Sourav Ganguly Ind Vs Aus Final : 1988లో ప్రారంభమైన అండర్ -19 వరల్డ్ కప్ ఇప్పుడు 15వ ఎడిషన్ ఫైనల్‌కు చేరుకుంది. సౌఫ్రికాలోని బెనోని వేదికగా ఆదివారం భారత్ - ఆస్ట్రేలియా జట్ల మధ్య మ్యాచ్ జరగనుంది. అయితే ఇప్పటివరకు ఈ టోర్నీకి ఒక్కసారి కూడా మన భారత్ ఆతిథ్యం ఇవ్వలేదు. అయితే ఈ మ్యాచ్‌లు నిర్వహిస్తే లాభదాయకంగా ఉండదనే ఉద్దేశంతోనే బీసీసీఐ దీన్ని నిర్వహించేందుకు ఆసక్తి చూపించడం లేదన్న విమర్శలు ఇప్పుడు సోషల్‌ మీడియాలో ట్రెండ్ అవుతున్నాయి. ఈ నేపథ్యంలో తాజాగా వాటిపై టీమ్ఇండియా మాజీ కెప్టెన్ సౌరభ్ గంగూలీ స్పందించాడు.
"అండర్-19 వరల్డ్ కప్ను ఇక్కడ నిర్వహించకపోవడానికి ప్రత్యేకంగా ఎటువంటి కారణాలు లేవు. ఇతర మెగా టోర్నీలు ఇక్కడ చాలానే జరిగాయి. నాలుగేళ్లకొకసారి వచ్చే సీనియర్ వరల్డ్ కప్‌ల కంటే, అండర్-19 కప్ జరగకపోతే నష్టమేంటో నాకు అసలు అర్థంకావడం లేదు. మనకి కాకపోతే వేరే దేశాలకు ఈ మ్యాచ్లను నిర్వహించే అవకాశం దక్కుతోంది. అప్పుడు క్రికెట్ విస్తరించేందుకు వీలుగా ఉంటుంది. చాలామంది ఈ టోర్నీని నిర్వహించడం వల్ల బీసీసీఐకి ఆదాయం రాదనే కోణంలో నెట్టింట కామెంట్ చేస్తున్నారు. అయితే సీనియర్ జట్లు పాల్గొనే వరల్డ్ కప్‌ల వల్ల కూడా కొన్నిసార్లు ఆ సంస్థకు ఆదాయం ఉండదు. అలాగని మనం నిర్వహించకుండా ఉంటున్నామా? లేదు కదా. అయితే, భవిష్యత్తులో తప్పకుండా అండర్ -19 ప్రపంచకప్ భారత్‌లో జరుగుతుందని నేను భావిస్తున్నాను" అని సౌరభ్ వ్యాఖ్యానించాడు.
ఇక అండర్ 19లో భారత్ ఇప్పటి వరకు ఇప్పటివరకు ఐదుసార్లు గెలిచింది. సీనియర్ ప్లేయర్ మహమ్మద్‌ కైఫ్‌ సారథ్యంలో 2000 ఎడిషన్లో ఛాంపియన్‌గా అవతరించింది. 2008లో విరాట్ కోహ్లీ, ఆ తర్వాత 2012లో ఉన్ముక్త్‌ చంద్, ఇక 2018లో పృథ్వీషా, 2022లో యశ్‌ధుల్ ఇలా ఈ ప్లేయర్లందరూ భారత్‌కు కప్ను అందించారు. ఇప్పుడు డిఫెండింగ్‌ ఛాంపియన్‌గా బరిలోకి దిగిన టీమ్ఇండియా ఈ సారి ఫైనల్‌కు చేరుకుంది. ఉదయ్‌ సహరన్‌ నాయకత్వంలో ఈ సారి గెలిస్తే వరుసగా రెండుసార్లు టైటిల్‌ను గెలిచిన రెండో జట్టుగా భారత్ రికార్డు సృష్టిస్తుంది. గతంలో పాకిస్థాన్‌ (2004, 2006) ఈ ఘనతను సాధించింది.
అండర్-19తో క్రికెట్లోకి ఎంట్రీ- ఒక్క రోహిత్ తప్ప అందరూ రిటైర్!
భారత్ x ఆస్ట్రేలియా ఫైనల్- తేల్చుకోవాల్సిన లెక్కలెన్నో- ఈసారి దెబ్బ కొట్టాల్సిందే!
