RCB Vs KKR IPL 2024 : ఐపీఎల్ సీజన్ 17లో భాగంగా రాయల్ ఛాలెంజర్స్ బెంగళూరుతో జరిగిన మ్యాచ్లో కోల్కతా నైట్ రైడర్స్ ఒక్క పరుగు తేడాతో విజయం సాధించింది. బెంగళూరు ప్లేయర్లు విల్ జాక్స్ (55), రజత్ పటీదార్ (52) లాంటి స్టార్స్ రాణించినప్పటికీ కోల్కతా నిర్దేశించిన 223 పరుగుల లక్ష్యాన్ని ఛేదించడంలో విఫలమయ్యారు. ఇక కోహ్లీ(18), డుప్లెసిస్(7), గ్రీన్‌(6), లమ్రార్‌(4) నిరాశపర్చారు. దీంతో నిర్ణీత 20 ఓవర్లలో 221 పరుగులకే ఆ జట్టు ఆలౌటైంది. చివరిలో దినేశ్‌(25), కర్ణ్‌శర్మ(20) పరుగులు చేసినప్పటికీ ఆ ఇన్నింగ్స్ వృథా అయిపోయింది. ఇక కోల్కతా బౌలర్లలో రసెల్‌ 3 వికెట్లు పడగొట్టగా, హర్షిత్‌ రాణా, సునీల్‌ నరైన్‌ చెరో 2, వరుణ్‌ చక్రవర్తి, స్టార్క్‌ తలో ఒక వికెట్‌ పడగొట్టారు.
అంతకుముందు టాస్ ఓడి బ్యాటింగ్‌ చేసిన కోల్కతా జట్టు నిర్ణీత 20 ఓవర్లలో 6 వికెట్ల నష్టానికి 222 పరుగులు సాధించింది. ఓపెనర్‌ సాల్ట్‌ (48); చెలరేగాడు. ఆ తర్వాత శ్రేయస్‌ అయ్యర్‌ (50) కూడా అర్ధశతకంతో రాణించాడు. రింకూ సింగ్‌ (24), రసెల్‌ (27*), రమణ్‌దీప్‌ (24*) ఫర్వాలేదనిపించారు. ఇక నరైన్‌ (10), రఘువంశీ (3), వెంకటేశ్‌ అయ్యర్‌ (16) నిరాశపరిచారు. బెంగళూరు బౌలర్లలో యశ్‌ దయాల్‌, గ్రీన్‌ చెరో 2 వికెట్లు పడగొట్టగా.. సిరాజ్‌, ఫెర్గూసన్‌ తలో వికెట్‌ తీశారు.
థర్డ్ అంపైర్ ఫెయిర్ రివ్యూ - కాంట్రవర్సీగా విరాట్ ఔట్!
ఇక ఈ మ్యాచ్ వేదికగా ఓ వివాదాస్పద ఘటన జరిగింది. స్టార్ క్రికెటర్ విరాట్ కోహ్లీ(18) ఔట్ అయినతీరు కాస్త కాంట్రవర్సీగా మారింది. హర్షిత్‌ రాణా వేసిన మూడో ఓవర్‌ తొలి బంతికి అతనికే క్యాచ్‌ ఇచ్చాడు. అయితే, ఆ బాల్ను ఫుల్ టాస్ రూపంలో కాస్త ఎత్తులో రావడం వల్ల అసలు గొడవ మొదలైంది. నో- బాల్ కోసం కోహ్లీ రివ్యూ తీసుకున్నప్పటికీ, నిర్ణయం అతనికి వ్యతిరేకంగానే వచ్చింది. అయితే థర్డ్ అంపైర్ ఆ బంతిని ఫెయిర్ డెలివరిగా నిర్ణయిస్తూ, కోహ్లీని ఔట్గా డిక్లేర్ చేశారు. థర్డ్ అంపైర్ నిర్ణయంపై విరాట్, డుప్లెసిస్ ఆన్‌ఫీల్డ్ అంపైర్లతో చర్చించిప్పటికీ, ఫలితం లేకుండా పోయింది.
'ఆర్సీబీలో సగం మందికి ఇంగ్లీష్ కుడా రాదు' - IPL 2024 RCB
ఆర్సీబీ ప్లే ఆఫ్స్ ఆశలు- బెంగళురుకు ఛాన్స్ ఉందా? - RCB Playoff Chances IPL 2024
