Mumbai Indians IPL 2024 : ఐపీఎల్ 17 సీజన్లో ముంబయి ఇండియన్స్ ఆటతీరు అంతంతమాత్రంగా ఉంది. సీనియర్ ప్లేయర్లు, దూకుడుగా ఆడే యంగ్స్టర్స్ అంతా కూడా ఈ సీజన్లో పేలవ ఫామ్ను కనబరుస్తున్నారు. సోమవారం రాజస్థాన్తో జరిగిన మ్యాచ్లోనూ ఈ జట్టు గట్టు ఎక్కలేకపోయింది. నిర్ణీత 20 ఓవర్లలో తొలుత బ్యాటింగ్ చేసిన ముంబయి 9 వికెట్ల నష్టానికి 179 పరుగులు చేసింది. అయితే ఇదే లక్ష్యాన్ని రాజస్థాన్ ఒకే వికెట్ కోల్పోయి 18.4 ఓవర్లలో ఛేదించింది.
ఇదిలా ఉండగా, ఈ తాజాగా ఓటమి వల్ల ప్లే ఆఫ్స్లో తమ అవకాశాలను మరింత క్లిష్టం చేసుకుంది ముంబయి జట్టు. ఇప్పటివరకు ఎనిమిది మ్యాచ్లు ఆడిన హార్దిక్ సేన అందులో మూడింట మాత్రమే గెలుపొందింది. పాయింట్స్ టేబుల్‌లో ఏడో స్థానంతో సరిపెట్టుకుంది.
అయితే ఈ సీజన్లో ముంబయి మరో 6 మ్యాచ్‌లే ఆడాల్సి ఉంది. దీంతో ప్లే ఆఫ్స్ చేరాలంటే ఈ ఆరు మ్యాచ్‌ల ఆ జట్టుకు కీలకం కానుంది. అన్నింటిలోనూ గెలవాల్సిందే. ఒక్క మ్యాచ్లో ఓడినా కూడా రన్‌రేట్లో మార్పులు వచ్చే అవకాశాలు ఉన్నాయి. కానీ ప్లేఆఫ్స్ ఛాన్స్ ఉంది. కానీ రెండింట్లో ఓడితే మాత్రం ఇక ప్లేఆఫ్స్ ఆశలు వదులుకోవాల్సిందే.
ప్రస్తుతం ముంబయి జట్టు పర్ఫామెన్స్ చూస్తుంటే, ఈ ఆరు మ్యాచుల్లో 5 గెలవడమే అసాధ్యంగా అనిపిస్తోంది. దీంతో ఏదైన మ్యాజిక్ జరిగి, జట్టు తిరిగి ఫామలోకి వస్తే తప్ప ముంబయి టీమ్ ఆఫ్స్ చేరే అవకాశం లేదని విశ్లేషకుల మాట. ఇక ముంబయి రానున్న మ్యాచుల్లో లఖ్నవూ సూపర్ జెయింట్స్, కోల్కతా నైట్ రైడర్స్తో చెరో రెండు మ్యాచ్లు ఆడనుంది.
ఇక సన్‌రైజర్స్ హైదరాబాద్, దిల్లీ క్యాపిటల్స్తో ఒక్కో మ్యాచ్లో తలపడనుంది. ఇందులో దిల్లీ తప్ప మిగతా అన్ని టీమ్స్ మంచి ఫామ్లో ఉన్నవే. దీంతో ముంబయి ఫ్యాన్స్ ఆందోళన వ్యక్తం చేస్తున్నారు. ఈ సారి కచ్చితంగా ముంబయి ఫ్లే ఆఫ్స్ చేరుకోవాలని కోరుకుంటున్నారు. చూడాలి ఏం జరుగుతుందో ?
రోహిత్ ఖాతాలో పలు రికార్డులు- ఆ లిస్ట్లో టాప్లోకి హిట్మ్యాన్ - IPL 2024
