పాకిస్థాన్ అరుదైన ఘనత- 22ఏళ్ల తర్వాత తొలిసారి అలా!

పాకిస్థాన్ క్రికెట్ జట్టు అరుదైన ఘనత- ఆసీస్ గడ్డపై వన్డే సిరీస్ గెలుపు

Pak vs Aus ODI Series 2024 : పాకిస్థాన్ క్రికెట్ జట్టు అరుదైన ఘనత సాధించింది. 22ఏళ్ల తర్వాత తొలిసారి ఆస్ట్రేలియా గడ్డపై వన్డే సిరీస్ నెగ్గింది. పెర్త్ వేదికగా ఆస్ట్రేలియాతో జరిగిన నిర్ణయాత్మకమైన మూడో వన్డేలో పాకిస్థాన్ 8 వికెట్లతో నెగ్గింది. ఫలితంగా మూడు మ్యాచ్​ల వన్డే సిరీస్​ను పాక్​ 2-1తో దక్కించుకుంది. ఆదివారం జరిగిన మూడో మ్యాచ్​లో ఆసీస్ నిర్దేశించిన 141 పరుగుల లక్ష్యాన్ని పాక్ 26.5 ఓవర్లలో రెండు వికెట్లు కోల్పోయి ఛేదించింది. దీంతో 2002 తర్వాత కంగారుల గడ్డపై పాక్ తొలిసారి వన్డే సిరీస్ చేజిక్కించుకుంది.

రీసెంట్​గా అది కూడా
ఇటీవల పాకిస్థాన్ సొంతగడ్డపై టెస్టు సిరీస్​ కూడా దక్కించుకుంది. స్వదేశంలో ఇంగ్లాండ్​తో మూడు టెస్టుల సిరీస్​లో పాక్ తలపడింది. ఈ సిరీస్​లో తొలి టెస్టులో ఓడినా, ఆత్మ విశ్వాసంతో ఆడి తర్వాత రెండు మ్యాచ్​ల్లో పాక్ విజయం సాధించింది. దీంతో సుదీర్ఘ విరామం తర్వాత స్వదేశంలో టెస్టు సిరీస్ విజయం అందుకుంది. తాజాగా ఆసీస్​తో వన్డే సిరీస్​ దక్కించుకోవడం వల్ల పాక్ ఆత్మవిశ్వాసాం మరింత పెరిగినట్లే!

Moments of joy 📸#AUSvPAK pic.twitter.com/39ADRhwiog

— Pakistan Cricket (@TheRealPCB) November 10, 2024

మార్పుల వల్లేనా?
గత రెండు సిరీస్​లు మినహాయిస్తే, కొంతకాలంగా క్రికెట్​లో పాకిస్థాన్ దీన పరిస్థితి ఎదుర్కొంటూ వచ్చింది. గతేడాది వన్డే వరల్డ్​కప్, ఇటీవల టీ20 ప్రపంచకప్​ టోర్నీల్లో ఘోర పరాభవం, జట్టులో నిలకడలేకపోవడం వల్ల పాక్ క్రికెట్ తీవ్ర విమర్శలు ఎదుర్కొంది. దీంతో అప్పట్నుంచి పీసీబీ జట్టులో చాలా మార్పులు చేస్తూ వచ్చింది. ఈ క్రమంలో జట్టుకు కోచ్, కెప్టెన్, సెలక్టర్లు మారారు. ఇక రీసెంట్​గా ఇంగ్లాండ్ టెస్టు, ఆసీస్​పై వన్డే సిరీస్​ల్లో విజయాలతో పాక్ గాడిన పడ్డట్లే అని విశ్లేషకుల మాట!

ఇక మ్యాచ్ విషయానికొస్తే, తొలుత బ్యాటింగ్ చేసిన ఆసీస్ 31.5 ఓవర్లలో 140 పరుగులుకే కుప్పకూలింది. పాక్ పేసర్ల దెబ్బకు ఆసీస్​ పరుగులు చేయడం కష్టమైంది. షహీన్ అఫ్రీదీ, నజీమ్ షా చెరో 3 వికెట్లతో సత్తా చాటారు. హారిస్ రౌఫ్ 2, హస్నేన్ 1 వికెట్ దక్కించుకున్నారు. అనంతరం ఛేదనకు దిగిన పాక్ దూకుడుగా ఆడింది. ఓపెనర్లు 84 పరుగుల భాగస్వామ్యంలో గెలుపు ఖరారైంది. ఇక బాబర్ ఆజమ్ (28* పరుగులు), రిజ్వాన్ (30* పరుగులు) 26.5ఓవర్లలో ఆటను ముగించారు.

A convincing win in Perth completes a come-from-behind series triumph for Pakistan! 👏

Winning start for Rizwan in his first series as captain 🏏🙌#AUSvPAK pic.twitter.com/tP4zoOdv6E

— Pakistan Cricket (@TheRealPCB) November 10, 2024

స్కోర్లు

• ఆస్ట్రేలియా - 140 ఆలౌట్ (31.5 ఓవర్లు)
• పాకిస్థాన్- 143-2 (26.5 ఓవర్లు)