MI VS GT WPL 2024 : మహిళల ప్రీమియర్‌ లీగ్లో భాగంగా ఆదివారం జరిగిన మూడో మ్యాచ్లో ముంబయి ఇండియన్స్ జట్టు చేలరేగిపోయింది. ప్రత్యర్థులు నిర్దేశించిన స్వల్ప లక్ష్యాన్ని 5 వికెట్ల తేడాతో చేధించి గెలుపొందింది. తొలి మ్యాచ్లో గెలిచిన ముంబయి ఇప్పుడు ఈ రెండో విజయంతో రెట్టింప ఉత్సాహాన్ని అందుకుంది.
మ్యాచ్ సాగిందిలా :
తొలుత బ్యాటింగ్‌ చేసిన గుజరాత్ 126/9 స్కోర్ చేయగలిగింది. ఆ తర్వాత లక్ష్య ఛేదనకు దిగిన ముంబయి జట్టు 5 వికెట్లను చేజార్చుకుని 18 ఓవర్లలో 129 పరుగుల స్కోర్ సాధించింది. ఇక కెప్టెన్ హర్మన్ ప్రీత్ కౌర్ 46 పరుగులతో అజేయ విక్టరీని సాధించింది. చివరి వరకూ క్రీజ్‌లో ఉండి పోరాడింది. తన కీలక ఇన్నింగ్స్తో జట్టును విజయ తీరాలకు చేర్చింది. ఇక హర్మన్తో పాటు అమెలియా కెర్ (31), నాటస్కివెర్ బ్రంట్ (22) కూడా తమ ఇన్నింగ్స్లో రాణించారు.
మరోవైపు భారీ ఆశలతో వచ్చిన యస్తికా భాటియా (7), హీలే మాథ్యూస్ (7), పూజా వస్త్రాకర్ (1) విఫలమయ్యారు. గుజరాత్ బౌలర్లు తనుజా కాన్వార్ 2, లీ తహుహు, కాథరిన్‌ బ్రైస్ చెరో వికెట్‌ తీశారు. ఈ విజయంతో ముంబయి (4) పాయింట్ల పట్టికలో అగ్రస్థానానికి దూసుకొచ్చింది.
ఇక గుజరాత్ ఇన్నింగ్స్లో ఆ జట్టుకు చెందిన కేథరీన్‌ బ్రైస్ (25*) కెప్టెన్ బెత్‌ ఫర్వాలేదనిపించగా, ఆష్లే గార్డ్‌నర్‌ (15), వేద కృష్ణమూర్తి (0), హర్లీన్‌ డియోల్‌ (8), లిచ్‌ఫీల్డ్‌ (7), దయాలన్‌ హేమలత (3), స్నేహ్‌ రాణా (0), లియా తహుహు (0) విఫలమయ్యారు.
ముంబయి ఇండియన్స్ : హేలీ మాథ్యూస్, అమన్‌జ్యోత్‌ కౌర్, యస్తికా భాటియా (వికెట్‌ కీపర్‌), ఇస్మాయిల్‌, నటాలీ సీవర్‌ బ్రంట్, హర్మన్‌ప్రీత్‌ కౌర్ (కెప్టెన్), అమెలియా కెర్, పూజా వస్త్రకార్‌, ఎస్‌. సంజన, షబ్నిమ్‌ సైకా ఇషాక్‌
గుజరాత్ జెయింట్స్ : బెత్‌ మూనీ (కెప్టెన్, వికెట్‌ కీపర్‌), వేదా కృష్ణమూర్తి, కత్రిన్‌ బ్రైస్, హర్లీన్‌ డియోల్‌, ఫొబె లిచ్‌ఫీల్డ్‌, ఆష్లే గార్డ్‌నర్‌, హేమలత, స్నేహ్‌ రాణా, తనూజా కన్వర్‌, లీ తహుహు, మేఘనా సింగ్‌
డబ్ల్యూపీఎల్ 2024 : ఒకే ఒక్క సిక్సర్తో దూసుకొచ్చిన ఆటోవాలా కూతురు!
