Paris Olympics Viacom 18 : పారిస్ ఒలింపిక్స్ క్రీడల ద్వారా ప్రముఖ నెట్వర్కింగ్ సంస్థ వయాకామ్ 18 ఓ అరుదైన రికార్డును సృష్టించింది. మొత్తం 17 కోట్ల వ్యూస్‌ వచ్చినట్లు తాజాగా విడుదలైన గణాంకాల్లో వెల్లడించినట్లు తెలుస్తోంది. అంటే వ్యూవర్స్ ఈ క్రీడలనుచూసిన సమయం 1500 కోట్ల నిమిషాలు దాటిపోయిందని అందులో పేర్కొందని, వయాకామ్ డిజిటల్ సీఈవో కిరణ్‌ మణి వెల్లడించారు.
"క్రికెట్కే కాకుండా, ఇతర క్రీడలకు మంచి ఆదరణ ఉందని ఈ సారి జరిగిన పారిస్ ఒలింపిక్స్ నిరూపించాయి. భారత అభిమానులు కూడా ఈ క్రీడలను చూసేందుకు చాలా ఆసక్తి చూపించారు. వ్యూవర్‌షిప్‌,అడ్వర్టైజర్ల విషయంలో మేం ఎదుర్కొన్న ఈ పరీక్ష సక్సెస్ అయ్యింది. ఇక ఈ ఒలింపిక్స్ కవరేజీ ప్రపంచస్థాయిలో ఉండటమే కాకుండా, మాజీ ఒలింపియన్స్‌తో ప్రత్యేక చర్చా కార్యక్రమాల ద్వారా కూడా మేము అభిమానులను ఆకట్టుకోగలిగాం. ప్రతీ ఈవెంట్కు సంబంధించిన లైవ్, అలాగే నాన్‌లైవ్‌ కవరేజీతో రెండు వారాల పాటు నిరంతరం టెలికాస్ట్ చేశాం. ఇక క్రీడలను అభిమానులకు దగ్గర చేసినట్లే, తమ వినియోగదారులను ప్రకటనదారులకు చేరువ చేసినందుకు మాకు ఎంతో సంతోషంగా ఉంది" అని సీఈవో కిరణ్‌ తెలిపారు.
ఇక భారత్‌లో తొలిసారి ఒలింపిక్స్‌ను వయాకామ్ మీడియా సంస్థ లైవ్ టెలికాస్ట్ చేసింది. అందులో భాగంగా 17 అంశాల స్పోర్ట్స్ ఫీడ్లు, అలాగే మూడు క్యురేటెడ్‌ ఫీడ్లను బ్రాడ్‌కాస్ట్‌ చేసింది. స్పోర్ట్స్ 18 -1, స్పోర్ట్స్ 18- 1 హెచ్‌డీ, స్పోర్ట్స్ 18 -2 (హిందీ)లో భారత అథ్లెట్ల పెర్ఫామెన్స్లనే కాకుండా ఇంటర్నేషనల్గా పేరొందిన అథ్లెట్ల ఆటలను కూడా ప్రసారం చేసింది. ఇంగ్లిష్‌, తెలుగు, హిందీ, తమిళం ఇలా నాలుగు భాషల్లో ఈ పోటీలను వీక్షించే అవకాశాన్ని కల్పించింది. ఇప్పటికీ భారత్ వేదికగా జరిగే క్రికెట్ మ్యాచ్‌లను వయాకామ్ మీడియానే ప్రత్యక్ష ప్రసారం చేస్తున్న సంగతి తెలిసిందే. దీంతో పాటు జియో సినిమా సంస్థ తమ వెబ్సైట్లో ఈ ప్రోగ్రామ్ను ఉచితంగా ఇవ్వడం వల్ల వీక్షణల సంఖ్య బాగా పెరిగింది.
'ఒలింపిక్స్కు ఆతిథ్యమివ్వడం భారత్ కల- దానికి ఇప్పట్నుంచే రెడీ అవుతున్నాం' - Olympics 2036
పారిస్ ఒలింపిక్స్ - మన అథ్లెట్లు సాధించిన 11 సూపర్ రికార్డులివే - Paris Olympics 2024 Records
