SRH vs DC IPL 2024: 2024 ఐపీఎల్లో సన్రైజర్స్ అదరగొడుతోంది. ఈ సీజన్లో ఐదో విజయం నమోదు చేసింది. శనివారం అరుణ్ జైట్లీ స్టేడియంలో విధ్వంసం సృష్టిస్తూ, దిల్లీని తమ సొంత గడ్డపై మట్టికరిపించింది. సన్రైజర్స్ బ్యాటర్లు మరోసారి చెలరేగి ఆడుతూ ప్రత్యర్థి ముందు 267 పరుగుల భారీ లక్ష్యాన్ని ఉంచింది. అనంతరం దిల్లీ భారీ టార్గెట్ను ఛేదించే క్రమంలో ఇన్నింగ్స్ను ఘనంగానే ఆరంభించినా, క్రమంగా వికెట్లు కోల్పోయింది. దీంతో పట్టు బిగించిన సన్రైజర్స్ దిల్లీని 199 పరుగులకే ఆలౌట్ చేసి 67 పరుగుల తేడాతో గ్రాండ్ విక్టరీ కొట్టింది. ఈ క్రమంలో పలు రికార్డును నమోదు చేసింది.
- ఈ మ్యాచ్లో సన్రైజర్స్ 266 పరుగుల భారీ స్కోర్ సాధించింది. ఇది ఐపీఎల్ హిస్టరీలో ఇది నాలుగో హైయ్యెస్ట్ స్కోర్. టాప్ స్కోర్ రెండు స్కోర్లు కూడా హైదరాబాద్వే. ఇదే సీజన్లో 287 (ఆర్సీబీపై), 277 (ముంబయిపై) పరుగులు చేసింది. ఇక ఈ లిస్ట్లో టాప్- 5లో మూడు సన్రైజర్స్వే కావడం గమనార్హం.
- ఈ మ్యాచ్తో పేసర్ భువనేశ్వర్ కూమార్ సన్రైజర్స్ తరఫున 150 వికెట్లు పూర్తి చేసుకున్నాడు. ఈ క్రమంలో సన్రైజర్స్ తరఫున అత్యధిక వికెట్లు పడగొట్టిన బౌలర్గా నిలిచాడు. కాగా, ఐపీఎల్లో భువీ ఇప్పటివరకు 174 వికెట్లు పడగొట్టాడు.
- సన్రైజర్స్ ఓపెనర్ ట్రావిస్ హెడ్ ఈ మ్యాచ్లో 16 బంతుల్లోనే హాఫ్ సెంచరీ బాదాడు. ఈ క్రమంలో ఐపీఎల్లో సన్రైజర్స్ తరఫున అత్యంత వేగవంతమైన హాఫ్ సెంచరీ రికార్డు (16 బంతుల్లో) అభిషేక్ శర్మను హెడ్ సమం చేశాడు.
- ఈ మ్యాచ్లో సన్రైజర్స్ 22 సిక్స్లు బాదింది. ఈ సీజన్లో 22 సిక్స్లు బాదడం సన్రైజర్స్కు ఇది రెండోసారి. ఐపీఎల్లో ఓ ఇన్నింగ్స్లో బాదిన అత్యధిక సిక్స్లు ఇవే.
- సన్రైజర్స్ పవర్ప్లేలో 24 (ఫోర్లు, సిక్స్లు కలిపి) బౌండరీలు సాధించింది. ఇంటర్నేషనల్ టీ20లో తొలి 6 ఓవర్లలో అత్యధిక బౌండరీలు బాదిన సందర్భం ఇదే. గత రికార్డు (శ్రీలంక 2014లో ససెక్స్) బద్దలైంది.
- సన్రైజర్స్ తొలి 6 ఓవర్లలో వికెట్ నష్టపోకుండా 125 పరుగులు బాదింది. ఐపీఎల్తోపాటు పురుషుల టీ20ల్లో పవర్ ప్లే లో టాప్ స్కోర్ ఇదే. ఇదివరకూ ఈ రికార్డు నాటింగ్‌హమ్‌షైర్‌ (2017లో 106 పరుగులు) పేరిట ఉండేది.
- ఈ మ్యాచ్లో సన్రైజర్స్ 5 ఓవర్లలోనే 100 పరుగుల మార్క్ దాటింది. పురుషుల టీ20లో వేగంగా 100+ స్కోర్ సాధించిన జట్టుగా సన్రైజర్స్ రికార్డు కొట్టింది. ఇదివరకు ఈ రికార్డు సౌతాఫ్రికా (2023లో వెస్టిండీస్పై 5.3 ఓవర్లలో) ఉండేది.
- 10 ఓవర్లకు సన్రైజర్స్ స్కోర్ 158-4. ఐపీఎల్లో తొలి 10 ఓవర్లలో అత్యధిక స్కోర్ కూడా ఇదే. ఈ రికార్డు ఇదివరకు సన్రైజర్స్ (2024లో ముంబయిపై 148 పరుగులు) పేరిటే ఉండగా తాజాగా తామే బద్దలుకొట్టారు.
- దిల్లీ యంగ్ బ్యాటర్ ఫ్రేజర్ ఛేదనలో దూకుడుగా ఆడి 15 బంతుల్లోనే బాఫ్ సెంచరీ కొట్టాడు. దిల్లీ తరఫున ఇదే వేగవంతమైన అర్ధ శతకం. ఇదివరకు క్రిస్ మోరిస్ (17 బంతుల్లో) పేరిట ఉండేది. ఇక ఓవరాల్గా ఐపీఎల్లో ఇది మూడో ఫాస్టెస్ట్ హాఫ్ సెంచరీ. యశస్వీ జైస్వాల్ (13 బంతుల్లో), కేఎల్ రాహుల్, ప్యాట్ కమిన్స్ (14 బంతుల్లో) ముందున్నారు. కాగా, 2024 సీజన్లో ఇదే ఫాస్టెస్ట్ హాఫ్ సెంచరీ.
హైదరాబాద్ ఓపెనర్ల విధ్వంసం - ఐపీఎల్ చరిత్రలో అత్యధిక పవర్‌ప్లే స్కోర్ - IPL 2024
