Yuzvendra Chahal IPL 2024: రాజస్థాన్ రాయల్స్ స్పిన్నర్ యుజ్వేంద్ర చాహల్ ఐపీఎల్లో మరో అరుదైన ఘనత అందుకున్నాడు. రాజస్థాన్ రాయల్స్ జట్టు తరఫున అత్యధిక వికెట్లు పడగొట్టిన స్పిన్నర్గా రికార్డ్ సాధించాడు. ఈ క్రమంలో చాహల్, స్పిన్ దిగ్గజం షేన్ వార్న్ రికార్డ్ బ్రేక్ చేశాడు. 2008- 2011 మధ్య నాలుగు సీజన్లపాటు రాజస్థాన్ రాయల్స్ జట్టు తరఫున 55 మ్యాచ్లు ఆడిన వార్న్ 7.27 ఎకనమీతో 57 వికెట్లు పడగొట్టాడు.
కాగా, చాహల్ ఈ రికార్డును బుధవారం గుజరాత్ టైటాన్స్తో జరిగిన మ్యాచ్లో బ్రేక్ చేశాడు. ఈ మ్యాచ్లో 2 వికెట్లు తీసిన చాహల్ ఈ ఫీట్ అందుకున్నాడు. చాహల్ ఇప్పటివరకూ 36 మ్యాచ్ల్లో రాజస్థాన్కు ప్రాతినిధ్యం వహించి, 58 వికెట్లు నేలకూల్చాడు. ఇక ఓవరాల్గా పేసర్ త్రివేది (65 వికెట్లు), షేన్ వాట్సన్ (61 వికెట్లు) రాజస్థాన్ తరఫున అత్యధిక వికెట్లు పడగొట్టిన జాబితాలో చాహల్ కంటే ముందున్నారు. ఇక చాహల్ ప్రస్తుతం ఉన్న ఫామ్కి ఈ సీజన్లోనే టాప్ ప్లేస్కు చేరే ఛాన్స్ ఉంది.
ఐపీఎల్లో ఒకే జట్టు తరఫున అత్యధిక వికెట్లు పడగొట్టిన బౌలర్లు
- లసిత్ మలింగ- ముంబయి ఇండియన్స్- 170 వికెట్లు
- సునీల్ నరైన్- కోల్కతా నైట్రైడర్స్- 166 వికెట్లు
- జస్ప్రీత్ బుమ్రా- ముంబయి ఇండియన్స్- 150 వికెట్లు
- భువనేశ్వర్ కుమార్- సన్రైజర్స్ హైదరాబాద్- 147 వికెట్లు
Ipl 2024 Purple Cap: ప్రస్తుత ఐపీఎల్లో చాహల్ అదరగొడుతున్నాడు. తాజాగా గుజరాత్తో మ్యాచ్లో 2 వికెట్లు పడగొట్టి పర్పుల్ క్యాప్ సొంతం చేసుకున్నాడు. ఈ సీజన్లో ఇప్పటివరకూ 5 మ్యాచ్లు ఆడిన చాహల్ 10 వికెట్లతో టాప్లో ఉన్నాడు. 9 వికెట్లతో చెన్నై సూపర్ కింగ్స్ పేసర్ ముస్తాఫిజుర్ రహ్మాన్ రెండో స్థానంలో కొనసాగుతున్నాడు.
చాహల్ @150: రాజస్థాన్ రాయల్స్ జట్టు స్పిన్నర్ యుజ్వేంద్ర చాహల్ బుధవారం (ఏప్రిల్ 10)న జరిగిన మ్యాచ్తో ఐపీఎల్లో 150 మ్యాచ్లు పూర్తి చేసుకున్నాడు. ఇప్పటివరకూ 150 మ్యాచ్లు ఆడిన చాహల్ 7.66 ఎకనమీతో 197 వికెట్లు పడగొట్టాడు.
'ఆరెంజ్ క్యాప్ అతడే గెలుచుకుంటాడు!' - ఐపీఎల్పై చాహల్ ప్రిడిక్షన్
'అప్పటికి చాహల్ ఎవరో నాకు తెలీదు- ఆ ఒక్క మాటతో నచ్చేశాడు'- ధనశ్రీ లవ్ కహానీ!
