Paris Olympics 2024 PV Sindhu : ఒలింపిక్స్లో మూడో పతకంపై కన్నేసిన స్టార్‌ షట్లర్ పీవీసింధుకు నిరాశ ఎదురైంది. ప్రస్తుతం పారిస్ ఒలింపిక్స్లో గ్రూప్ స్టేజ్‌లో వరుసగా రెండు మ్యాచుల్లో గెలిచిన సింధుకు ఇప్పుడు ప్రీ క్వార్టర్స్లో పరాజయం ఎదురవ్వడంతో ఆమె పోరాటం ముగిసింది. రియో ఒలింపిక్స్ 2016లో రజతం, టోక్యో ఒలింపిక్స్ 2020లో కాంస్యం గెలిచిన సింధు - ఇప్పుడు పారిస్లో మాత్రం ప్రీక్వార్టర్స్‌కే పరిమితమైంది.
చైనాకు చెందిన 9వ ర్యాంకర్ హీబింగ్ జియావోపై 19-21,14-21 వరుస సెట్లలో ఓడింది. వాస్తవానికి ఈ పోరులో సింధు అనవసర తప్పిదాలతో మూల్యం చెల్లించుకుంది. తొలిగే మ్‌లో క్రాస్ కోర్ట్ షాట్స్‌తో సింధు, స్మాష్‌లతో చైనా ప్లేయర్ హోరాహోరీగా తలపడ్డారు. చివరకు చైనా ప్లేయర్ గెలిచింది. ఇక రెండోగేమ్ ఆరంభం నుంచే దూకుడు చూపించిన బింగ్ వరుస పాయింట్స్‌తో సింధుపై ఒత్తిడిని పెంచింది. కానీ మధ్యలో సింధు కాస్త పుంజుకున్నా చివరికి ఆధిక్యాన్ని కాపాడుకొని రెండో గేమ్‌తో పాటు మ్యాచ్ను సొంతం చేసుకుంది బింగ్.
అయితే అంతకుముందు జరిగిన గ్రూప్ స్టేజ్‌లో వరుసగా రెండో మ్యాచ్‌లోనూ విజయం సాధించింది. ఎస్టోనియాకు చెందిన యంగ్ ప్లేయర్ క్రిస్టిన్‌ కూబా పై 21-5, 21-10 పాయింట్ల తేడాతో గెలుపొందింది. ఈ విజయంతో సింధు గ్రూప్-M నుంచి ప్రీ క్వార్టర్స్కు చేరుకుంది. అయితే సింధు ఈ మ్యాచ్ను కేవలం 34 నిమిషాల్లోనే ముగియడం విశేషం.
గత రెండు ఒలింపిక్స్లో సింధు మెరుగైన ప్రదర్శనతో అదరగొట్టింది. అయితే కామెన్వెల్త్ గేమ్స్ తర్వాత సింధు ఫామ్ కోల్పోయింది. ఈ క్రమంలో ఆమె గాయపడింది. గాయం నుంచి కోలుకున్నాక కూడా జరిగిన పలు టోర్నీల్లో ఆశించిన స్థాయిలో సింధు ప్రదర్శన చేయలేదు. దీంతో ఫ్యాన్స్ కాస్త ఆందోళన చెందుతున్నారు. అయితే విశ్వక్రీడలు అనగానే సింధు రెట్టించిన ఉత్సాహంతో బరిలోకి దిగినప్పటికీ ప్రీ క్వార్టర్స్లో ఆమెకు నిరాశ తప్పలేదు. దీంతో క్రీడాభిమానులు కూడా ఆమె ఓటమి పట్ల ఆందోళన వ్యక్తం చేశారు.
పారిస్ ఒలింపిక్స్ - పీవీ సింధు చీరపై విమర్శలు - ఎందుకంటే?
మలేషియా మాస్టర్స్ నుంచి కాన్ఫిడెన్స్‌ తీసుకెళ్తా- అలా చేసుంటే బాగున్ను!: పీవీ సింధు - PV Sindhu
