'రోహిత్ కోసం ఖర్చు ఎంత్తైనా రెడీ- కావాలంటే లైఫ్​ను బెట్​ వేస్తా'- ప్రీతి జింటా కామెంట్స్! - Rohit shama Preity Zinta

Rohit shama Preity Zinta: పంజాబ్ కింగ్స్ ఓనర్ బాలీవుడ్ క్వీన్ ప్రీతీ జింటా తాజాగా ఆసక్తికర వ్యాఖ్యలు చేసింది. పంజాబ్​కు రోహిత్ శర్మ లాంటి నిడకడైన ప్లేయర్ అవసరమని అభిప్రాయపడింది.

Rohit shama Preity Zinta: ముంబయి ఇండియన్స్ స్టార్ బ్యాటర్ రోహిత్ శర్మను మెగావేలంలో దక్కించుకోవడానికి ఎంత్తైనా ఖర్చు చేస్తానని పంజాబ్ కింగ్స్ ఓనర్ బాలీవుడ్ క్వీన్ ప్రీతీ జింటా చెప్పింది. హిట్​మ్యాన్ కోసం లైఫ్​ను బెట్​గా వేస్తానని ఇంట్రెస్టింగ్ కామెంట్స్ చేసింది. తమ జట్టుకు నిలకడగా రాణిస్తూ, ఛాంపియన్ మైండ్​సెట్​ ఉన్న ప్లేయర్ కావాలని ఆమె అభిప్రాయపడింది.

శనివారం రాజస్థాన్ చేతిలో పంజాబ్​ ఓడిన తర్వాత ప్రీతీ ఈ మేరకు వ్యాఖ్యాలు చేసింది. 'రోహిత్ శర్మ 2025 మెగా వేలంలోకి అందుబాటులోకి వస్తే, అతడిని దక్కించుకోవడం కోసం నా లైఫ్​ను బెట్​గా వేస్తా. జట్టులో నిలకడతోపాటు ఛాంపియన్ మైండ్​సెట్​ కలిగిన కెప్టెన్​ను మేం చాలా మిస్ అవుతున్నాం' అని స్టార్ స్పోర్ట్స్​తో మాట్లాడింది. దీంతో ప్రీతి 'పెద్ద ప్లానింగే వేసింది', 'బ్యూటీ విత్ బ్రెయిన్' అంటూ నెటిజన్లు కామెంట్లు పెడుతున్నారు.

• Preity Zinta 🎙 : I will bet my life to get Rohit Sharma if he comes in mega auction.We are only missing a captain in our team who brings on some stability and champion mindset [Star sports] pic.twitter.com/ORMlKSEi8h

  — Kolly Censor (@KollyCensor) April 14, 2024

Rohit Sharma Mumbai Indians: ఐపీఎల్​లో రోహిత్ 2013లో తొలిసారి ముంబయి ఇండియన్స్​ కెప్టెన్​గా నియమితుడయ్యాడు. అదే ఏడాది ముంబయికి రోహిత్ తొలి టైటిల్ అందించాడు. ఆ తర్వాత 2015, 2017, 2019, 2020 సీజన్​లలో ముంబయిని ఛాంపియన్​గా నిలబెట్టి ఐపీఎల్​ హిస్టరీలో అత్యంత విజయవంతమైన కెప్టెన్​గా నిలిచాడు. ఇక ఐపీఎల్​లో 158 మ్యాచ్​లకు కెప్టెన్​గా వ్యవహరించిన రోహిత్ 87 మ్యాచ్​ల్లో నెగ్గాడు. ఈ లిస్ట్​లో ధోనీ (133 విజయాలు) తర్వాత రెండో స్థానంలో ఉన్నాడు. ఇక 2024 సీజన్​కుగాను ముంబయి ఫ్రాంచైజీ రోహిత్​ను కెప్టెన్​గా తప్పించి ఆ బాధ్యతలు ఆల్​రౌండర్ హార్దిక్ పాండ్యకు అప్పగించింది. ఈ నిర్ణయం రోహిత్ ఫ్యాన్స్​కు నచ్చలేదు. దీంతో సోషల్ మీడియాలో ఫ్యాన్స్ దీన్ని వ్యతిరేకించారు. ఇక రోహిత్ మెగావేలంలోకి వస్తే, చాలా ఫ్రాంచైజీలు ఆసక్తి చూపే ఛాన్స్ ఉంది.

Rohit Sharma IPL: ప్రస్తుత ఐపీఎల్​లో రోహిత్ శర్మ అదరగొడుతున్నాడు. రాజస్థాన్​ రాయల్స్​తో మ్యాచ్​లో మినహా అన్నింట్లోనూ రాణించాడు. ఇందులో రెండు సార్లు 40+ స్కోర్లు సాధించాడు. ఇప్పటివరకూ 5 మ్యాచ్​లు ఆడిన రోహిత్ 167.74 స్ట్రైక్​ రేట్​తో 156 పరుగులు చేశాడు. ఇందులో 17ఫోర్లు, 10 సిక్స్​లు ఉన్నాయి. అంటే బౌండరీల ద్వారానే రోహిత్ 128 పరుగులు సాధించాడు.