పెళ్లి పేరుతో యువతి ఘరానా మోసం - రూ.28 లక్షల టోకరా - Cyber Crimes in AP

Cyber ​​crime police Awareness to Cyber Attacks in AP : ఇటీవల కాలంలో సైబర్​ దాడులు విపరీతంగా పెరిగిపోతున్నాయి. సైబర్​ నేరగాళ్లు వలలో సామాన్యులతో పాటు బాగా చదువుకుని ఉన్నత స్థానాల్లో ఉన్నవారు సైతం బోల్తా పడుతున్నారు. వారి బారిన పడకుండా అధికారులు ఎప్పటికప్పుడు అవగాహన కల్పిస్తున్నారు.

Cyber ​​crime police Awareness to Cyber Attacks in AP : సామాజిక మాధ్యమాల ద్వారా పరిచయం చేసుకుని తర్వాత అమ్మాయిల ఫొటోలు ఎరగా చూపి ఆన్​లైన్​ మోసానికి పాల్పడటం ఇటీవల పరిపాటిగా మారిపోయింది. ఇలాంటి సంఘటననే విశాఖ జిల్లాలో చోటు చేసుకుంది. ఇలాంటి ఘటనలు చోటు చేసుకోకుండా పోలీసులు అవగాహన కార్యక్రమాలు నిర్వహిస్తున్నా ఎక్కడో ఒక్కచోట జరుగుతూనే ఉన్నాయి.

ఆన్​లైన్​ మోసాలపై అప్రమత్తం : సామాజిక మాధ్యమాల్లో అందమైన ఫొటోలు పెట్టి, పెళ్లి చేసుకుంటానని ఓ సాఫ్ట్​వేర్​ ఉద్యోగుడిని ముగ్గురు సైబర్ నేరగాళ్లు మోసం చేశారు. సుమారు రూ. 28 లక్షలకు పైగా వివిధ రూపాల్లో నగదు కొట్టేశారు. హైదరాబాద్​కు చెందిన కె. లోకేశ్​, సాయి ధీరజ్​లు విశాఖలోని ఓ వ్యక్తిని మోసగించారు. శాలిని అనే యువతీ సహకారంతో మోసం చేసి రూ.28 లక్షలను కొట్టేశారు. బాధితుడు ఫిర్యాదు మేరకు రంగ ప్రవేశం చేసిన సైబర్​ క్రైమ్​ పోలీసులు ఎట్టకేలకు నిందితులను పట్టుకున్నారు. డైటింగ్​ యాప్​ల ద్వారా రకరకాల మార్గాల్లో సైబర్​ నేరగాళ్లు విజృంభిస్తున్నారని పేర్కొన్నారు. అపరిచిత కాల్స్​కు సమాధానం ఇవ్వవద్దని పోలీసులు సూచించారు. అప్లికేషన్స్​ లింకును స్వీకరించవద్దని పేర్కొన్నారు.

1930 నంబరుకు డయల్​ : ఆన్​లైన్​ మోసాల విషయంలో అందరూ అప్రమత్తంగా ఉండాలని విశాఖ సైబర్ క్రైమ్ సీఐ భవానీ ప్రసాద్ అన్నారు. పెళ్లి చేసుకుంటామని నమ్మించి మోసాలు చేయడం ఇటీవల అధికమయ్యాయని ఈ విషయంలో యువత జాగ్రత్తగా వ్యవహరించాలన్నారు. ఫ్యామిలీ ఫొటోలు సామాజిక మాధ్య మాల్లో ఎట్టిపరిస్థితుల్లోనూ పోస్టు చేయవద్దన్నారు. ఆన్​లైన్​ మోసానికి గురై నగదు కోల్పోయిన బాధితులు మోసపోయిన గంట వ్యవధిలోనే 1930 నంబరుకు సమాచారం అందిస్తే పోయిన నగదు వెనక్కి తేవచ్చునని, సమయం గడిచిపోతే ఆ నగదును మాయగాళ్లు ఇతర ఖాతాల్లోకి తరలించే అవకాశం ఉంటుందన్నారు. ఇలాంటి మోసాలు విదేశాల నుంచే ఎక్కువగా జరుగుతున్నాయన్నారు. నగర పోలీస్ కమిషనర్ ఆదేశాల మేరకు ఈ తరహా కేసుల్లో దర్యాప్తు మరింత వేగవంతం అయిందని, నిందితులను కూడా సకాలంలో అదుపులోకి తీసుకుంటున్నామని అన్నారు.

సైబర్ నేరాలపై అవగాహన : సైబర్ నేరాలపై అవగాహన కల్పించేందుకు ఎన్టీఆర్​ జిల్లా పోలీసులు వినూత్న కార్యక్రమం చేపట్టారు. యూట్యూబర్స్ ద్వారా ప్రజలకు సైబర్ నేరాలపై అవగాహన కల్పించేందుకు పోటీలు నిర్వహించనున్నారు. సైబర్ నేరాలు ఏ విధంగా జరుగుతున్నాయి ఎలాంటి జాగ్రత్తలు తీసుకోవాలో వివరిస్తూ షార్ట్ ఫిల్మ్ , రీల్స్​ను తీసి ప్రజల ఆదరణ పొందిన వారికి బహుమతలు అందిస్తామని జిల్లా సైబర్ క్రైమ్ ఇన్​స్పెక్టర్ శివాజీ పేర్కొన్నారు.