ఇంగ్లాండ్​తో సిరీస్​- సూర్య, అర్షదీప్​ను ఊరిస్తున్న భారీ రికార్డులు- తొలి ప్లేయర్​గా నిలిచే ఛాన్స్​!

భారత్ x ఇంగ్లాండ్ టీ20 సిరీస్- మనోళ్లను ఊరిస్తున్న రికార్డులు- అందుకుంటారా?

Ind Vs Eng 1st T20 2025 : స్వదేశంలో ఇంగ్లాండ్​తో టీ20 సిరీస్​కు టీమ్ఇండియా సిద్ధమైంది. ఐదు మ్యాచ్​ల సిరీస్​లో భాగంగా భారత్- ఇంగ్లాండ్ జట్ల మధ్య బుధవారం తొలి టీ20 జరగనుంది. కోల్​కతా ఈడెన్ గార్డెన్స్ ఈ మ్యాచ్​కు వేదిక కానుంది. అయితే ఈ సిరీస్​లో కెప్టెన్ సూర్యకుమార్ యాదవ్ సహా టీమ్ఇండియా ప్లేయర్లను పలు రికార్డులు ఊరిస్తున్నాయి. మరి ఆ రికార్డులేంటో చుద్దామా?

రెండో బ్యాటర్​గా!
భారత్- ఇంగ్లాండ్ కెప్టెన్లు సూర్యకుమార్ యాదవ్ టీ20 ఫార్మాట్లో దూకుడుగా ఆడుతుంటాడు. పవర్ హిట్టింగ్ చేయడంలో సూర్య నెం 1. ఈ క్రమంలోనే సూర్య ఇప్పటివరకు టీ20ల్లో 145 సిక్స్​లు బాదాడు. ఈ సిరీస్​లో మరో 5 సిక్స్​లు సంధిస్తే 150 సిక్స్​ల మార్క్​ అందుకుంటాడు. దీంతో రోహిత్ శర్మ తర్వాత ఈ మైలురాయి అందుకున్న రెండో బ్యాటర్​గా సూర్య నిలుస్తాడు. రోహిత్ 205 సిక్స్​లతో వరల్డ్​లోనే టాప్​ ప్లేస్​లో ఉన్నాడు.

View this post on Instagram

A post shared by Surya Kumar Yadav (SKY) (@surya_14kumar)

అత్యంత వేగంగా
టీమ్ఇండియా యంగ్ పేసర్ అర్షదీప్ సింగ్​ తన కెరీర్​లో 60 మ్యాచ్​ల్లో ఇప్పటివరకు 95 వికెట్లు పడగొట్టాడు. ఈ సిరీస్​లో మరో 5 వికెట్లు తీస్తే ప్రపంచంలోనే అత్యంత వేగంగా టీ20ల్లో 100 వికెట్లు పడగొట్టిన బౌలర్​గా రికార్డు సృష్టిస్తాడు. ప్రస్తుతానికి ఈ రికార్డు పాకిస్థాన్ బౌలర్ హారిస్ రౌఫ్ పేరిట ఉంది. అతడు 71 మ్యాచ్​ల్లో 100 వికెట్లను పడగొట్టాడు. అలాగే టీ20ల్లో భారత్ తరఫున 100 వికెట్లు నేలకూల్చిన తొలి బౌలర్​గానూ ఘనత సాధిస్తాడు.

రోహిత్ రికార్డుకు గురి!
వికెట్ కీపర్​ సంజూ శాంసన్ కూడా ఓ రికార్డుకు చేరువలో ఉన్నాడు. టీ20ల్లో ఇప్పటివరకు సంజూ 3 సెంచరీలు బాదాడు. ఈ సిరీస్​లో మరో సెంచరీ బాదితే సూర్యకుమార్ యాదవ్ (4) రికార్డును సమం చేస్తాడు. అదే రెండు సెంచరీలు బాదితే సూర్యకుమార్​ను అధిగమించి, రోహిత్ శర్మ(5), గ్లెన్ మాక్స్‌ వెల్‌ (5) సరసన చేరతాడు.

మరో 2 వికెట్లే
భారత్ తరఫున టీ20ల్లో అత్యధిక వికెట్లు పడగొట్టిన బౌలర్​గా నిలిచేందుకు అర్షదీప్​కు మరో 2 వికెట్లు అవసరం. ఇప్పటివరకు అర్షదీప్ 95 వికెట్లు పడగొట్టాడు. ఈ లిస్ట్​లో స్పిన్నర్ యుజ్వేంద్ర చాహల్ 96 వికెట్లతో టీ20ల్లో భారత తరఫున అత్యధిక వికెట్లు తీసిన బౌలర్​గా టాప్​లో ఉన్నాడు.

View this post on Instagram

A post shared by Arshdeep Singh (@_arshdeep.singh__)

బట్లర్​ కూడా
టీ20 ఫార్మాట్లో భారత్​పై ఇంగ్లాండ్ కెప్టెన్ జోస్ బట్లర్ ఇప్పటివరకు 22 మ్యాచ్​ల్లో 498 పరుగులు చేశాడు. 500 పరుగుల క్లబ్​లో చేరుకోవడానికి అతడికి మరో 2 పరుగులు అవసరం. ఈ సిరీస్​లో బట్లర్ మరో 2 రన్స్ చేస్తే టీమ్ఇండియాపై టీ20 ఫార్మాట్​లో 500 పరుగులు చేసిన ఇంగ్లాండ్ తొలి బ్యాటర్​గా నిలుస్తాడు. నికోలస్ పూరన్, గ్లెన్ మాక్స్‌వెల్, డేవిడ్ మిల్లర్, ఆరోన్ ఫించ్ మాత్రమే భారత్​పై 500 పరుగులు చేశారు.

Lights 🔛

Smiles 🔛

Headshots ✅#TeamIndia | #INDvENG | @IDFCFIRSTBank pic.twitter.com/C5un9Le8HD

— BCCI (@BCCI) January 21, 2025