Anee Master Facts on Jani Master : లైంగిక ఆరోపణల నేపథ్యంలో ప్రముఖ కొరియోగ్రాఫర్ జానీ మాస్టర్పై పోక్సో చట్టం కింద కేసు నమోదైన సంగతి తెలిసిందే. ఈ కేసు నేపథ్యంలో జానీ మాస్టర్కు ఇటీవల జాతీయ అవార్డు కూడా రద్దు అయిన విషయం విధితమే. తాజాగా ఈ అంశంపై మహిళా కొరియోగ్రాఫర్ అనీ మాస్టర్ స్పందించారు. జానీ మాస్టర్పై కేసు అనేది చాలా బాధాకరమైన విషయం అని ఆవేదన వ్యక్తం చేశారు. ఈ మేరకు హైదరాబాద్లో నిర్వహించిన ఓ ప్రెస్మీట్లో మాట్లాడారు.
అనీ మాస్టర్ మాట్లాడుతూ, జానీ మాస్టర్ ఈ స్థాయికి రావడానికి ఎంతో శ్రమించారని చెప్పారు. కానీ ఇలాంటి ఆరోపణలు రావడం తనను ఎంతో షాక్కు గురి చేసిందని ఆవేదన వ్యక్తం చేశారు. బాధితురాలికి ఇలాంటి చేదు అనుభవం ఎదురైందన్న విషయం తనకు తెలియదని, కానీ ఈ విషయం గురించి తెలిశాక చాలా బాధపడ్డానని చెప్పారు. ఇందుకు ఆమెకు తన సపోర్టు ఉంటుందని అన్నారు. కానీ నిజానిజాలు బహిర్గతం అయ్యే వరకూ ఏ విషయాన్నీ నేను నమ్మనని స్పష్టం చేశారు.
మా మాస్టర్ గొప్ప అన్న ఆమె ఎందుకు కంప్లైంట్ చేసింది : దాదాపు 6 నెలల క్రితం బాధితురాలు తమ మాస్టర్ గొప్ప అని పలు సందర్భాల్లో చెప్పిందని అనీ మాస్టర్ గుర్తు చేశారు. మాస్టర్ను అంత గొప్పగా పొగిడిన ఆమె, ఇప్పుడు ఈ విధంగా కేసు పెట్టడం ఏంటని ప్రశ్నించారు. ఈ విషయంలో అందరిలాగే తనకూ సందేహం వచ్చిందని అన్నారు. ఇప్పుడు తాను ఏదైనా మాట్లాడితే తప్పుగా అర్థం చేసుకుంటారని, ఆ భయంతోనే ఉన్నానన్నారు. జానీ మాస్టర్ తనకు గురువుతో సమానమని, ఆయన ఎంతో శ్రమించి ఈ స్థాయికి వచ్చారని వివరించారు.
నేను ఎప్పుడూ ఇబ్బంది ఎదుర్కోలేదు : తాను ఆయనతో కలిసి చాలాసార్లు వర్క్ చేశానని అనీ మాస్టర్ తెలిపారు. కానీ ఎప్పుడూ ఎలాంటి ఇబ్బందులు ఎదుర్కోలేదన్నారు. ఈ విషయం తర్వాత డ్యాన్సర్లు, కొరియోగ్రాఫర్లపై నెగిటివిటీ ఎక్కువ అయిందని ఆందోళన వ్యక్తం చేశారు. ఇది చాలా సున్నితమైన విషయం అని, అందుకే ప్రముఖ కొరియోగ్రాఫర్లు ఎవరూ దీనిపై మాట్లాడలేకపోతున్నారని ఆమె వివరించారు.
జానీ మాస్టర్కు మరో షాక్ - జాతీయ పురస్కారం తాత్కాలిక నిలిపివేత - jani master national award revoked
