Rohit Sharma Helicopter: టీమ్ఇండియా కెప్టెన్ రోహిత్ శర్మ ఇంగ్లాండ్తో జరగనున్న ఐదో టెస్టు వేదిక ధర్మశాలకు హాలీవుడ్ హీరో లెవెల్లో ఎంట్రీ ఇచ్చాడు. ఆదివారం గుజరాత్ జామ్నగర్లో ప్రముఖ వ్యాపారవేత్త ముకేశ్ అంబానీ చిన్న కుమారుడు అనంత్ అంబానీ- రాధికా మర్చంట్ ప్రీ వెడ్డింగ్ ఈవెంట్కు హాజరైన రోహిత్, మంగళవారం హెలికాప్టర్లో ధర్మశాలకు చేరుకున్నాడు.
రోహిత్ ఎంట్రీతో స్థానికులు థ్రిల్లింగ్గా ఫీలయ్యారు. అక్కడనుంచి కెప్టెన్ వెళ్తుండగా 'రోహిత్ సర్ ఆల్ ది బెస్ట్' అంటూ ఫ్యాన్స్ విషెస్ చెప్పారు. అయితే టీమ్మేట్స్తో కలిసి రోహిత్ కూడా ఆదివారమే ధర్మశాలకు వెళ్లాల్సింది. కానీ, అంబానీ కుమారుడి ప్రీ వెడ్డింగ్ వేడుకకు వెళ్లడం వల్ల రోహిత్ మంగళవారం జట్టుతో కలిశాడు. ఇక భారత్- ఇంగ్లాండ్ మధ్య ఆఖరి టెస్టు మార్చి 07న ప్రారంభం కానుంది.
ఇక ఇంగ్లాండ్తో జరుగుతున్న టెస్టు సిరీస్ను ఒక మ్యాచ్ మిగిలుండగానే భారత్ చేజిక్కించుకుంది. హైదరాబాద్లో జరిగిన తొలి టెస్టులో టీమ్ఇండియా ఓడినప్పటికీ, తర్వాత మ్యాచ్ల్లో పుంజుకుంది. వరుసగా విశాఖపట్టణం, రాజ్కోట్, రాంచీ టెస్టుల్లో నెగ్గి హ్యాట్రిక్ కొట్టింది.
వారిద్దరికీ స్పెషల్: భారత్- ఇంగ్లాండ్ ధర్మశాల టెస్టు ఇరుజట్ల ప్లేయర్లు అశ్విన్, జానీ బెయిస్ట్రోకు ప్రత్యేకం కానుంది. ఈ ఇద్దరికీ ఈ టెస్టు తమతమ కెరీర్లో 100వ మ్యాచ్ కానుంది. ఈ క్రమంలో అశ్విన్ మాట్లాడాడు. '100వ టెస్టు నాకే కాదు. మా ఫ్యామిలికీ ఎంతో స్పెషల్. నా తల్లిదండ్రులు, భార్య, పిల్లలు కూడా ఈ మ్యాచ్ కోసం ఎంతో ఇంట్రెస్టింగ్గా ఎదురుచూస్తున్నారు. నా జర్నీలో కుటుంబీకుల కష్టం ఎంతో ఉంటుంది. క్రికెట్‌లో నేను ఏం చేశానో నా తండ్రి ఇప్పటికీ 40మందికి జవాబివ్వగలరు' అని అశ్విన్ ఎమోషనల్ అయ్యాడు.
భారత్ జట్టు: రోహిత్ శర్మ (కెప్టెన్), జస్ప్రీత్ బుమ్రా (వైస్ కెప్టెన్), యశస్వి జైశ్వాల్, శుభ్‌మన్ గిల్, రజత్ పటిదార్, సర్ఫరాజ్ ఖాన్, ధ్రువ్ జురెల్ , కేఎస్ భరత్, దేవదత్ పడిక్కల్, రవిచంద్రన్ అశ్విన్, రవీంద్ర జడేజా, అక్షర్ పటేల్, కుల్‌దీప్ యాదవ్, మహ్మద్ సిరాజ్, ముకేశ్ కుమార్, ఆకాశ్ దీప్.
సన్రైజర్స్ కొత్త సారథి ఫిక్స్ - కమిన్స్ ఇన్ - మార్‌క్రమ్‌ ఔట్
పిల్లాడిలా మారిపోయిన స్టార్ క్రికెటర్ - రోడ్డుపై గోళీలు ఆడిన పంత్
