Cricketers Retired 15th August: క్రికెట్లో ఎమ్ ఎస్ ధోనీ, సురేశ్ రైనా ఫ్రెండ్షిప్కు సపరేట్ ఫ్యాన్ బేస్ ఉంది. వీళ్లిద్దరూ 6 నెలల గ్యాప్లో టీమ్ఇండియా తరఫున అరంగేట్రం చేసి జట్టుకు అనేక విజయాలు అందించారు. అటు ఐపీఎల్లోనూ ధోనీ, రైనా చెన్నై సూపర్ కింగ్స్ జట్టుకు చాలా కాలం ఆడారు. దీంతో వీరి మధ్య బాండింగ్ మరింత పెరిగింది. ఇక దాదాపు రెండు దశాబ్దాలపాటు ఆటలో కొనసాగిన వీరిద్దరూ ఒకే రోజు కెరీర్కు గుడ్బై చెప్పి ఆశ్చర్య పరిచారు.
2020 ఆగస్టు 15న ధోనీ అంతర్జాతీయ క్రికెట్కు వీడ్కోలు పలికాడు. ఈ మేరకు సోషల్ మీడియాలో ఓ పోస్ట్ షేర్ చేసి తన రిటైర్మెంట్ ప్రకటించాడు. ఇక ధోనీ రిటైర్మెంట్ ప్రకటన చేసిన కొద్ది గంటల్లోనే తన సహచర ఆటగాడు, బెస్ట్ ఫ్రెండ్ సురేశ్ రైనా కూడా ఆటకు గుడ్బై చెప్పేశాడు. దీంతో ఒకే రోజు రిటైర్మెంట్ ప్రకటించి ఫ్యాన్స్ అందర్నీ ఆశ్చర్యానికి గురి చేశారు.
కాగా, ఆటకు వీడ్కోలు పలికిన రెండు రోజులకు రైనా తన రిటైర్మెంట్ గురించి మాట్లాడాడు. ధోనీ గుడ్బై చెప్పిన రోజే తాను కూడా కెరీర్కు ముగింపు పలకడానికి కారణాన్ని చెప్పాడు. 'మేం ఆగస్టు 15రోజే రిటైర్ అవ్వాలని ముందే నిర్ణయించుకున్నాం. ఎందుకంటే? ధోనీ జెర్సీ నెంబర్ 7, నా జెర్సీ నెంబర్ 3. రెండు దగ్గరగా రాస్తే 73 అవుతుంది. అయితే ఈ ఆగస్టు 15నాటికి భారత్కు స్వాతంత్య్రం సిద్ధించి 73 సంవత్సరాలు పూర్తి అవుతుంది. అందుకే మేం రిటైర్మెంట్ ప్రకటించడానికి ఇదే మంచి రోజు అని భావించాం' అని రైనా అన్నాడు.
ఇక 2004 డిసెంబర్లో ధోనీ అరంగేట్రం చేయగా, రైనా 2005 జులైలో డెబ్యూ మ్యాచ్ ఆడాడు. ఈ క్రమంలోనే వీరిద్దరూ టీమ్ఇండియా అనేక విజయాల్లో కీలక పాత్ర పోషించారు. భారత్కు మూడు ఐసీసీ ట్రోఫీలు అందించిన ఏకైక కెప్టెన్గా ధోనీ రికార్డు సృష్టించగా, అంతర్జాతీయ టీ20ల్లో సెంచరీ సాధించిన తొలి భారత ప్లేయర్గా రైనా ఘనత సాధించాడు.
క్రికెట్లో 'విరాటే' కింగ్, మరి ధోనీ?- రైనా ఇంట్రెస్టింగ్ ఆన్సర్! - Suresh Raina MS Dhoni
