భూ వివాదంలో మల్లారెడ్డి వర్సెస్​ అడ్లూరి లక్ష్మణ్​ - నువ్వానేనా అంటూ సవాల్​? - MLA Adluri Laxman on MLA Mallareddy

Land Grabe Issue in Hyderabad : మేడ్చల్​-మల్కాజిగిరి పరిధి సుచిత్రలోని వివాదాస్పద భూమిపై ప్రభుత్వ విప్​, ధర్మపురి ఎమ్మెల్యే అడ్లూరి లక్ష్మణ్​ స్పందించారు. సుధామ అనే వ్యక్తి నుంచి 2015లో భూమి కొనుగోలు చేశామని ఆయన స్పష్టం చేశారు. మాజీ మంత్రి మల్లారెడ్డి కావాలనే కాంగ్రెస్​ పార్టీపై తప్పుడు ప్రచారం చేస్తున్నారని అడ్లూరి లక్ష్మణ్​ ఆరోపించారు. సుచిత్రలోని వివాదాస్పద భూమిలో బందోబస్తు మధ్య అధికారులు సర్వే నిర్వహించారు.

MLA Adluri Laxman on MLA Mallareddy Land Issue : హైదరాబాద్​లోని పేట్​ బషీర్​బాద్​ పీఎస్​ పరిధిలోని సుచిత్రలో సర్వే నంబరు 82కు సంబంధించిన రెండున్నర ఎకరాల భూమి మాదంటే మాదని మాజీ మంత్రి మల్లారెడ్డి, అవతలి వర్గం వారు వాదిస్తున్నారు. తమ భూమిలో అక్రమంగా ఫెన్సింగ్​ వేశారంటూ మల్లారెడ్డి అనుచరులు కంచెను కూల్చడం ఘర్షణకు దారి తీసింది. ఇరువర్గాలు పరస్పరం ఫిర్యాదులతో ఉద్రిక్తతలకు దారి తీయగా రంగంలోకి దిగిన అధికారులు సర్వే నంబరు 82 భూమిలో సర్వే చేపట్టారు. బందోబస్తు మధ్య యంత్రాంగం సరిహద్దులు గుర్తించే పనిలో పడ్డారు.

సర్వే నంబరు 82లో ఉన్న భూమి మొత్తం తమదేనని మాజీ మంత్రి మల్లారెడ్డి చెబుతున్నారు. అందుకు సంబంధించిన ఆధారాలన్నీ తమ వద్ద ఉన్నాయని స్పష్టం చేశారు. ఈ భూమిని 15 ఏళ్లు క్రితం కొనుగోలు చేశామన్నారు. ఈ భూమికి సంబంధించిన అన్ని డాక్యుమెంట్లు తమ వద్ద ఉన్నాయని అన్నారు. అలాగే ఎప్పటికప్పుడు ట్యాక్స్​లు కడుతున్నామని చెప్పారు. కాంగ్రెస్​ పార్టీ మొదటి నుంచి తనపట్ల వివక్ష చూపుతుందని తెలిపారు. ప్రభుత్వ విప్​ లక్ష్మణ్​ సైతం ఎనిమిది నెలలుగా తన దగ్గరకు వచ్చి ఈ తతంగా నడుస్తోంది. ఎమ్మెల్యే అయిన తనకే భద్రత లేకపోతే సామాన్యులకు ఏం ఉంటుందని ఆవేదన వ్యక్తం చేశారు. తమది తప్పుంటే ఆ భూమిని వాళ్లనే తీసుకోమని మాజీ మంత్రి మల్లారెడ్డి సవాల్​ విసిరారు.

"ఈ భూమిని 15 ఏళ్లు క్రితం కొనుగోలు చేశాం. ఈ భూమికి సంబంధించిన అన్ని డాక్యుమెంట్లు తమ వద్ద ఉన్నాయి. అలాగే ఎప్పటికప్పుడు ట్యాక్స్​లు కడుతున్నాం. కాంగ్రెస్​ పార్టీ మొదటి నుంచి తన పట్ల వివక్షను చూపుతుంది. ప్రభుత్వ విప్​ లక్ష్మణ్​ సైతం నుంచి ఎనిమిది నెలలుగా ఈ తంతు నడుస్తోంది. తమది తప్పుంటే ఆ భూమిని వాళ్లనే తీసుకోమని చెప్పండి." - మల్లారెడ్డి, మాజీ మంత్రి

కాంగ్రెస్​పై మాజీ మంత్రి మల్లారెడ్డి తప్పుడు ప్రచారం : ఇదే అంశంపై ప్రభుత్వ విప్​, ధర్మపురి ఎమ్మెల్యే అడ్లూరి లక్ష్మణ్​ స్పందించారు. తనతో పాటు ఆరుగురు కలిసి సుధామ నుంచి 2015లో సదరు భూమి కొనుగోలు చేసినట్లు స్పష్టం చేశారు. మల్లారెడ్డి, రాజశేఖర్​ రెడ్డిని కలిసి భూ వివాదాన్ని సెటిల్​ చేయాలని అడగ్గా వారు కనీసం స్పందించలేదని పేర్కొన్నారు. కాంగ్రెస్​ పార్టీపై మాజీ మంత్రి తప్పుడు ప్రచారం చేస్తున్నారని లక్ష్మణ్​ ఆరోపించారు. తన నిజాయతీని ముఖ్యమంత్రి వద్ద నిరూపించుకోవాలని సవాల్​ విసిరారు.

"నా అంత ధర్మాత్ముడు ఎవరూ లేరు. నీతిమంతుడు ఎవరూ లేరు. కష్టపడి సంపాదించుకున్న ఆస్తులు అని మాజీ మంత్రి మల్లారెడ్డి చెబుతారు. మేడ్చల్​ కోర్టులో 2016లో ఇంజెక్షన్​ ఆర్డర్​ వేశాము. మా భూమిపైకి మల్లారెడ్డి కుటుంబ సభ్యులు వచ్చి దౌర్జర్యం చేస్తున్నారని వేశాం. మాజీ మంత్రికి వచ్చిన రెండు వేల ఎకరాల భూమి ఎలా వచ్చిందో ప్రభుత్వానికి తెలపాలి." - అడ్లూరి లక్ష్మణ్​, ధర్మపురి ఎమ్మెల్యే