IND VS AUS Who Is Tanush Kotian : బోర్డర్ - గావస్కర్ ట్రోఫీ మధ్యలో రిటైర్మెంట్‌ ప్రకటించిన సీనియర్‌ స్పిన్నర్ రవిచంద్రన్‌ అశ్విన్ స్థానంలో భారత జట్టు ప్రత్యామ్నాయ ఆటగాడిని ఎంచుకున్న సంగతి తెలిసిందే. ముంబయి ఆఫ్‌స్పిన్నర్‌ తనుష్ కోటియన్‌కు సెలక్టర్లు జట్టులో స్థానం కల్పించారు. దేశవాళీ క్రికెట్లో ముంబయి తరఫున ఆడే తనుష్ కోటియన్ను ఆస్ట్రేలియాకు పంపిస్తున్నారు. ప్రస్తుతం విజయ్ హజారే ట్రోఫీ ఆడుతున్న అతడు, మంగళవారం (డిసెంబర్ 24) బోర్డర్ గావస్కర్ ట్రోఫీలో ఆడేందుకు ఆస్ట్రేలియా వెళ్తున్నాడు.
తనుష్ కోటియన్ ఎవరంటే?
ఆస్ట్రేలియాతో జరగబోయే చివరి రెండు టెస్టుల కోసం తనుష్ కోటియన్ను ఎంపిక చేశారు. వాస్తవానికి అశ్విన్ వెళ్లిపోవడంతో జట్టులో జడేజా, వాషింగ్టన్ సుందర్ మాత్రమే ఉన్నారు. దీంతో మూడో స్పిన్నర్గా తనుష్ను తీసుకున్నారు. ఇతడు మంచి ఆల్రౌండరే. ఆస్ట్రేలియా ఎతో ఈ మధ్యే జరిగిన రెండు అనధికారిక టెస్టుల కోసం ఇండియా ఎ జట్టు సభ్యుడిగా అక్కడికి ఉన్నాడు. రెండో టెస్టులో ఒక వికెట్ తీయడంతో పాటు 44 పరుగులు చేశాడు. అతడు ఇప్పటి వరకూ 33 ఫస్ట్ క్లాస్ మ్యాచ్లలో 1525 పరుగులు నమోదు చేశాడు. సగటు 41.21 కావడం విశేషం. ఇక 25.7 సగటుతో 101 వికెట్లు కూడా పడగొట్టాడు. ఇంకా రెండు సెంచరీలు, 13 హాఫ్ సెంచరీలు ఉన్నాయి.
2023-24లో రంజీ ట్రోఫీలో విజయం సాధించిన ముంబయి జట్టులో ఉన్న తనుష్ మ్యాన్ ఆఫ్ ద టోర్నమెంట్ గా నిలిచాడు. ఆ సీజన్లో అతడు 502 పరుగులు చేయడంతో పాటు 29 వికెట్లు కూడా పడగొట్టాడు. ఇరానీ కప్ లోనూ రెస్టాఫ్ ఇండియాపై శతకం బాదాడు. దీంతో ముంబయి జట్టు 27 ఏళ్ల తర్వాత ఈ కప్ సాధించింది. ఇండియా ఎ తరఫున దులీప్ ట్రోఫీలో ఆడి 10 వికెట్లు తీశాడు.
కాగా, అశ్విన్ స్థానంలో ముందుగా అనుభవజ్ఞుడైన అక్షర్‌ పటేల్‌ను ఆస్ట్రేలియాకు పంపాలని సెలక్టర్లు ఆలోచన చేశారు. కానీ అతడు కుటుంబ కారణాలతో విజయ్ హజారే ట్రోఫీ మ్యాచ్‌లకు దూరంగా ఉన్నాడు. ఈ నేపథ్యంలోనే కోటియన్ను ఎంచుకున్నట్లు తెలిసింది.
క్షీణించిన వినోద్ కాంబ్లీ ఆరోగ్య పరిస్థితి - ఇప్పుడెలా ఉందంటే?
