పాకిస్థాన్​ జట్టు ఘోర పరాజయాలు! - ఆ మూడు విషయాలే కారణం!

పాకిస్థాన్ క్రికెట్ జట్టు ఘోర వైఫల్యాలకు ఆ మూడు విషయాలే కారణం! - ఏంటంటే?

పాకిస్థాన్ క్రికెట్ జట్టు ఇటీవల కాలంలో ఘోర వైఫల్యాలను చవిచూస్తోంది. ఒకప్పుడు పెద్దపెద్ద జట్టనే మట్టికరిపించిన దాయాది జట్టు, ప్రస్తుతం పనికూనలపైనా ఓటమిపాలవుతోంది. ఇటీవల స్వదేశంలో బంగ్లాదేశ్​తో జరిగిన టెస్టు సిరీస్​ను 2-0తో ఓడిపోవడమే అందుకు ఊదాహరణ. అలాగే పలు టోర్నీల్లో పాక్ జట్టు చతికిలపడిపోతోంది. దీంతో డబ్ల్యూటీసీ పాయింట్ల టేబుల్​లో అట్టడుగు స్థానంలో నిలిచింది. ఈ క్రమంలో పాకిస్థాన్ జట్టు వైఫల్యానికి గల 3 ముఖ్యమైన కారణాలను ఈ స్టోరీలో తెలుసుకుందాం.

రాజకీయ ప్రమేయం
పాక్​ క్రికెట్​లో రాజకీయ ప్రమేయం ఎక్కువైపోయింది. రాజకీయ నాయకులు, సైనికులు కలిసి జట్టు ఎంపిక, కోచింగ్ మార్పులు, గేమ్ వ్యూహాలను రచించిన సందర్భాలు ఉన్నాయి. ఈ జోక్యం వల్ల పాకిస్థాన్ క్రికెట్ జట్టులో అస్థిరత పెరిగిపోయింది. అలాగే పాకిస్థాన్ క్రికెట్ బోర్డు ఎప్పటికప్పుడు ఛైర్మన్లను తరచుగా మారుస్తుంటుంది. మరోవైపు, ఆట, మెరిట్ ఆధారంగా కాకుండా రాజకీయ కోణంలో పాక్ జట్టులోకి ఆటగాళ్లను ఎంపిక చేసి సందర్భాలు ఉన్నాయి.

దేశీయ లీగ్​లు లేకపోవడం మైనస్!
పాకిస్థాన్​లో దేశీయ క్రికెట్ అంతగా ప్రసిద్ధి చెందలేదు. ఇతర దేశాల మాదిరిగా దేశీయ క్రికెట్​లో సత్తా చాటే అవకాశం పాక్ యువ ఆటగాళ్లకు లేదు. అందుకు యువ ఆటగాళ్ల ప్రతిభ బయటపడట్లేదు. ఇది కూడ పాక్ జట్టు వైఫల్యానికి కారణం కావొచ్చని అంటున్నారు విశ్లేషకులు.

పిచ్​లు కూడా కారణమే!
పాకిస్థాన్​లో పిచ్​లు కూడా ఆ దేశ క్రికెట్ పై ప్రభావం చూపుతున్నాయి. స్వదేశంలో పిచ్​లను తమ జట్టుకు అనుకూలంగా పాకిస్థాన్ క్రికెట్ బోర్డు తీర్చిదిద్దుతోంది. ఈ పిచ్​లను అలవాటుపడ్డ క్రికెటర్లు, విదేశాల్లో బోల్తా కొడుతున్నారు.

ఈ నిర్ణయాలు తీసుకుంటే మంచిది!
పాకిస్థాన్ జట్టు క్రికెట్​లో మళ్లీ పుంజుకోవాలంటే కీలక నిర్ణయాలు తీసుకోవాల్సి ఉంటుందని విశ్లేషకులు అంటున్నారు. రాజకీయాలను క్రికెట్​లోకి రానివ్వకుండా జాగ్రత్తపడాల్సి ఉంటుందని అంటున్నారు. పాకిస్థాన్ క్రికెట్ బోర్డుపై రాజకీయ ప్రభావం ఉండకూడదని, జట్టు ఎంపిక ఆటగాళ్ల ప్రతిభ ఆధారంగా జరగాలని అభిప్రాయపడుతున్నారు. అలాగే పాకిస్థాన్​లో దేశీయ క్రికెట్​ను అభివృద్ధి చేయాల్సి ఉంటుందని సూచిస్తున్నారు. అలాగే స్వదేశంలో విభిన్న పిచ్​లను తయారుచేయడం వల్ల, ఆటగాళ్లు విదేశాల్లోనూ ఇబ్బందిపడకుండా ఆడగలరని అంటున్నారు. ఎల్లప్పుడూ స్పిన్ ట్రాక్‌ లనే కాకుండా, అన్ని రకాల పిచ్ లను సిద్దం చేసుకోవాలని పేర్.