Chahal Dhanashree Divorce : టీమ్ఇండియా స్టార్‌ స్పిన్నర్‌ యుజ్వేంద్ర చాహల్- ధనశ్రీ వర్మ విడిపోతున్నారంటూ కొంతకాలంగా జోరుగా ప్రచారం సాగుతోంది. ఈ క్రమంలో వీరిద్దరూ తమతమ సోషల్ మీడియా అకౌంట్ ఇన్‌స్టాగ్రామ్‌లో ఒకరినొకరు అన్‌ఫాలో చేసుకున్నారు. అంతేకాకుండా చాహల్ తన అకౌంట్ నుంచి సతీమణి ధనశ్రీ ఫొటోలను డిలీట్‌ చేశాడు. దీంతో ఈ ప్రచారానికి మరింత బలం చేకూరింది.
అయితే చాహల్‌ను ధనశ్రీ ఇన్స్టాలో అన్‌ఫాలో చేసినప్పటికీ, అతడితో ఉన్న ఫొటోలను మాత్రం ఆమె డిలీట్‌ చేయలేదు. 'వారిద్దరూ కచ్చితంగా విడాకులు తీసుకోనున్నారు. ఈ విషయం అఫీషియల్గా డిక్లేర్డ్ చేసేందుకు ఇంకాస్త సమయం పడుతుంది. కానీ, వాళ్లు ఎందుకు విడిపోవాలనుకుంటున్నారో కారణాలు మాత్రం తెలీదు' అని సంబంధింత వర్గాలు వెల్లడించాయి.
కాగా, ముంబయికి చెందిన డెంటిస్ట్‌, కొరియోగ్రాఫర్‌ ధనశ్రీ వద్ద చాహల్ డ్యాన్స్‌ క్లాసులకు వెళ్లేవాడు. అలా వారి మధ్య స్నేహం ఏర్పడింది. ఆ స్నేహం కాస్త మెల్లిగా ప్రేమగా మారింది. వీరిద్దరూ 2020 డిసెంబర్లో పెళ్లి చేసుకున్నారు. సోషల్ మీడియాలో ఎప్పుడూ యాక్టివ్‌గా ఉంటూ లేటెస్ట్ అప్డేట్స్ ఫ్యాన్స్తో షేర్ చేసుకునేవారు.
అయితే గతంలో వీరు పెట్టిన కొన్ని పోస్టులు అభిమానులను గందరగోళానికి గురిచేశాయి. దీంతో వీరు విడాకులు తీసుకోనున్నారంటూ వార్తలు వచ్చాయి. అప్పట్లో వీటిపై చాహల్ స్పందించాడు. అలాంటిదేమీ లేదని, తాము విడిపోవడం లేదని తెలిపాడు. కానీ, తాజాగా భార్య ఫొటోలు సోషల్ మీడియాలో నుంచి తీసివేయడం వల్ల మరోసారి వీరి విడాకుల అంశం తెరపైకి వచ్చింది.
