Job Aspirants Meets KTR in Hyderabad : 'నాడు జాబ్ క్యాలెండర్ పేరిట పత్రికల్లో ప్రకటనలు ఇచ్చారు. ఇచ్చిన హామీలు అమలు చేయకుండా నీటి మూటలుగా తేల్చారు. మెగా డీఎస్సీ అన్నారు దగా చేశారు. గ్రూప్ 2, గ్రూప్ 3 కేటగిరీల్లో పోస్టులు పెంచి తీరాల్సిందే, వదిలిపెట్టము. ఇందుకోసం అన్ని సభల్లో నిలదీస్తామని' బీఆర్ఎస్ కార్యనిర్వాహక అధ్యక్షుడు కేటీఆర్ అన్నారు. హైదరాబాద్లోని తన నివాసంలో పోటీ పరీక్షలకు సన్నద్ధమవుతున్న అభ్యర్థులు కేటీఆర్ను కలిశారు. ఆయనకు వారి ఇబ్బందులు చెబుతూ తమకు అండగా నిలవాలని కోరారు.
ఈ సందర్భంగా కేటీఆర్ మాట్లాడుతూ గత ప్రభుత్వంలో మాజీ సీఎం కేసీఆర్ ఇచ్చిన గ్రూప్ 1, డీఎస్సీ నోటిఫికేషన్లకు కొన్ని పోస్టులు మాత్రమే పెంచారన్నారు. ఇప్పుడు గ్రూప్ 2, గ్రూప్ 3 కేటగిరీల్లో పోస్టులు పెంచి తీరాల్సిందే వదిలిపెట్టబోమని అన్ని సభల్లో నిలదీస్తామని చెప్పారు. అయితే పోటీ పరీక్షల అభ్యర్థులు మాత్రం ఎమ్మెల్యేలు అందరినీ కలిసి ఒత్తిడి తేవాలని సూచించారు. డిప్యూటీ సీఎం గతంలో హామీ ఇచ్చినట్లుగా గ్రూప్ 1 మెయిన్స్కు 1:100 నిష్పత్తిలో పిలవాలన్నారు.
అన్ని పరీక్షలు వరుసగా ఉన్నాయని, విరామం ఎక్కువగా ఉండేలా చూడాలని అభ్యర్థులు కోరుతున్నారని కేటీఆర్ తెలిపారు. ఏడాదిలోనే రెండు లక్షల ఉద్యోగాల భర్తీ ప్రక్రియ ప్రారంభించాలని డిమాండ్ చేశారు. లేదంటే మేమంతా రోడ్డు ఎక్కి, ప్రత్యక్ష కార్యాచరణ చేపడతామన్నారు. మిమ్మల్ని అధికారంలోకి తీసుకొచ్చిన నిరుద్యోగులే మీ సంగతి తెలుస్తారని హెచ్చరించారు.
అంతకు ముందు గ్రూప్స్, డీఎస్సీ సహా పోటీ పరీక్షలకు సిద్ధమవుతున్న సోదరులు వచ్చి అండగా నిలబడాలని కేటీఆర్ను కోరారు. కేసీఆర్ ప్రభుత్వంపై కూడా పోరాటం చేశామని వారు చెప్పారు. హామీలు అమలు చేయడం లేని కాంగ్రెస్పై కూడా పోరాడుతున్నామని పేర్కొన్నారు. ఇందుకు బీఆర్ఎస్ పార్టీ ప్రధాన ప్రతిపక్షంగా అండగా ఉండాలని కోరారు.
ఈ ప్రభుత్వం ఉద్యోగాల విషయంలో దగా చేసింది : 'గతంలో ఇచ్చి ఇప్పుడు మా డిమాండ్లపై ప్రభుత్వం కనీసం స్పందించడం లేదు. మెగా డీఎస్సీ అన్నారు దగా చేశారు. నాడు 90 లక్షల మంది ప్రయోజనాలు అన్న సీఎం రేవంత్ రెడ్డి ఇప్పుడు వారి గురించి ఆలోచించరా?. ఎన్నికల ముందు హామీ ఇచ్చి ఇప్పుడు ఎందుకు నోరు మెదపడం లేదు. మా డిమాండ్ల సాధన కోసం అన్ని సంఘాలు, పార్టీలను కలుస్తాం. ప్రభుత్వంపై ఒత్తిడి తీసుకొస్తామని' అభ్యర్థులు అన్నారు.
అభ్యర్థులకు అలర్ట్ - డీఎస్సీ నోటిఫికేషన్ వచ్చేది అప్పుడే! - AP DSC NOTIFICATION 2024
