Holi Celebrations in Telangana 2024 : ఏటా పాల్గుణ మాసంలో పౌర్ణమి రోజున వచ్చే పర్వదినం హోలీ. దేశవ్యాప్తంగా ఘనంగా జరుపుకునే ఉత్సవం ఇది. హిరణ్యకశిపుడు తన సోదరి హోలిక అడ్డుపెట్టుకుని ప్రహ్లాదుడిని చంపాలని పన్నాగం పన్నుతాడు. ఐతే హోలికనే మంటల్లోనే దహనమైపోతుంది. హోలిక దహనమైన రోజును హోలీగా జరుపుకుంటారనే కథ ప్రచారంలో ఉంది. అలాగే శివుడు మన్మథుడిని చంపినందుకు గుర్తుగా కామ దహనం చేస్తూ రంగులతో ఉత్సవం చేసుకుంటారని మరో కథ కూడా ఉంది.
హోలీ వచ్చిందంటే చిన్నాపెద్దా అంతా రంగులు జల్లుకుంటూ కేరింతలు కొడతారు. అప్పట్లో సహజ సిద్ధంగా దొరికే పదార్థాల నుంచే రంగులు తయారు చేసేవారు. కాలక్రమేణ మార్పులు చోటుచేసుకొని వాటర్‌ గన్స్‌, ఇతర వస్తువులు మార్కెట్‌లోకి వచ్చాయి. హోలీ కోసం యువత పెద్దఎత్తున రంగులు కొనుగోలు చేస్తారు. ఆటపాటల్లో మునిగి తేలుతూ ఉత్సాహంగా హోలీ జరుపుకుంటారు. హైదరాబాద్‌లో పలు రిసార్ట్‌లు హోలీ కోసం ప్రత్యేక ఏర్పాట్లు చేశాయి. సామూహికంగా రంగులు చల్లుకునేందుకు అవకాశం కల్పిస్తున్నాయి.
ఆ కలర్స్తో డేంజర్- హోలీ ఆడే ముందు, తర్వాత ఇలా చేయడం మస్ట్! - Pre And Post Holi Care Tips
హోలీ వేళ అధిక రసాయనాలతో కూడిన రంగులను చల్లుకోవడం వల్ల చర్మం దెబ్బతినే అవకాశం ఉంది. తగిన జాగ్రత్తలతో హోలీ జరుపుకోవాలని వైద్యులు సూచిస్తున్నారు. కళ్లలో రంగు పడకుండా చూస్కోవాలని స్పష్టంచేస్తున్నారు. రంగులు చల్లుకునేప్పుడు కళ్లద్దాలు ధరించాలి. తగిన జాగ్రత్తలు తీసుకుని హోలీ జరుపుకుంటే జీవితం రంగుల రంగేళీ అవుతుంది.
Telangana Governor Holi Wishes : హోలీ పండుగ సందర్భంగా రాష్ట్ర ప్రజలకు ప్రముఖులు శుభాకాంక్షలు తెలియజేశారు. హోలీ రంగులు అందరి మధ్య ఐక్యతను బలపరిచే పవిత్ర బంధమని ఈ పండుగను అందరూ ఆనందోత్సాహాలతో జరుపుకోవాలని రాష్ట్ర నూతన గవర్నర్‌ సీపీ రాధాకృష్ణన్‌ తెలియజేశారు. అదే విధంగా రాష్ట్ర ప్రజలకు హోలీ శుభాకాంక్షలు తెలిపిన సీఎం రేవంత్‌ ప్రజా పాలనలో అటు సంక్షేమం ఇటు అభివృద్ధి ఫలాలు అందరి కుటుంబాల్లో సప్తవర్ణ రంగుల శోభను నింపుతాయని ఆయన అభిప్రాయపడ్డారు.
CM Revanth Holi Wishes : చెడుపై మంచి సాధించిన విజయానికి ప్రతీకగా జరుపుకునే హోలీ పండుగను రాష్ట్ర ప్రజలు కుటుంబ సభ్యులతో ఆనందంగా జరుపుకోవాలని ఉప ముఖ్యమంత్రి మ‌ల్లు భ‌ట్టి విక్రమార్క పేర్కొన్నారు. అలాగే మాజీ ముఖ్యమంత్రి, బీఆర్ఎస్ అధినేత కేసీఆర్ శుభాకాంక్షలు తెలియజేశారు. వసంతాన్ని తమ జీవితాల్లోకి ఆహ్వానిస్తూ జరుపుకునే హోలీ పర్వదిన సందర్భంగా ఆ ప్రకృతీమాత ప్రజలందరినీ చల్లగా చూడాలని కేసీఆర్ ప్రార్థించారు. ఈ సందర్భంగా రాష్ట్ర వ్వాప్తంగా మద్యం దుకాణాలపై అధికారులు ఆంక్షలు విధించారు. ఆదివారం సాయంత్రం 6 గంటల నుంచి మంగళవారం ఉదయం 6 గంటల వరకు మద్యం దుకాణాలు రెస్టారెంట్లు అన్ని మూసివేయాలని నిషేధం విధించారు.
హోలీ రోజున రంగులు ఎందుకు చల్లుకుంటారు? దీని వెనుక ఉన్న కథేంటి? - holi festival importance
రాష్ట్రవ్యాప్తంగా సందడిగా ముందస్తు హోలీ సంబరాలు - EARLY Holi Celebrations 2024
