RCB vs CSK IPL 2024 : 2024 ఐపీఎల్లో రాయల్ ఛాలెంజర్స్ బెంగళూరు - చెన్నై సూపర్ కింగ్స్ మ్యాచ్కు మరికొన్ని గంటలు మాత్రమే మిగిలి ఉంది. సీజన్ 17లో ప్లేఆఫ్స్ చేరాలంటే ఆర్సీబీకి ఈ మ్యాచ్ అత్యంత కీలకం. దీంతో ఈ మెగాపోరు కోసం క్రికెట్ ఫ్యాన్స్ ఎంతో ఆత్రుతగా ఎదురుచూస్తున్నారు. అయితే మ్యాచ్ జరగనున్న చిన్నస్వామి స్టేడియం ప్రాంతంలో శనివారం వర్షం ముప్పు పొంచి ఉన్నట్లు వార్తలు వస్తున్నాయి.
ఈ నేపథ్యంలో వాతావరణంపై ఆక్యూవెదర్‌ ఓ అంచనా వేసింది. దాని ప్రకారం మ్యాచ్ జరిగే ఛాన్స్ ఎక్కువగా ఉంది. ఉదయాన్నే బెంగళూరులో పొడి ఎండ ఉందంటూ పలువురు నెటిజన్లు నెట్టింట పోస్ట్లు పెడుతున్నారు. దీంతో ఆర్సీబీ ఫ్యాన్స్ ఫుల్ ఖుషి అవుతున్నారు. ఎందుకంటే నాకౌట్ దశకు అర్హత సాధించాలంటే ఆర్సీబీ ఈ మ్యాచ్లో తప్పక నెగ్గాలి. ఒకవేళ వర్షం కురిసి రద్దైతే చెన్నై ప్లేఆఫ్స్కు దూసుకెళ్తుంది. ఈ నేపథ్యంలో సాయంత్రం నుంచి అక్కడ వాతావరణం ఎలా ఉండనుందో చూద్దాం.
- మ్యాచ్ రాత్రి 7.30 గంటలకు ప్రారంభం కానుంది. టాస్ 7 గంటలకు వేస్తారు. ఈ లెక్కన దాదాపు గంట ముందు నుంచే వర్షం పడకుండా ఉండాలి.
- కానీ, ఆక్యూ వెదర్‌ ప్రకారం, సాయంత్రం 6 గంటల వరకు వర్షం కురిసే అవకాశాలు 87% ఉన్నాయి.
- రాత్రి 7 గంటలకు వాతావరణం సాధారణ స్థితికి వస్తుంది. చినుకులు పడే అవకాశం 34 శాతానికి దిగిపోతుంది. ఇదే పరిస్థితి రాత్రి 10 గంటల దాకా ఉండే ఛాన్స్ ఉంది.
- అయితే రాత్రి 11 గంటలకు మాత్రం వర్షం పడుతుందని ఆక్యూ వెదర్‌ రిపోర్ట్ చెబుతోంది. ఈ సమయంలో జల్లులు పడే అవకాశం 51 శాతంగా ఉంది.
- ఈ రిపోర్ట్ ప్రకారం మ్యాచ్ జరిగే ఛాన్స్లు ఎక్కువగా ఉన్నాయి. ఒకవేళ వర్షం పడి మ్యాచ్ ఆగితే, గ్రౌండ్ను క్లీన్ చేసేందుకు 'సబ్‌ఎయిర్‌' సిస్టమ్‌తో అక్కడి సిబ్బంది రెడీగా ఉంటారు.
- ఒకవేళ సాయంత్ర నుంచి భారీ వర్షం పడినా, 5 ఓవర్ల మ్యాచ్ నిర్వహించేందుకు ప్రయత్నిస్తారు. అయితే అలా జరగాలంటే 10.30 గంటలకల్లా గ్రౌండ్ సిద్ధంగా ఉండాలి.
- ఇక చెన్నై (14 పాయింట్లు), ఆర్సీబీ (12 పాయింట్లు)తో ఉన్నాయి. ఒకవేళ మ్యాచ్ రద్దైతే చెన్నై ప్లేఆఫ్స్కు, ఆర్సీబీ ఇంటికి వెళ్తాయి.
వర్షం ముప్పు - ఆర్సీబీని సబ్‌ ఎయిర్‌ సిస్టమ్‌ కాపాడుతుందా? - IPL 2024 CSK VS RCB
'రెండుసార్లు నా హార్ట్ బ్రేక్ అయ్యింది- కోలుకోడానికి కొన్ని రోజులు పట్టింది' - IPL 2024
ముంబయికి రోహిత్ బైబై!- ఆఖరి మ్యాచ్ ఆడేశాడా?- కోచ్ రెస్పాన్స్ ఇదే - IPL 2024
