వారెవ్వా 'హర్మన్'- WPL హిస్టరిలోనే భారీ ఛేజింగ్- మ్యాచ్​లో నమోదైన రికార్డులు

MI Vs GG WPL 2024: డిఫెండింగ్ ఛాంపియన్ ముంబయి శనివారం, గుజరాత్​తో మ్యాచ్​లో సంచలన విజయం సాధించింది. ఈ క్రమంలో మహిళల ప్రీమియర్ లీగ్​లో పలు రికార్డులు బద్దలయ్యాయి. అవేంటంటే?

MI Vs GG WPL 2024: 2024 డబ్ల్యూపీఎల్ రసవత్తరంగా సాగుతోంది. లీగ్​లో భాగంగా శనివారం ముంబయి- గుజరాత్ జట్లు తలపడ్డాయి. ఈ మ్యాచ్​లో ఏకంగా 191 పరుగుల భారీ లక్ష్యాన్ని ముంబయి ఒక బంతి మిగిలుండగానే ఛేదించింది. ముంబయి కెప్టెన్ హర్మన్​ప్రీత్ అసాధారణ ఇన్నింగ్స్​తో తమ జట్టును విజయ తీరాలకు చేర్చింది. దీంతో రెండో సీజన్​లో ప్లేఆఫ్స్​కు చేరిన తొలి జట్టుగా ముంబయి నిలిచింది. ఈ క్రమంలో డబ్ల్యూపీఎల్ హిస్టరీలో పలు రికార్డులు నమోదయ్యాయి. అవేంటంటే?

• ఈ మ్యాచ్​లో ముంబయి ఇండియన్స్ డిఫెండింగ్ ఛాంపియన్​లాగే ఆడింది. డబ్ల్యూపీఎల్ చరిత్రలో భారీ లక్ష్యాన్ని ఛేదించిన జట్టుగా ముంబయి రికార్డు కొట్టింది. తొలుత బ్యాటింగ్ చేసిన గుజరాత్ నిర్ణీత 20 ఓవర్లలో 190-7 స్కోర్ చేసి, ప్రత్యర్థి ముందు భారీ లక్ష్యాన్ని ఉంచింది. అనంతరం ఛేజింగ్​లో ముంబయి అదరగొట్టింది. 191 పరుగుల లక్ష్యాన్ని 19.5 ఓవర్లలో ఛేదించి మహిళల ప్రీమియర్ లీగ్​లో అతిపెద్ద టార్గెట్​ను ఛేదించిన జట్టుగా నిలిచింది. ఇదివరకు ఈ రికార్డ్ బెంగళూరుపై ఉండేది. గత సీజన్​లో గుజరాత్​తో అడిన మ్యాచ్​లో బెంగళూరు 189 పరుగులు ఛేజ్ చేసి రికార్డు కొట్టింది.
• ఈ మ్యాచ్​లో భారీ లక్ష్యం ముంగిట ముంబయి కెప్టెన్ హర్మన్​ప్రీత్ కౌర్ రెచ్చిపోయి ఆడింది. 48 బంతుల్లో 95 పరుగులు చేసి నాటౌట్​గా నిలిచింది. 10 ఫోర్లు, 5 సిక్స్​లతో బౌండరీల వర్షం కురిపించింది. ఈ క్రమంలో డబ్ల్యూపీఎల్​లో అత్యధిక వ్యక్తిగత స్కోర్ సాధించిన భారత బ్యాటర్​గా హర్మన్ రికార్డ్ కొట్టింది. కాగా, ఇదివరకు ఈ రికార్డ్ దిల్లీ క్యాపిటల్స్ బ్యాటర్ షఫాలీ వర్మ పేరిట ఉండేది. ఆమె గత సీజన్​లో బెంగళూరుపై 84 పరుగులు చేసింది. ఇక హర్మన్ తాజా ఇన్నింగ్స్​తో ఆ రికార్డ్ బద్దలుకొట్టింది. ఓవరాల్​గా హర్మన్​ది టాప్- 3 స్కోర్. ఈ లిస్ట్​లో సోఫీ డివైన్ 99 , అలీసా హీలీ 96 పరుగులు ఉన్నారు.
• గతేడాది ప్రారంభమైన డబ్ల్యూపీఎల్​లో హర్మన్​ప్రీత్ ప్రస్తుతం అత్యధిక సగటు కలిగిన బ్యాటర్​గా కొనసాగుతోంది. ఇప్పటివరకు హర్మన్ 14 మ్యాచ్​ల్లో 51.60 సగటుతో 516 పరుగులు చేసింది. కాగా, స్ట్రైక్ రేట్ 140.60గా ఉంది. ఈ క్రమంలో హర్మన్, మెగ్ లానింగ్ (46.62 సగటు)ను అధిగమించింది.
• ఈ మ్యాచ్​లో ఆఖరి 6 ఓవర్లలో ముంబయి ఏకంగా 91 పరుగులు పిండుకుంది. మహిళల ప్రీమియర్​ లీగ్​లో చివరి 6 ఓవర్లలో అత్యధిక పరుగులు సాధించిన జట్టుగా ముంబయి ఇండియన్స్ నిలిచింది.