భారత్ తరఫున బరిలోకి సచిన్ తెందూల్కర్- లైవ్ ఎక్కడ చూడాలంటే?

మళ్లీ మైదానంలోకి సచిన్ తెందూల్కర్- లైవ్ ఎక్కడ చూడాలంటే?

Sachin Upcoming Match : భారత క్రికెట్‌ అభిమానులకు పండగలాంటి వార్త. మాస్టర్‌ బ్లాస్టర్‌ సచిన్‌ తెందూల్కర్‌ని బ్యాటర్‌గానే కాదు కెప్టెన్‌గానూ చూసే అరుదైన అవకాశం వచ్చింది. తాజాగా ఇంటర్నేషనల్ మాస్టర్స్ లీగ్ (IML) తొలి సీజన్ షెడ్యూల్‌ను ప్రకటించారు. ఈ టోర్నమెంట్‌లో భారత్‌కి సచిన్‌ కెప్టెన్‌గా వ్యవహరించనున్నాడు. 2025 ఫిబ్రవరి 22న భారత్‌- శ్రీలంక మ్యాచ్‌తో టోర్నీ ప్రారంభం కానుంది.

ఈ లీగ్​ గురించి సచిన్ తెందూల్కర్ తాజాగా మాట్లాడాడు. 'IML క్రికెట్​ ప్రత్యేకమైన, శాశ్వతమైన వారసత్వానికి సెలబ్రేషన్‌ లాంటిది. లీగ్‌లో నా సమకాలీనులతో కలిసి మైదానంలోకి అడుగు పెట్టడానికి ఎదురుచూస్తున్నాను. అన్ని జట్లూ గెలుపుకోసం కష్టపడతాయి. టోర్నీలో పోటీ తీవ్రంగా ఉంటుంది' అని సచిన్ తెలిపాడు.

కాగా, ఈ టోర్నీలో ఆస్ట్రేలియా, ఇంగ్లాండ్, దక్షిణాఫ్రికా, శ్రీలంక, వెస్టిండీస్ వంటి టాప్‌ టీమ్‌లు తలపడబోతున్నాయి. ఆయా జట్లకు ఆల్‌టైమ్‌ లెజెండరీ క్రికెటర్లు కెప్టెన్‌లుగా వ్యవహరించనున్నారు. వెస్టిండీస్‌కి బ్రియాన్ లారా, శ్రీలంకకి కుమార సంగక్కర సారథ్యం వహిస్తున్నారు. ఆస్ట్రేలియాని షేన్ వాట్సన్, ఇంగ్లాండ్‌కి ఇయాన్ మోర్గాన్ నడిపించనుండగా, దక్షిణాఫ్రికాకు జాక్వెస్ కల్లిస్ కెప్టెన్సీ చేయనున్నాడు.

'మాజీ క్రికెటర్లకు ఇది ఒక అద్భుతమైన అవకాశం. ఒకప్పటి పోటీతత్వాన్ని చూపేందుకు, అభిమానులతో మళ్లీ కనెక్ట్ కావడానికి ఇది గొప్ప వేదిక. చాలా మంది ప్రముఖులతో కలిసి ఈ చరిత్రాత్మక లీగ్‌లో పాల్గొనడానికి నేను సంతోషిస్తున్నాను' అని మాజీ క్రికెటర్ కూమర సంగక్కర చెప్పాడు.

Cricket’s 𝐟𝐢𝐧𝐞𝐬𝐭 Masters, all in 1️⃣ league! 🤩

Guess the Masters who will be joining the #IMLT20 magic! Let us know your 🫵 guesses in the comments below! 💬🧐#GuessTheMasters #Cricket pic.twitter.com/TGL47hDQuo

— INTERNATIONAL MASTERS LEAGUE (@imlt20official) January 27, 2025

• మ్యాచ్​లు ఎక్కడ జరగనున్నాయి?
  IML మ్యాచ్‌లకు భారత్‌లోని మూడు ప్రధాన నగరాలు ఆతిథ్యం ఇవ్వనున్నాయి. తొలి ఐదు మ్యాచ్‌లు నవీ ముంబయిలో షెడ్యూల్‌ చేశారు. ఆ తర్వాతి మ్యాచ్‌లు రాజ్‌కోట్‌లో నిర్వహిస్తారు. సెమీస్ ఇంకా, ఫైనల్ మ్యాచ్‌లకు రాయ్‌పూర్ వేదిక కానుంది.
• లైవ్ ఎక్కడ చూడవచ్చు?
  అభిమానులు IML మ్యాచ్‌లను డిస్నీ+ హాట్‌స్టార్ (వయా జియోస్టార్), కలర్స్ సినీప్లెక్స్ (SD & HD), కలర్స్ సినీప్లెక్స్ సూపర్‌హిట్స్‌ ద్వారా లైవ్‌ చూడవచ్చు. అన్ని మ్యాచ్‌లు రాత్రి 7:30 గంటలకు ప్రారంభమవుతాయి.