IPL బౌలర్ల జోరు- అత్యధిక డాట్​బాల్స్​ లిస్ట్​లో 'భువీ'నే టాప్​- ఇంకా ఎవరంటే?

Most Dot Balls In IPL History: టీ20 ఫార్మాట్​లో ఫోర్లు, సిక్స్​లు కొట్టడం, వికెట్లు తీయడమే కాదు ఏ బౌలర్ ఎన్ని డాట్ బాంతులు వేశాడు అనేది కూడా చాలా ముఖ్యం. అయితే ఐపీఎల్ అనేక మంది టాప్ క్లాస్ బౌలర్లను ప్రపంచానికి పరిచయం చేసింది. అందులో ఐపీఎల్ హిస్టరీలో అత్యధిక డాట్​బాల్స్​ వేసిన బౌలర్లు ఎవరో చూద్దాం.

Most Dot Balls In IPL History: ఐపీఎల్ అంటేనే ధనాధన్ ఇన్నింగ్స్​. సిక్సర్లు, ఫోర్లతో స్టేడియం హోరెత్తిపోతుంది. బ్యాటర్ ప్రతి బంతిని బౌండరీ దాటించాలని ప్రయత్నిస్తుంటాడు. ఈ క్రమంలో ఒక్కోసారి వికెట్ కూడా పారేసుకుంటాడు. అయితే ఐపీఎల్​ అంటే బ్యాటర్ల మెరుపులే కాదు, బౌలర్ల బుల్లెట్ లాంటి బంతులు కూడా ఉంటాయి. అలా ఐపీఎల్ చరిత్రలో చాలా మంది బౌలర్లు తమ పదునైన బౌలింగ్​తో బ్యాటర్లకు చెక్ పెట్టిన సందర్భాలున్నాయి. అలా ఐపీఎల్ చరిత్రలో అత్యధిక డాట్​బాల్స్​ వేసిన బౌలర్లు ఎవరో తెలుసుకుందాం.

• భువనేశ్వర్ కుమార్: భువనేశ్వర్ కుమార్ భారత క్రికెట్ జట్టులో అనుభవజ్ఞుడైన ఫాస్ట్ బౌలర్. ఐపీఎల్ చరిత్రలో అత్యంత విజయవంతమైన బౌలర్​గా నిలిచాడు. అతడు 160 మ్యాచ్​ల్లో 1534 డాట్ బాల్స్ వేసి ఈ లిస్ట్​లో టాప్​లో కొనసాగుతున్నాడు.
• సునీల్ నరైన్: టీ20 స్పెషలిస్ట్ స్పిన్నర్ సునీల్ నరైన్ ఐపీఎల్​ కెరీర్​లో 162 మ్యాచుల్లో 1478 డాట్ బాల్స్ వేశాడు.
• రవిచంద్రన్ అశ్విన్: ఆఫ్ స్పిన్నర్ రవిచంద్రన్ అశ్విన్ బౌలింగ్ స్పిన్ మాయాజలంతో బ్యాటర్లను తికమక పెడుతుంటాడు. మొత్తం 197 మ్యాచ్​ల్లో 1477 డాట్ బాల్స్ వేశాడు.
• పీయూష్ చావ్లా: ఈ లెగ్ బ్రేక్ బౌలర్ ఐపీఎల్ చరిత్రలో 181 మ్యాచ్​ల్లో 1272 బాట్ బాల్స్ వేశాడు.
• హర్భజన్ సింగ్: సీనియర్ స్పిన్నర్​ హర్భజన్ సింగ్ ఐపీఎల్​లో ముంబయి ఇండియన్స్, చెన్నై సూపర్ కింగ్స్​ జట్లకు ప్రాతినిధ్యం వహించాడు. తన కెరీర్​లో 163 మ్యాచ్​లు ఆడిన భజ్జీ 1268 డాట్ బాల్స్ సంధించాడు.
• అమిత్ మిశ్రా: భారత స్పిన్నర్లలో ఒకరైన అమిత్ మిశ్రా ఐపీఎల్​లో స్టార్ బౌలర్​గా ఎదిగాడు. ఐపీఎల్ కెరీర్​లో 154 మ్యాచ్​ల్లో 1186 డాట్ బాల్స్ వేశాడు.
• రవీంద్ర జడేజా: టీమ్ఇండియా స్టార్ స్పిన్నర్ రవీంద్ర జడేజా ఐపీఎల్​లో చెన్నై, గుజరాత్ లయన్స్, కొచ్చి టస్కస్ కేరళ జట్లు తరఫున కలిపి 226 మ్యాచ్​లు ఆడాడు. తన కెరీర్​లో జడ్డూ 1159 బంతుల్ని డాట్స్​గా మలిచాడు.​
• లసిత్ మలింగ: శ్రీలంక లెజెండరీ పేసర్ లసిత్ మలింగ ఐపీఎల్​లో తనదైన మార్క్ చూపించాడు. కెరీర్​లో రిటైర్ అయ్యే దాకా​ ముంబయి ఇండియన్స్ జట్టుకే ప్రాతినిధ్యం వహించాడు. 122 మ్యాచ్​ల్లో జట్టు విజయాల్లో అనేకసార్లు కీలక పాత్ర పోషించాడు. ఇక కెరీర్​లో 1155 డాట్ బాల్స్ వేశాడు.
• ఉమేశ్ యాదవ్: భారత ఫాస్ట్ బౌలర్ ఉమేశ్ యాదవ్ తన ఐపీఎల్ కెరీర్ లో 141 మ్యాచ్​లు ఆడాడు. ఇప్పటి వరకు 1147 డాట్ బాల్స్ సంధించాడు.
• యుజ్వేంద్ర చాహల్: స్పిన్నర్ యుజ్వేంద్ర చాహల్ ఐపీఎల్​లో సక్సెస్​పుల్ బౌలర్లలో ఒకడు. అతడి కెరీర్​లో 145 మ్యాచ్​లు ఆడి అందులో 1129 బంతులను డాట్స్​గా మలిచాడు.