KKR vs CSK IPL 2024: 2024 ఐపీఎల్లో రెండు వరుస ఓటముల తర్వాత చెన్నై సూపర్ కింగ్స్ మళ్లీ గెలుపు బాట పట్టింది. సోమవారం చెన్నై చిదంబరం స్టేడియంలో కోల్కతా నైట్రైడర్స్తో జరిగిన మ్యాచ్లో సీఎస్కే 7 వికెట్ల తేడాతో నెగ్గింది. కేకేఆర్ నిర్దేశించిన 138 పరుగుల టార్గెట్ను చెన్నై 3 వికెట్లు కోల్పోయి 17.4 ఓవర్లలో ఛేదించింది. కెప్టెన్, ఓపెనర్ రుతురాజ్ గైక్వాడ్ (67* పరుగులు) హాఫ్ సెంచరీతో అదరగొట్టగా, చివర్లో శివమ్ దూబే (28 పరుగులు) రాణించాడు. కేకేఆర్ బౌలర్లలో వైభవ్ అరోరా 2, సునీల్ నరైన్ 1 వికెట్ దక్కించుకున్నారు.
స్వల్ప లక్ష్య ఛేదనలో చెన్నై నాలుగో ఓవర్లోనే ఓపెనర్ రచిన్ రవీంద్ర (15 పరుగులు) వికెట్ కోల్పోయింది. అయినప్పటికీ కెప్టెన్ రుతురాజ్ క్రీజులో నిలబడ్డాడు. డారిల్ మిచెల్ (25 పరుగులు)తో కలిసి స్కోర్ బోర్డును ముందుకు నడిపించాడు. ఈ క్రమంలోనే రుతురాజ్ అర్ధ శతకం పూర్తి చేసుకున్నాడు. వీరిద్దరూ రెండో వికెట్కు 70 పరుగుల భాగస్వామ్యం నెలకొల్పారు. ఇక 12.3 వద్ద సునీల్ నరైన్ అద్భుత బంతికి డారిల్ మిచెల్ క్లీన్ బౌల్డయ్యాడు. ఇక చివర్లో శివమ్ దూబే (28) రాణించాడు. గెలుపు ముంగిట వైభవ్ బౌలింగ్లో దూబే క్లీన్బౌల్డయ్యాడు. చివర్లో ధోనీ (1*) క్రీజులోకి వచ్చాడు.
అంతకుముందు బ్యాటింగ్కు దిగిన కోల్కతా నిర్ణీత 20 ఓవర్లలో 9 వికెట్ల నష్టానికి 137 పరుగులు చేసింది. కెప్టెన్ శ్రేయస్ అయ్యర్ (34 పరుగులు) ఒక్కడే ఫర్వాలేదనిపించాడు. ఓపెనర్ ఫిల్ సాల్ట్ (0) తొలి బంతికే ఔటయ్యాడు. ఆ తర్వాత వరుసగా రఘువంశీ (24 పరుగులు), నరైన్ (27 పరుగులు), వెంకటేశ్ అయ్యర్ (3), రమన్దీప్ సింగ్ (13 పరుగులు), రింకూ సింగ్ (9 పరుగులు) పెవిలియన్కు క్యూ కట్టారు. హార్డ్ హిట్టర్ అండ్రూ రస్సెల్ (10 పరుగులు) కూడా స్పల్ప స్కోర్కే వెనుదిరగడం వల్ల కేకేఆర్ ఓ మోస్తారు పరుగులు కూడా సాధించలేకపోయింది. చెన్నై బౌలర్లలో తుషార్ దేశ్పాండే 3, రవీంద్ర జడేజా 3, ముస్తాఫిజుర్ రహ్మాన్ 2, మహీశ్ తీక్షణ 1 వికెట్ దక్కించుకున్నారు. ఇక ఈ మ్యాచ్తో కేకేఆర్ ప్రస్తుత సీజన్లో తొలి ఓటమి చవి చూసింది.
IPLలో రప్ఫాడిస్తున్న 'దూబే'- హార్దిక్ టీమ్ఇండియా ప్లేస్పై ఎఫెక్ట్? - Shivam Dube IPL 2024
ఐపీఎల్లో 'విరాట్' మరో రికార్డ్- దరిదాపుల్లో కూడా ఎవరూ లేరుగా! - Virat Kohli Ipl Runs
