World Chess Championship : ప్రపంచ చెస్ ఛాంపియన్‌షిప్‌ క్లైమాక్స్ రసవత్తరంగా మారింది. 14 గేమ్‌లు ఉండే ఈ ప్రపంచ మ్యాచ్‌లో 12 గేమ్‌లు పూర్తయ్యేసరికి భారత యువ సంచలనం గుకేశ్, డింగ్ లిరెన్‌ 6-6తో సమంగా నిలిచారు. ఇక బుధవారం జరిగిన 13వ గేమ్ డ్రాగా ముగిసింది.
ఈ 13వే గేమ్లో 69 ఎత్తుల తర్వాత ఇద్దరు ఆటగాళ్లు డ్రాకు అంగీకరించారు. దీంతో ప్రస్తుతం ఇద్దరు ప్లేయర్స్ 6.5 - 6.5 పాయింట్లతో సమానంగా నిలిచారు. ఇక గురువారం జరిగే చివరి (14వ) గేమ్లో ఏ ప్లేయర్ అయితే గెలుస్తారో, వారే ఛాంపియన్‌గా అవతరిస్తారు. ఒకవేళ ఆఖరి గేమ్ కూడా డ్రా ముగిస్తే, ఇద్దరు ప్లేయర్లు ఏడేసి పాయింట్లతో సమానంగా నిలుస్తారు. అప్పుడు శుక్రవారం టై బ్రేక్‌లో విజేతను నిర్ణయించాల్సి వస్తుంది.
కాగా, ఈ టోర్నీలో మొదటి గేమ్లో లిరెన్‌ గెలవగా, రెండో గేమ్ డ్రాగా ముగిసింది. మూడో గేమ్లో గుకేశ్ విజయం సాధించి స్కోరును సమం చేశాడు. ఆ తర్వాత ఏకంగా వరుసగా ఏడు గేమ్‌లు డ్రాగా మిగిలాయి. 11వ రౌండ్లో మాత్రం గుకేశ్ విజయం సాధించి 6-5తో ఆధిక్యంలో నిలిచాడు. కానీ,12వ గేమ్లో పెద్దగా పోటీ ఇవ్వలేక ఓటమిని అందుకున్నాడు.
స్మృతి మంధాన ఆల్‌టైమ్ రికార్డ్ - ఏడాదిలో నాలుగోది
ఐసీసీ టెస్ట్ ర్యాంకింగ్స్ - 6 ఏళ్ల తర్వాత రోహిత్ శర్మ డౌన్!, కోహ్లీ ర్యాంక్ ఎంతంటే?
