DRI Seized Rs 7 Crore Drugs At Shamshabad : శంషాబాద్ ఎయిర్పోర్టులో రూ.7 కోట్ల విలువైన డ్రగ్స్ను డీఆర్ఐ అధికారులు స్వాధీనం చేసుకున్నారు. 7.10 కిలోల హైడ్రోఫోలిక్‌ వీడ్‌ను అధికారులు సీజ్ చేశారు. దీనికి సంబంధించి బ్యాంకాక్ నుంచి హైదరాబాద్ నగరానికి వచ్చిన ఇద్దరు వ్యక్తులను అరెస్టు చేశారు. వారిద్దరిపై ఎన్డీపీఎస్ చట్టం కింద కేసును నమోదు చేసి దర్యాప్తు చేపట్టారు. మరిన్ని వివారాలు తెలియాల్సి ఉంది.
రాష్ట్రంలో మాదక ద్రవ్యాల కట్టడికి పోలీసులు ఎన్ని కఠినమైన చర్యలు తీసుకున్నప్పటికీ మత్తు పదార్థాల సరఫరాదారుల ముఠా ఆగడాలకు మాత్రం అడ్డుకట్ట పడటం లేదు. రోజుకో కొత్త మార్గం ద్వారా రాష్ట్రానికి డ్రగ్స్ను సరఫరా చేస్తున్నారు. కొద్ది నెలల వ్యవధిలో ఇలాంటి ఘటనలు పునరావృతం అవ్వడంతో చర్చనీయాంశంగా మారింది. మరోవైపు తెలంగాణను డ్రగ్స్ రహిత రాష్ట్రంగా తీర్చిదిద్దేందుకు అవసరమైన అన్ని చర్యలు తీసుకోవాలని అధికారులకు సీఎం రేవంత్ రెడ్డి ఇప్పటికే స్పష్టమైన అదేశాలు జారీ చేశారు.
చందానగర్లో రూ.18 లక్షల విలువైన డ్రగ్స్ స్వాధీనం : మరోవైపు చందానగర్ పోలీసు స్టేషన్ పరిధిలోనూ ఇవాళ ఉదయం నార్కోటిక్‌ డ్రగ్స్ కంట్రోల్ అధికారులు డ్రగ్స్ పట్టుకున్నారు. నిందితుడి నుంచి 155 గ్రాముల ఎండీఎంఏ డ్రగ్ను స్వాధీనం చేసుకున్నారు. రాజస్థాన్‌కు చెందిన కృష్ణారామ్ గురువారం హైదరాబాద్ నగరానికి వచ్చాడు. తనతో పాటు ఎండీఎంఏ డ్రగ్స్ తీసుకువచ్చి అమ్ముతున్నాడు. పక్కా సమాచారంతో నార్కోటిక్‌ డ్రగ్స్ కంట్రోల్ అధికారులు లింగంపల్లి గుల్ మోహర్ పార్క్ వద్ద ఇంట్లో తనిఖీలు నిర్వహించారు. ఈక్రమంలోనే మాదకద్రవ్యాలను సీజ్ చేసుకుని చందానగర్ పోలీసులకు అప్పగించారు. నిందితుడు కృష్ణారామ్ సహా ఏడుగురిపై పోలీసులు కేసు నమోదు చేశారు. మరో ముగ్గురు నిందితుల కోసం తీవ్రంగా గాలిస్తున్నారు. పట్టుబడిన డ్రగ్స్ విలువ రూ.18 లక్షలు ఉంటుందని అధికారులు తెలిపారు.
ప్రధాన సరఫరాదారుడు కృష్ణారామ్‌కు నిందితులు లోదారం రామ్, విక్రమ్ సింగ్, పునిత్, సమీర్ రామ్ సింగ్ డ్రగ్స్ విక్రయాలు జరుపుతున్నట్లు దర్యాప్తులో వెల్లడైందని చందానగర్ సీఐ పాలవెల్లి తెలిపారు. ఈ కేసులో నిందితులైన సమీర్, లోదా రామ్‌ను చౌటుప్పల్ పోలీసులు అదుపులోకి తీసుకున్నారని వెల్లడించారు. ఆ ఇద్దరినీ పీటీ వారెంట్‌తో అదుపులో తీసుకొని విచారిస్తామన్నారు. కృష్ణారామ్ స్నేహితుడు రూపారాం మత్తుపదార్ధాలు గురించి పోలీసులకు సమాచారం ఇచ్చాడన్నారు. పరారీలో ఉన్న మరో ముగ్గురు నిందితులు కోసం గాలిస్తున్నట్లు సీఐ వివరించారు.
బల్బులో డ్రగ్స్ - బెంగళూరు టు హైదరాబాద్ వయా గుంటూరు
భద్రాద్రి కొత్తగూడెంలో డ్రగ్స్ ముఠా అరెస్ట్ - రూ.కోటి విలువైన గంజాయి స్వాధీనం
