ఆసీస్​పై రోహిత్ దండయాత్ర- సిక్సర్లతో హిట్​మ్యాన్ విధ్వంసం - T20 World Cup

Rohit sharma vs australia T20 World Cup: 2024 టీ20 వరల్డ్​కప్​ సూపర్- 8లో ఆసీస్​తో మ్యాచ్​లో టీమ్ఇండియా కెప్టెన్ భారీ ఇన్నింగ్స్​ (92 పరుగులు)తో రఫ్పాడించాడు. ఫలితంగా ఆసీస్​ముందు భారత్ భారీ టార్గెట్ ఉంచింది.

Rohit sharma vs australia T20 World Cup: టీమ్ఇండియా కెప్టెన్ రోహిత్ శర్మ సూపర్​- 8లో ఆస్ట్రేలియాతో మ్యాచ్​లో విధ్వంసం సృష్టించాడు. సోమవారం సెయింట్ లూయిస్ మైదానాన్ని సిక్సర్లతో ముంచెత్తుతూ భారీ ఇన్నింగ్స్​ (92 పరుగులు; 41 బంతుల్లో: 4x7, 6x8)తో రఫ్పాడించాడు. తొలి నుంచే ఎటాకింగ్ గేమ్ ఆడుతూ ప్రత్యర్థి బౌలర్లను ఊచకోత కోశాడు. ఈ క్రమంలోనే 19 బంతుల్లోనే హాఫ్ సెంచరీ పూర్తి చేశాడు. కాగా, ప్రస్తుత వరల్డ్​కప్​లో ఇదే ఫాస్టెస్ట్ హాఫ్ సెంచరీ.

అప్పుడే మొదలైంది
రోహిత్ విధ్వంసం ఇన్నింగ్స్ మూడో ఓవర్లోనే మొదలైంది. ఆసీస్ స్టార్ పేసర్ మిచెస్ స్టార్క్​ను హిట్​మ్యాన్ ఊచకోత కోశాడు. ఈ ఓవర్లో వరుసగా 6,6,4,6,0,6తో ఏకంగా 29 (వైడ్ సహా) పరుగులు వచ్చాయి. ఆ తర్వాత కమిన్స్ వేసిన 5వ ఓవర్లో 6,4,4తో 15 పరుగులు పిండుకున్నాడు. ఇలా ఆసీస్ అగ్రస్థాయి బౌలర్లైన స్టార్క్, కమిన్స్​ను హిట్​మ్యాన్​ ఆటాడేసుకున్నాడు. కాగా, సెంచరీకి చేరువైన క్రమంలో 92 పరుగుల వద్ద స్టార్క్ యార్కర్​కు రోహిత్ బౌల్డయ్యాడు.

View this post on Instagram

A post shared by ICC (@icc)

ఏకైక బ్యాటర్​గా రికార్డ్
ఈ మ్యాచ్​లో రోహిత్ శర్మ అంతర్జాతీయ టీ20ల్లో 200 సిక్స్​లు పూర్తి చేసుకున్నాడు. ఈ క్రమంలో ఈ ఘనత సాధించిన తొలి బ్యాటర్​గా రికార్డు సృష్టించాడు. ఈ లిస్ట్​లో న్యూజిలాండ్ బ్యాటర్ మార్టిన్ గప్టిల్ (173), జాస్ బట్లర్ (137) తర్వాతి స్థానాల్లో ఉన్నారు.

ఆస్ట్రేలియాపై సిక్సర్ల సునామీ
రోహిత్ అంతర్జాతీయ క్రికెట్లో (మూడు ఫార్మాట్​లలో కలిపి)లో ఒకే ప్రత్యర్థిపై అత్యధిక సిక్స్​లు బాదిన రికార్డు కూడా ఖాతాలో వేసుకున్నాడు. ఆస్ట్రేలియాపై రోహిత్ 130+ సిక్స్​లు బాదాడు. ఈ క్రమంలో వెస్టిండీస్ స్టార్ క్రిస్ గేల్​ (130 సిక్స్​లు vs ఇంగ్లాండ్​పై)ను అధిగమించాడు.

Rohit Sharma: Aaj nahi chhodunga! 💪#INDvsAUS #T20WorldCup pic.twitter.com/d5IwbJL0Ek

— Disney+ Hotstar (@DisneyPlusHS) June 24, 2024

Rohit Sharma is on the charge ⚡

A rampant fifty from him powers India to 60/1 at the end of the Powerplay 🔥#T20WorldCup | #AUSvIND | 📝: https://t.co/amIpWtj5n8 pic.twitter.com/1iZYYZ8YP3

— T20 World Cup (@T20WorldCup) June 24, 2024

19వేల పరుగులు పూర్తి: ఈ ఇన్నింగ్స్​తో రోహిత్ అంతర్జాతీయ కెరీర్​ (అన్ని ఫార్మాట్ల)లో కలిపి 19వేల పరుగులు పూర్తి చేశాడు. 80పరుగుల వ్యక్తిగత స్కోర్ వద్ద రోహిత్ ఈ మైలురాయి అందుకున్నాడు. ఇప్పటిదాకా రోహిత్ ఇంటర్నేషనల్ క్రికెట్​లో 19012 పరుగులు చేశాడు.

ఇక టీమ్ఇండియా ఈ మ్యాచ్​లో నిర్ణీత 20 ఓవర్లలో 205-5 భారీ స్కోర్ చేసింది. రోహిత్​తోపాటు సూర్యకుమార్ యాదవ్ (31), శివమ్ దూబే (28), హార్దిక్ పాండ్య (27) రాణించారు. ఆసీస్ బౌలర్లలో స్టార్క్, స్టోయినిస్ చెరో 2, హేజిల్​వుడ్ 1 వికెట్ దక్కించుకున్నారు.