WFI Ban Uplift : భారత రెజ్లింగ్ సమాఖ్యపై విధించిన సస్పెన్షన్ను ఎత్తివేసినట్లు యునైటెడ్‌ వరల్డ్‌ రెజ్లింగ్ సంస్థ తాజాగా వెల్లడించింది. ఈ నిర్ణయం వెంటనే అమల్లోకి వస్తుందంటూ ఓ ప్రకటనలో పేర్కొంది. ఇటీవలే యూడబ్ల్యూడబ్ల్యూ బ్యూరో సమావేశమైంది. అందులో భాగంగా రెజ్లింగ్ సమఖ్యపై విధించిన సస్పెన్షన్, ఇతర విషయాలపై చర్చలు జరిపింది. ఈ నేపథ్యంలో ఈ సస్పెన్షన్ను ఎత్తివేయాలని నిర్ణయం తీసుకున్నట్లు అని యూడబ్ల్యూడబ్ల్యూ తెలిపింది. పలు షరతులతోనే ఈ సస్పెన్షన్ను ఎత్తివేస్తున్నట్టు పేర్కొంది.
" రెజ్లింగ్ సమాఖ్య అథ్లెట్ల కమిషన్‌కు ఎన్నికలు నిర్వహించాలి. ఇందులో పాల్గొనే అభ్యర్థులు క్రియాశీలక అథ్లెట్లు లేదా ఆటకు రిటైర్మెంట్ ప్రకటించి నాలుగేళ్లకు మించినవారు అయ్యుందాలి. అంతే కాకుండా ఇందులో అథ్లెట్లే ఓటర్లుగా ఉండాలి. ఈ ఎన్నికలు ట్రయల్స్ సమయంలో లేదా ఏదైనా సీనియర్ జాతీయ ఛాంపియన్‌షిప్ జరిగేటప్పుడు మాత్రమే నిర్వహించాలి. జూలై 1 కంటే ముందుగానే ఈ ఎన్నికలు జరగాలి." అని యూడబ్ల్యూడబ్ల్యూ పేర్కొంది.
దీంతోపాటు రెజ్లర్లపై వివక్ష చూపించకుండా అందరినీ ఒలింపిక్స్, ఇతర అంతర్జాతీయ ఈవెంట్లలోకి పరిగణించాలని వెల్లడించింది. ఈ మేరకు తమకు రెజ్లింగ్ సమాఖ్య రాతపూర్వక హామీ ఇవ్వాలని యునైటెడ్‌ వరల్డ్‌ రెజ్లింగ్ సంస్థ సూచించింది. అంతే కాకుండా మాజీ అధ్యక్షుడుకి వ్యతిరేకంగా నిరసన తెలిపిన రెజ్లర్లను కూడా పరిగణలోకి తీసుకోవాలని తెలిపింది.
అసలేం జరిగిందంటే ?
Wrestling Federation Of India President : అండర్ -15, అండర్ -20 రెజ్లింగ్ ఛాంపియన్షిప్స్ ఉత్తర్ప్రదేశ్ గోండాలోని నంది నగర్లో జరుగుతాయని తొందరపాటుగా ప్రకటించారు సంజయ్ సింగ్. దీంతో భారత క్రీడా మంత్రిత్వ శాఖ కొత్తప్యానెల్ను సస్పెండ్ చేసింది. అయితే పోటీల్లో పాల్గొనే అథ్లెట్లకు ఎలాంటి సమాచారం ఇవ్వకుండా డబ్ల్యూఎఫ్ఐ నింబధనలకు విరుద్ధంగా ఇలా ప్రకటన చేసినందుకు క్రీడా శాఖ ఈ నిర్ణయం తీసుకున్నట్లు తెలిపింది. అనంతరం డబ్ల్యూఎఫ్ఐ క్యార్యకలాపాలు నిర్వహించేందుకు తాత్తాలిక కమిటీ ఏర్పాటు చేయాలని ఇండియన్ ఒలంపిక్ అసోసియేషన్- ఐఓఏను ఆదేశించింది. అనంతరం కమిటీ ఏర్పాటు చేసిన ఐఓఏ, ఆ కమిటీకి ఛైర్మన్గా భుపిందర్ సింగ్ భజ్వాను నియమిస్తున్నట్లు ప్రకటించింది.
WFI కొత్త ప్యానెల్ సస్పెన్షన్ రద్దు చేయలేం- మరోసారి ఎన్నికలకు తాత్కాలిక కమిటీ కసరత్తు! : క్రీడా శాఖ
పాలనా వ్యవహారాలకు కొత్త కమిటీ - 'ఇకపై ఆ ముగ్గురే చూసుకుంటారు'
