మన క్రికెటర్ల మాతృభాష- తెలుగులో ఎంతమంది మాట్లాడుతారంటే? - Team India Cricketers Mother Tongue

Team India Cricketers Mother Tongue: భారత్​లో క్రికెట్​కు మంచి ఆదరణ ఉంటుంది. తమకు నచ్చిన ప్లేయర్లను ఫ్యాన్స్​ ఆరాధ్య దైవంగా భావిస్తుంటారు. వారి గురించి ప్రతి విషయాన్ని తెలుసుకోవాలనుకుంటారు. ఈ నేపథ్యంలో టీమ్ఇండియా ప్లేయర్ల మాతృభాష ఏది? డ్రెస్సింగ్ రూమ్​లో ఏ భాష మాట్లాడుతారు? వంటివి చూద్దాం.

Team India Cricketers Mother Tongue: భారత్​లో క్రికెట్​కు ఉండే క్రేజే వేరు. క్రికెట్ మ్యాచ్ ఉందంటే చాలు ఆఫీసులను సైతం మానేసి టీవీ, ఫోన్​లకు అతుక్కుపోతుంటారు. అంతలా క్రికెట్ అంటే ఇష్టం భారతీయులకు. అయితే టీమ్ఇండియాకు పలు రాష్ట్రాలకు చెందిన క్రికెటర్లు ప్రాతినిధ్యం వహిస్తారు. ఈ నేపథ్యంలో డ్రెస్సింగ్ రూమ్​​లో భారత ఆటగాళ్లు ఏయే భాషలు మాట్లాడతారు? టీమ్ఇండియా ప్లేయర్ల మాతృభాష ఏది? తదితర వివరాలు ఈ స్టోరీలో తెలుసుకుందాం.

• రోహిత్ శర్మ: టీమ్ఇండియా కెప్టెన్ రోహిత్ శర్మ స్వస్థలం ముంబయి. రోహిత్ మాతృభాష మరాఠీ. తన తల్లిది విశాఖపట్నం కావడం వల్ల రోహిత్​ తన మాతృభాష మరాఠీతో పాటు తెలుగు, హిందీ కూడా మాట్లాడుతాడు.
• విరాట్ కోహ్లీ: టీమ్ఇండియా స్టార్ బ్యాటర్ విరాట్ కోహ్లీ మాతృభాష పంజాబీ. అయినప్పటికీ కింగ్ కోహ్లీ హిందీ, పంజాబీని మాట్లాడుతాడు.
• శుభమన్ గిల్: టీమ్ఇండియా యంగ్ బ్యాటర్ శుభమన్ గిల్ మాతృభాష పంజాబీ. అలాగే టీమ్ఇండియా మహిళా జట్టు ప్లేయర్ హర్మన్‌ప్రీత్ కౌర్, భారత మాజీ ఆటగాళ్లు యువరాజ్ సింగ్, హర్భజన్ సింగ్ మాతృభాష కూడా పంజాబీయే.
• ఇషాన్ కిషన్, కుల్దీప్ యాదవ్ : టీమ్ఇండియా లెఫ్ట్ హ్యాండ్ బ్యాటర్ ఇషాన్ కిషన్, బౌలర్ కుల్దీప్ యాదవ్‌ మాతృభాష భోజ్‌పురి. వీరు హిందీని కూడా మాట్లాడుతారు.
• రవిచంద్రన్ అశ్విన్, వాషింగ్టన్ సుందర్, దినేశ్ కార్తీక్ : స్పిన్నర్లు రవిచంద్రన్ అశ్విన్, వాషింగ్టన్ సుందర్, బ్యాటర్ దినేశ్ కార్తీక్ మాతృభాష తమిళం. అలాగే భారత మహిళా జట్టు మాజీ కెప్టెన్ మిథాలీ రాజ్ మాతృభాష తమిళమే.
• రవీంద్ర జడేజా: స్టార్ ఆల్ రౌండర్ రవీంద్ర జడేజా మాతృభాష గుజరాతీ. జడ్డూ హిందీలో కూడా మాట్లాడుతాడు. అక్షర్ పటేల్, జైదేవ్ ఉనాద్కత్ మాతృభాష కూడా గుజరాతీనే.
• కేఎస్ భరత్: నయా వికెట్ కీపర్ కేఎస్ భరత్ మాతృభాష తెలుగు. భరత్ స్వరాష్ట్రం ఆంధ్రప్రదేశ్‌. భారత మాజీ ఆటగాళ్లు వీవీఎస్ లక్ష్మణ్, అంబటి రాయుడు మాతృభాష కూడా తెలుగే.
• మహ్మద్ సిరాజ్: భారత పేసర్ మహ్మద్ సిరాజ్ స్వస్థలం తెలంగాణ హైదరాబాద్. అతని మాతృభాష ఉర్దూ. అలాగే తెలుగు, హిందీలో కూడా సిరాజ్ మాట్లాడగలరు.
• జస్ప్రీత్ బుమ్రా: యార్కర్ల స్పెషలిస్ట్ జస్ప్రీత్ బుమ్రా పుట్టింగి గుజరాత్ రాష్ట్రంలో. అయితే తన స్వస్థలం మాత్రం పంజాబ్. అందుకే బుమ్రా గుజరాత్​తోపాటు పంజాబీ, హిందీ కూడా మాట్లాడుతాడు.
• హార్దిక్ పాండ్య: ఆల్ రౌండర్ హార్దిక్ పాండ్య మాతృభాష గుజరాతీ. అతడి స్వస్థలం బరోడా. పాండ్య బ్రదర్స్ గుజరాతీ, హిందీ మాట్లాడగలరు.
• కేఎల్ రాహుల్: కర్ణాటకలోకి మంగళూరుకు చెందిన కేఎల్ రాహుల్ మాతృభాష కన్నడ. అలాగే భారత మాజీ ఆటగాడు రాబిన్ ఉతప్ప, ప్రసిద్ధ్ కృష్ణ, వినయ్ కుమార్ మాతృభాష కూడా కన్నడే.
• సంజు శాంసన్: యంగ్ ప్లేయర్ సంజు శాంసన్, మాజీ బౌలర్ శ్రీశాంత్ మాతృభాష మలయాళం. వీరిద్దరూ కేరళకు చెందినవారు. శాంసన్ ఇంగ్లీష్​, మలయాళం మాట్లాడుతాడు.
• వృద్ధిమాన్ సాహా: సీనియర్ వికెట్ కీపర్ వృద్ధిమాన్ సాహా, మాజీ కెప్టెన్ సౌరవ్ గంగూలీ మాతృభాష బెంగాలీ.

బహుళ భాషలు మాట్లాడగల భారత ప్లేయర్లు: దాదాపుగా టీమ్ఇండియా క్రికెటర్లు అందరూ హిందీతోపాట ఇంగ్లీష్​లోనూ అనర్గళంగా మాట్లాడుతారు. మాజీ ఆటగాడు రాహుల్ ద్రవిడ్ తన మాతృభాష కన్నడ, అలాగే మరాఠీని మాట్లాడగలరు. భారత మాజీ ప్లేయర్ సంజయ్ మంజ్రేకర్ తన మాతృభాష మరాఠీ, బెంగాలీ మాట్లాడుతారు. దినేశ్ కార్తీక్ తమిళం, తెలుగు, మలయళంలో మాట్లాడగలరు.

A Throwback video of Rohit Sharma speaking Telugu 😄👌

- The main man of Hyderabad is landing today. pic.twitter.com/vC79zGVvab

— Johns. (@CricCrazyJohns) March 27, 2024

Captain Rohit Sharma speaking TELUGU. 😀🔥 pic.twitter.com/ICTDkiGoGd

— Johns. (@CricCrazyJohns) July 15, 2024