Rohit Sharma On Pant: భారత్- ఇంగ్లాండ్ మధ్య ఐదో టెస్టు మార్చి 7న ప్రారంభం కానుంది. ఈ మ్యాచ్కు ధర్మశాల స్టేడియం వేదిక కానుంది. ఇక ఇరుజట్లు ఇప్పటికే ధర్మశాలకు చేరుకుని ప్రాక్టీస్ మొదలు పెట్టేశాయి. ఈ క్రమంలో టీమ్ఇండియా కెప్టెన్ రోహిత్ శర్మ ప్రెస్ కాన్ఫరెన్స్లో పాల్గొన్నాడు. ఈ మీట్లో రోహిత్ శర్మ ఇంగ్లాండ్ ప్లేయర్ బెన్ డకెట్ వ్యాఖ్యలకు స్ట్రాంగ్ రిప్లై ఇచ్చాడు.
టీమ్ఇండియా యంగ్ ప్లేయర్ యశస్వీ జైశ్వాల్ తమ జట్టు బజ్బాల్ వ్యూహాన్ని చూసి దూకుడుగా ఆడడం నేర్చుకున్నాడని ఇంగ్లాండ్ ప్లేయర్ బెన్ డకెట్ ఇటీవల వ్యాఖ్యానించాడు. దీనిపై రోహిత్ తాజా ప్రెస్ కాన్ఫరెన్స్లో స్పందించాడు. 'మా జట్టులో రిషభ్ పంత్ అనే ప్లేయర్ ఉండేవాడు. బహుషా బెన్ డకెట్ ఆతడి ఆట చూసి ఉండడు' ఇంగ్లాండ్ ప్లేయర్ డకెట్కు రోహిత్ అని స్ట్రాంగ్ రిప్లై ఇచ్చాడు. అంటే ఇంగ్లాండ్ బజ్బాల్ కంటే ముందే పంత్ టెస్టుల్లో వేగంగా ఆడాడు అని రోహిత్ వ్యాఖ్యల అర్థం.
ఇక ఇదే మీట్లో బజ్బాల్ గురించి మాట్లాడాడు రోహిత్. 'బజ్బాల్ అంటే ఏంటి? నిజంగా నాకు దాని గురించి తెలీదు. కానీ, ఇంగ్లాండ్ జట్టు గతంలో కంటే ఇప్పుడు ఆటలో మెరుగైంది. ప్రస్తుత సిరీస్లో సెంచరీ సాధించిన ఇద్దరు బ్యాటర్లకు ఆ క్రెడిట్ దక్కుతుంది' అని రోహిత్ అన్నాడు. ఇక ఐదు టెస్టుల సిరీస్ను భారత్ ఒక మ్యాచ్ మిగిలుండగానే కైవసం చేసుకుంది.
Jaiswal vs England Test: ప్రస్తుత సిరీస్లో జైశ్వాల్ అదరగొడుతున్నాడు. ఎనిమిది ఇన్నింగ్స్ల్లో కలిపి 78.63 సగటున 655 పరుగులు నమోదు చేశాడు. ఇందులో రెండు డబుల్ సెంచరీలు ఉండడం విశేషం. ఇక ఇప్పటివరకు సిరీస్లోనే అత్యధికంగా 23 సిక్స్లు బాదాడు.
5వ టెస్టుకు భారత్ జట్టు: రోహిత్ శర్మ (కెప్టెన్), జస్ప్రీత్ బుమ్రా (వైస్ కెప్టెన్), యశస్వి జైశ్వాల్, శుభ్‌మన్ గిల్, రజత్ పటిదార్, సర్ఫరాజ్ ఖాన్, ధ్రువ్ జురెల్ , కేఎస్ భరత్, దేవదత్ పడిక్కల్, రవిచంద్రన్ అశ్విన్, రవీంద్ర జడేజా, అక్షర్ పటేల్, కుల్‌దీప్ యాదవ్, మహ్మద్ సిరాజ్, ముకేశ్ కుమార్, ఆకాశ్ దీప్.
100వ టెస్ట్ : అతడు ఉంటే కెప్టెన్‌కు భరోసా - ప్రత్యర్థులకు హెచ్చరిక!
కెరీర్లో బెస్ట్ ప్లేస్కు యశస్వి- టాప్ 10లోకి దూసుకుపోయాడుగా
