Two IPL Seasons in A Year : ఐపీఎల్ అంటే ఒక బంగారు బాతు లాంటిది! క్రికెటర్ల ప్రతిభను గుర్తించడం, ఆదాయాన్ని పెంచుకోవడంలో ఐపీఎల్ ముఖ్యపాత్ర పోషిస్తుంది. టెస్టులు, వన్డేలు, టీ20లతో సాగుతున్న క్రికెట్లోకి ఐపీఎల్ సునామీలా వచ్చింది. వేల కోట్లు రెవెన్యూ జెనరేట్ చేస్తూ ప్రపంచాన్ని ఆశ్చర్యపరుస్తోంది. ఒక్క మాటలో చెప్పాలంటే ఐపీఎల్ ఓ ట్రెండ్ సెట్టర్ అని చెప్పవచ్చు. క్రికెట్ ఫ్యాన్స్ కూడా ఐపీఎల్ కోసం ఎదురుచూస్తుంటారు. మ్యాచ్ ప్రారంభం నుంచి ముగిసే వరకు టీవీలకు అతుక్కుపోతారు.
ఐపీఎల్కు జనాల్లో ఆదరణ పెరిగిపోతున్న నేపథ్యంలో బీసీసీఐ కీలక నిర్ణయం తీసుకునే యోచనలో ఉన్నట్లు తెలుస్తోంది. ఇప్పటి వరకు బీసీసీఐ ఏడాదికి ఒక ఐపీఎల్ సీజన్ను మాత్రమే నిర్వహించేది. త్వరలోనే ఏడాదికి రెండు ఐపీఎల్ సీజన్లను నిర్వహించాలనే ఆలోచనలో ఉన్నట్లు సమాచారం.
2023 నుంచి 2027 వరకు ఐదేళ్ల కోసం మొదటి రెండింటిలో ఐపీఎల్ల్లో 74 మ్యాచ్లను ఐపీఎల్ ఛైర్మన్ అరుణ్ ధమాల్ ప్లాన్ చేస్తున్నట్లు తెలిపారు. ఆ తర్వాత రెండింటిలో క్రమంగా 84కు ఆ తర్వాత 94కు మ్యాచుల సంఖ్య చేరుకుంటుందన్నారు. అయితే ఆంతర్జాతీయ, ద్వైపాక్షిక క్రికెట్ క్యాలెండర్ ద్వారా ఎన్నో సవాళ్లు ఎదురవుతాయనే విషయాన్ని ధుమాల్ అంగీకరించారు. ఏడాదికి రెండు ఐపీఎల్లు నిర్వహిస్తే సమయం దొరకడం చాలా కష్టం అవుతుందని, కానీ ఎలా ప్లాన్ చేయాలో కచ్చితంగా పరిశీలిస్తామని తెలిపారు.
మరింత జోష్తో
కాగా ఏడాదికి రెండు ఐపీఎల్లను నిర్వహిస్తే ఎలాంటి సమస్యలు వస్తాయో పలువురు అభిప్రాయాలను ధుమాల్ అంగీకరించారు. 2025లో జరిగే మెగా వేలంలో ఫ్రాంచైజీలు కేవలం ముగ్గురు లేదా నలుగురు ఆటగాళ్లను రిటైన్ చేసుకుని మిగతా జట్టు సభ్యులను విడుదల చేయాల్సి ఉంటుందన్నారు. అయితే ఐపీఎల్ కొత్త ప్రణాళిక మరింత జోష్ను నింపుతుందని ఆశాభావం వ్యక్తం చేశారు.
ఇక 2024 ఐపీఎల్ మార్చి 22న ప్రారంభం కానుందని అరుణ్ ధుమాల్ ఇప్పటికే ప్రకటించారు. లోక్సభ ఎన్నికలు ఉన్నప్పటికీ పూర్తి టోర్నమెంట్ను భారత్లోనే నిర్వహిస్తామని ధుమాల్ స్పష్టం చేశారు. తొలి రెండు వారాల షెడ్యూల్ మాత్రమే ప్రకటించగా, సాధారణ ఎన్నికల తేదీల ప్రకటన తర్వాత మిగిలిన మ్యాచ్ల షెడ్యూల్ ఖరారు చేస్తామని ఆయన అన్నారు.
రిచా తుపాన్ ఇన్నింగ్స్- అయినా ఓడిన ఆర్సీబీ- ' స్టార్' అంటూ సూర్య ప్రశంస
అదరగొట్టిన సాత్విక్‌, చిరాగ్‌ జోడీ - రెండో సారి ఫ్రెంచ్ ఓపెన్ టైటిల్ కైవసం
