RCB vs RR IPL 2024: 2024 ఐపీఎల్లో రాజస్థాన్ రాయల్స్ జైత్రయాత్ర కొనసాగుతోంది. రాజస్థాన్ టోర్నీలో వరుసగా నాలుగో విజయం నమోదు చేసింది. శనివారం జైపుర్ వేదికగా రాయల్ ఛాలెంజర్స్ బెంగళూరుతో జరిగిన మ్యాచ్లో 6 వికెట్ల తేడాతో ఘన విజయం సాధించింది. బెంగళూరు నిర్దేశించిన 184 పరుగుల టార్గెట్ను 4 వికెట్లు కోల్పోయి 19.1 ఓవర్లలో ఛేదించింది. జాస్ బట్లర్ (100* పరుగులు), కెప్టెన్ సంజూ శాంసన్ (69 పరుగులు, 42 బంతుల్లో; 8x4, 2x6) హాఫ్ సెంచరీలతో అదరగొట్టారు. ఆర్సీబీ బౌలర్లలో రీస్ టోప్లే 2, మహ్మద్ సిరాజ్, యశ్ దయాల్ తలో వికెట్ దక్కించుకున్నారు.
భారీ లక్ష్య ఛేదనలో రాజస్థాన్కు రెండో బంతికే ఎదురుదెబ్బ తగిలింది. యంగ్ బ్యాటర్ యశస్వీ జైస్వాల్ (0) డకౌట్ అయ్యాడు. కానీ, అసలు కథ అప్పుడే మొదలైంది. వన్ డౌన్లో వచ్చిన శాంసన్తో బట్లర్ ఆర్సీబీ బౌలర్లపై ఎదురు దాడికి దిగాడు. ఎడాపెడా బౌండరీలు బాదుతూ జట్టును విజయం దిశగా నడిపించాడు. అటు శాంసన్కూడా ఆర్బీసీ బౌలర్లకు ఎలాంటి ఛాన్స్ ఇవ్వకుండా, మెరుపు ఇన్నింగ్స్తో అలరించాడు. ఈ క్రమంలో బట్లర్, శాంసన్ హాఫ్ సెంచరీలు పూర్తి చేసుకున్నారు. అర్ధ శతకాల తర్వాత వీరిద్దరూ దూకుడు పెంచారు. రెండో వికెట్కు ఏకంగా 148 పరుగుల భాగస్వామ్యం నెలకొల్పి, ఆర్సీబీకి విజయాన్ని దూరం చేశారు.
అంతకుముందు టాస్ ఓడి బ్యాటింగ్కు దిగిన బెంగళూరు నిర్ణీత 20 ఓవర్లలో 3 వికెట్లు నష్టానికి 183 పరుగులు చేసింది. ఆర్సీబీ ఇన్నింగ్స్లో చెప్పుకోవాల్సింది విరాట్ బ్యాటింగ్ గురించే. ఈ మ్యాచ్లో విరాట్ సూపర్ సెంచరీ (113 పరుగులు, 72 బంతుల్లో ; 12x4, 4x6)తో బెంగళూరుకు మంచి స్కోర్ కట్టబెట్టాడు. మరో ఓపెనర్ ఫాఫ్ డూప్లెసిస్ (44 పరుగులు, 33 బంతుల్లో) రాణించాడు. మ్యాక్స్వెల్ (1) మరోసారి నిరాశపర్చాడు. దీంతో ఆర్సీబీ 200లోపే పరిమితమైంది. కాగా, ఇది బెంగళూరుకు వరుసగా మూడో ఓటమి. ప్రస్తుత సీజన్లో ఐదు మ్యాచ్లు ఆడిన ఆర్సీబీ నాలుగు మ్యాచ్ల్లో ఓడి కేవలం ఒక దాంట్లోనే నెగ్గింది.
ఐపీఎల్లో 'విరాట్' మరో రికార్డ్- దరిదాపుల్లో కూడా ఎవరూ లేరుగా! - Virat Kohli Ipl Runs
ఆర్సీబీ x రాజస్థాన్- విరాట్ను ఊరిస్తున్న రికార్డులు - Virat Kohli IPL 2024
