Fight Masters Ram Laxman Saves Dog : హైదరాబాద్లోని అజీజ్ నగర్లోని హీరో ప్రభాస్ నూతన చిత్రం రాజాసాబ్ షూటింగ్ జరుగుతున్న క్రమంలో ఓ విచిత్రం జరిగింది. ఫైట్ మాస్టర్స్ రామ్, లక్ష్మణ్ స్టంట్స్ ప్రాక్టీస్ చేస్తున్న సమయంలో ఆ పరిసరాల్లో శబ్దాలు వినిపించాయి. కుక్క మూలిగిన శబ్దంలా అనిపించి గమనించిన మేనేజర్ వెళ్లి చూడగా అక్కడ చిన్న కొండలో చిక్కుకుపోయిన ఓ కుక్క ఉంది. ఈ నేపథ్యంలో ఫైట్ మాస్టర్స్తో పాటు అందరూ వెంటనే కుక్కను కాపాడేందుకు క్రేన్ సహాయంతో బయటకు తీయడానికి ప్రయత్నించారు.
కానీ ప్రయత్నించే క్రమంలో క్రేన్ తాడు కూడా తెగిపోయింది. కొండ రాయిని పక్కకు లాగుదామని ప్రయత్నించగా ఆ పని కూడా అవ్వలేదు. తర్వాత చిన్నగా రాయిని పక్కకు తొలగించి కుక్క కాలుకి ఒక తాడుని కట్టి చిన్నగా బయటకు తీశారు. దీంతో ఆ కుక్కను దాని పిల్లల దగ్గరకు చేర్చారు రామ్ లక్ష్మణ్ ఫైట్ మాస్టర్ అండ్ టీం. ఆ శునకానికి శరీరంపై అక్కడక్కడా స్వల్ప గాయాలయ్యాయి. ప్రస్తుతం ఈ వీడియో సోషల్ మీడియాలో చక్కర్లు కొడుతోంది.
ఆ రోజే మూవీ టీం సర్ప్రైజ్? : కాగా రాజాసాబ్ సినిమాకు డైరెక్టర్ మారుతీ దర్శకత్వం వహిస్తున్నారు. ఈ చిత్రం రూ. 400 కోట్ల భారీ బడ్జెట్తో పాన్ ఇండియా లెవల్లో రూపొందుతుంది. రాజాసాబ్ను పీపుల్స్ మీడియా ఫ్యాక్టరీ నిర్మిస్తోంది. తమన్ సంగీతం అందిస్తున్నాడు. ఈ చిత్రం ఏప్రిల్ 10 2025న విడుదల కానుంది. అక్టోబర్ 23 న ప్రభాస్ బర్త్డే సందర్భంగా రాజాసాబ్ నుంచి సర్ప్రైజ్ ఇచ్చే పనిలో మూవీ టీం వర్క్ చేస్తున్నట్లు సమాచారం. ఇటీవల గ్లింప్స్ కూడా విడుదలైంది. దాంట్లో ప్రభాస్ చాలా స్టైలిష్గా పూలతో కనువిందు చేశారు. రాజాసాబ్ సినిమా హర్రర్, రొమాంటిక్, కామెడీ కాంబినేషన్లో వస్తోంది.
డైరెక్టర్ మారుతీ ప్రేక్షకులను ఎంగేజ్ చేయగల సామర్థ్యం ఉన్న గొప్ప దర్శకుడు. గతంలో ఆయన మారుతీ డైరెక్షన్ చేసిన ఈ రోజుల్లో, బస్ స్టాప్ యువతను ఎంతగానో కట్టి పడేసాయి. ప్రేమ కథా చిత్రమ్, భలే భలే మగాడివోయ్ సినిమాలతో ప్రేక్షకులకు మంచి వినోదంతో అలరించాడు.
ప్రభాస్ ఫ్యాన్స్ గెట్ రెడీ - ఆ రోజు నుంచి వరుసగా 'రాజాసాబ్' అప్డేట్స్
