Rohit sharma IPL Recors: 2024 ఐపీఎల్లో ముంబయి ఇండియన్స్ మూడో విజయం నమోదు చేసింది. గురువారం పంజాబ్తో జరిగిన ఉత్కంఠ పోరులో చివరి ఓవర్లో ముంబయి 9 పరుగుల తేడాతో నెగ్గింది. 193 పరుగుల లక్ష్య ఛేదనలో పంజాబ్ 19.1 ఓవర్లలో 183 పరుగులకే ఆలౌటైంది. ఇక ఈ మ్యాచ్లో ముంబయి స్టార్ ప్లేయర్ రోహిత్ శర్మ పలు రికార్డులు అందుకున్నాడు.
- ఈ మ్యాచ్లో రోహిత్ శర్మ 3 సిక్స్లు బాదాడు. ఈ క్రమంలో ముంబయి తరఫున అత్యధిక సిక్స్లు బాదిన బ్యాటర్గా రికార్డు కొట్టాడు. రోహిత్ 224 సిక్స్లతో కీరన్ పొలార్డ్ (223) ను అధిగమించి టాప్లోకి దూసుకెళ్లాడు.
- ఓవరాల్గా ఐపీఎల్లో అత్యధిక సిక్స్లు బాదిన రెండో బ్యాటర్గా కొనసాగుతున్నాడు. ఈ లిస్ట్లో క్రిస్ గేల్ (357 సిక్స్లు) టాప్లో ఉండగా, రోహిత్ ఇప్పటివరకు 275 సిక్స్లు బాది సెకండ్ ప్లేస్లో ఉన్నాడు.
- ఐపీఎల్లో రోహిత్ శర్మ 250 మ్యాచ్లు పూర్తి చేసుకున్నాడు. ఈ ఘనత అందుకున్న రెండో ప్లేయర్గా నిలిచాడు. ఎమ్ఎస్ ధోనీ ఈ లిస్ట్లో టాప్లో ఉన్నాడు. అతడు 256 మ్యాచ్లు ఆడాడు. ఆ తర్వాత దినేశ్ కార్తిక్ (249) మూడో ప్లేస్లో దగ్గరగా ఉన్నాడు.
- ఈ మ్యాచ్లో రోహిత్ శర్మ 6500 ఐపీఎల్ పరుగులు పూర్తి చేసుకున్నాడు. 28 పరుగుల వ్యక్తిగత స్కోర్ రోహిత్ ఈ మైలురాయి అందుకున్నాడు. ఈ క్రమంలో 6500+ పరుగులు బాదిన నాలుగో బ్యాటర్గా నిలిచాడు. ఈ లిస్ట్లో విరాట్ కోహ్లీ (7624 పరుగులు), శిఖర్ ధావన్ (6769 పరుగులు), డేవిడ్ వార్నర్ (6563 పరుగులు) రోహిత్ కంటే ముందున్నారు.
ఇదే సీజన్లో రోహిత్ అందుకున్న మరికొన్ని ఘనతలు
- రోహిత్ ఇటీవల ముంబయి ఇండియన్స్ తరఫున 200 మ్యాచ్లు పూర్తి చేసుకున్నాడు. రాజస్థాన్తో మ్యాచ్లో రోహిత్ ఈ ఘనత అందుకున్నాడు.
- ఇదే సీజన్లో రోహిత్ ఐపీఎల్లో 100 క్యాచ్లు పూర్తి చేసుకున్నాడు. రోహిత్ కంటే ముందు విరాట్ కోహ్లీ, సురేశ్ రైనా ఈ ఘనత అందుకున్నారు.
- రీసెంట్గా చెన్నైతో జరిగిన మ్యాచ్లో హిట్మ్యాన్ సెంచరీ సాధించాడు. అయితే ఐపీఎల్లో ఓ హ్యాట్రిక్ అండ్ సెంచరీ నమోదు చేసిన మూడో ప్లేయర్ రోహిత్. ఈ లిస్ట్లో సునీల్ నరైన్, షేన్ వాట్సన్ ఉన్నారు.
నాకు ఇప్పటికీ గుర్తుంది - బెస్ట్ ఐపీఎల్ థీమ్ సాంగ్ అదే : రోహిత్ - IPL 2024 Rohith Sharma
'అది నాకు నచ్చలేదు- దాని వల్ల దూబే, సుందర్కు అన్యాయం'! - IPL 2024
