Jani Master Bail News Latest : ప్రముఖ కొరియోగ్రాఫర్ జానీ మాస్టర్ తన అసిస్టెంట్పై అత్యాచారం చేసిన ఆరోపణలతో అరెస్టయిన విషయం తెలిసిందే. ఈ వ్యవహారంలో ఆయనపై పోలీసులు పోక్సో కేసు కూడా నమోదు చేశారు. ఈ కేసులో జానీ మాస్టర్ గత నెల రోజులుగా చంచల్గూడ జైల్లో ఉన్నారు. అయితే తాజాగా ఆయనకు నాంపల్లి కోర్టు షరతులతో కూడిన బెయిల్ను మంజూరు చేసింది.
ఇదీ కేసు నేపథ్యం : తెలుగు రాష్ట్రాల్లో సంచలనం సృష్టించిన జానీ మాస్టర్ కేసు వివరాలిలా ఉన్నాయి. తనను బెదిరించి పలుమార్లు అత్యాచారం చేశాడని, ఈ విషయాన్ని బయటకి చెబితే సినిమా అవకాశాలు రాకుండా చేస్తానని భయపెట్టాడంటూ ఓ మహిళా సహాయ కొరియోగ్రాఫర్ గత నెల 15న రాయదుర్గం పోలీస్‌స్టేషన్‌లో ఫిర్యాదు చేశారు. ఈ క్రమంలోనే జానీ మాస్టర్‌పై పోలీసులు జీరో ఎఫ్‌ఐఆర్‌ నమోదు చేశారు. బాధితురాలి నుంచి వాంగ్మూలం సేకరించిన పోలీసులు యువతి మైనర్‌గా ఉన్నప్పటి (2019) నుంచి లైంగిక దాడి జరుగుతున్నట్లుగా నిర్ధారించుకుని ఎఫ్‌ఐఆర్‌లో అదనంగా పోక్సో సెక్షన్‌ను చేర్చారు.
జానీ మాస్టర్ రిమాండ్ రిపోర్టులో కీలక అంశాలు : అసిస్టెంట్ డ్యాన్స్ కొరియోగ్రాఫర్పై లైంగిక దాడికి పాల్పడినట్లు జానీ మాస్టర్ అంగీకరించారని గతంలో రిమాండ్ రిపోర్టులో పోలీసులు తెలిపారు. ఈ మేరకు రిపోర్టును న్యాయస్థానానికి సమర్పించిన పోలీసులు, 2019లోనే బాధితురాలు జానీ మాస్టర్కు పరిచయమైనట్లు అందులో వెల్లడించారు. దురుద్దేశంతోనే జానీ మాస్టర్ బాధితురాలిని అసిస్టెంట్‌గా చేర్చుకున్నట్లు రిపోర్టులో పేర్కొన్నారు.
2020లో ముంబయిలోని ఓ హోటల్‌లో బాధితురాలిపై జానీ మాస్టర్ లైంగిక దాడికి పాల్పడినట్లుగా రిమాండ్ రిపోర్టులో తెలిపారు. అప్పుడు బాధితురాలి వయసు 16 ఏళ్లు మాత్రమేనని కోర్టుకు సమర్పించిన రిపోర్టులో తెలిపారు. గత 4 ఏళ్లలో బాధితురాలిపై పలుమార్లు లైంగిక దాడికి పాల్పడినట్టు అందులో వివరించారు. జానీ మాస్టర్ భార్య కూడా బాధితురాలిని బెదిరించినట్లుగా పేర్కొన్నారు.
జాతీయ పురస్కారం నిలిపివేత : ఇదిలా ఉండగా 2022 సంవత్సరానికి గానూ జాతీయ ఉత్తమ కొరియోగ్రాఫర్ పురస్కారానికి జానీ మాస్టర్ ఎంపికయ్యారు. అయితే ఈ కేసు పరిణామాల నేపథ్యంలో ఆ అవార్డును నిలిపివేస్తున్నట్లుగా నేషనల్ ఫిల్మ్ అవార్డు సెల్ కొద్ది రోజుల క్రితం ప్రకటించింది.్్
మధ్యంతర బెయిల్ వద్దన్న జానీ మాస్టర్ - రెగ్యులర్ బెయిల్ పిటిషన్ బుధవారానికి వాయిదా
జానీ మాస్టర్కు మధ్యంతర బెయిల్ మంజూరు - కారణం ఇదే - Interim Bail For Jani Master
