Travis Head IPL Century: 2024 ఐపీఎల్లో సన్రైజర్స్ స్టార్ బ్యాటర్ ట్రావిస్ హెడ్ సెంచరీ నమోదు చేశాడు. సోమవారం చిన్నస్వామి వేదికగా రాయల్ ఛాలెంజర్స్ బెంగళూరుపై హెడ్ విధ్వంసం సృష్టించాడు. ఇన్నింగ్స్ ప్రారంభం నుంచే హిట్టింగ్ ఆడిన హెడ్ 39 బంతుల్లోనే శతకం (102 పరుగులు, 41 బంతుల్లో) పూర్తి చేసుకున్నాడు. అందులో 9 ఫోర్లు, 8 సిక్స్లు ఉన్నాయి. ఈ క్రమంలో ఐపీఎల్లో నాలుగో వేగవంతమైన సెంచరీ నమోదు చేశాడు. కాగా, ఐపీఎల్లో సన్రైజర్స్ తరఫున ఇదే ఫాస్టెస్ట్ సెంచరీ కావడం విశేషం.
IPL ఫాస్టెస్ట్ సెంచరీలు
- క్రిస్ గేల్ (ఆర్సీబీ)- 30 బంతుల్లో vs పుణె వారియర్స్ ఇండియా (2013)
- యూసుఫ్ పఠాన్ (రాజస్థాన్)- 37 బంతుల్లో vs ముంబయి (2010)
- డేవిడ్ మిల్లర్ (పంజాబ్)- 38 బంతుల్లో vs బెంగళూరు (2013)
- ట్రావిస్ హెడ్ (సన్రైజర్స్)- 39 బంతుల్లో vs బెంగళూరు (2024)
- ఆడమ్ గిల్క్రిస్ట్ (డెక్కన్ ఛార్జర్స్)- 42 బంతుల్లో vs ముంబయి (2008)
ఇక ఈ మ్యాచ్లో సన్రైజర్స్ రికార్డు సృష్టించింది. నిర్ణీత 20 ఓవర్లలో 3 వికెట్ల నష్టానికి ఏకంగా నష్టానికి 287 పరుగుల భారీ స్కోర్ నమోదు చేసింది. సెంచరీ వీరుడు 12.3 ఓవర్ వద్ద హెడ్ పెవిలియన్ చేరాడు. ఇక వన్డౌన్లో వచ్చిన క్లాసెన్ కూడా ఆర్సీబీ బౌలర్లపై రెచ్చిపోయాడు. 67 పరుగులు, 31 బంతుల్లో 2x4, 7x6 మెరుపు హాఫ్ సెంచరీ సాధించాడు. చివర్లో ఎయిడెన్ మర్క్రమ్ (32 పరుగులు, 17 బంతుల్లో), అబ్దుల్ సమద్ (37 పరుగులు 10 బంతుల్లో) బౌండరీలతో విరుచుకుపడ్డారు. దీంతో సన్రైజర్స్ తమ రికార్డును తామే బద్దలుకొట్టినట్లైంది. ఇక ఆర్బీబీ బౌలర్లలో ఫెర్గ్యూసన్ 2, టోప్లే 1 వికెట్ దక్కించుకున్నారు.
ఐపీఎల్లో ఇన్నింగ్స్లో అత్యధిక సిక్స్లు: సన్రైజర్స్ ఈ ఇన్నింగ్స్లో మొత్తం 22 సిక్స్లు నమోదు చేసింది. ఓ ఐపీఎల్ ఇన్నింగ్స్లో ఇదే అత్యధికం. గత రికార్డు ఆర్బీబీపై ఉంది. 2013లో పుణె వారియర్స్ ఇండియాపై ఆర్సీబీ 21 సిక్స్లు బాదింది.
15 ఏళ్లకే బీసీసీఐ అవార్డు, ఫస్ట్ క్లాస్ రికార్డులు - ఎవరీ నితీశ్ కుమార్ ? - Nitish Kumar SRH
