంఖ్య మున్ముందు పెరగనుందని మార్కెట్ నిపుణులు అంచనా వేస్తున్నారు.
ఐదేళ్లలో రీట్స్ రాబడి 11.3 శాతం : పన్నులు పోగా వచ్చిన రీట్స్ రాబడి 11.3 శాతం అని ఇండియన్ రీట్స్ అసోసియేషన్ పేర్కొంది. 6.3 శాతం ఆస్తుల విలువ పెరగడం వల్ల లాభం సమకూరింది. షేర్ మార్కెట్తో పోలిస్తే రీట్స్లో ఒడిదొడుకులు తక్కువ, నిలకడగా వృద్ధి, దీర్ఘకాలంలో మంచి రాబడులు వస్తాయని తెలిపింది. యూనిట్లను విక్రయించి వెంటనే నగదు చేసుకోవచ్చని, లిక్విడిటీ సులభమని ఇటీవల హైదరాబాద్లో నిర్వహించిన అవగాహన కార్యక్రమంలో ఇండియన్ రీట్స్ అసోసియేషన్ వెల్లడించింది.
ఇల్లు కొనాలనుకుంటున్నారా? - వెంటనే త్వరపడండి - ఇలాంటి ఆఫర్ మళ్లీ దొరకదు!
రియల్ ఎస్టేట్ లేటెస్ట్ రిపోర్ట్- హైదరాబాద్లో అతితక్కువ గ్రోత్- టాప్ 8 సిటీస్లో లాస్ట్!
