Kane Williamson Record In Test : న్యూజిలాండ్ స్టార్ క్రికెటర్ కేన్ విలియమ్సన్ తాజాగా ఓ అరుదైన రికార్డును తన ఖాతాలో వేసుకున్నాడు. ప్రస్తుతం సౌతాఫ్రికాతో జరుగుతున్న మ్యాచ్‌లో కేవలం రెండు ఇన్నింగ్స్‌ల్లో రెండు సెంచరీలు (118), (109) చేసి ట్విన్‌ సెంచరీలు సాధించిన ఐదో న్యూజిలాండ్ ప్లేయర్గా రికార్డుల్లోకెక్కాడు.
మరోవైపు సెకెండ్‌ ఇన్నింగ్స్లో చేసిన శతకంతో టెస్ట్ సెంచరీల సంఖ్యను 31 కి పెంచుకున్న కేన్, అత్యధిక సెంచరీలు (అన్ని ఫార్మాట్లలో కలిపి 44 సెంచరీలు) చేసిన యాక్టివ్‌ ప్లేయర్ల జాబితాలో నాలుగో స్థానానికి చేరుకున్నాడు. ఇప్పటికే ఈ లిస్ట్లో 80 సెంచరీలతో టీమ్ఇండియా స్టార్ క్రికెటర్ విరాట్‌ కోహ్లీ టాప్ పొజిషన్లో ఉండగా, ఆస్ట్రేలియా ప్లేయర్ డేవిడ్‌ వార్నర్‌ (49 సెంచరీలు), జో రూట్‌ (46), రోహిత్ శర్మ (46), స్టీవ్‌ స్మిత్‌ (44)లు ఆ తర్వాతి స్థానాలను కైవసం చేసుకున్నారు.
దీంతో పాటు టెస్ట్‌ల్లో అత్యంత వేగంగా 31 సెంచరీలు (170 ఇన్నింగ్స్‌ల్లో) పూర్తి చేసిన రెండో ప్లేయర్గానూ కేన్ చరిత్రకెక్కాడు. ఇప్పటికే ఈ లిస్ట్లో సచిన్‌ , (165 ఇన్నింగ్స్‌ల్లో) టాప్ పొజిషన్లో ఉండగా, స్టీవ్‌ స్మిత్‌ విలియమ్సన్‌తో కలిసి సంయుక్తంగా రెండో స్థానాన్ని సాధించాడు.
Newzealand Vs South Africa Test : ఇక మౌంట్‌ మాంగనూయ్‌ వేదికగా సౌతాఫ్రికాతో జరుగుతున్న టెస్ట్‌లో న్యూజిలాండ్ జట్టు విజయ తీరాలకు చేరువ కానుంది. మూడో రోజు ఆట ముగిసే సమయానికి ఆ జట్టు 528 పరుగుల ఆధిక్యంలో కొనసాగుతుంది.
వరుస సెంచరీలతో కేన్ న్యూజిలాండ్కు భారీ స్కోర్ అందించగా, యంగ్ ప్లేయర్ రచిన్‌ రవీంద్ర తొలి ఇన్నింగ్స్‌లోనే డబుల్‌ సెంచరీ (240) చేసి అందరినీ అబ్బురపరిచాడు. ఇక ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్ 511 పరుగులకు ఆలౌట్‌ కాగా, సౌతాఫ్రికా తమ తొలి ఇన్నింగ్స్లో 162 పరుగులకే కుప్పకూలింది. భారీ లీడ్‌తో సెకెండ్‌ ఇన్నింగ్స్ కొనసాగిస్తున్న కివీస్‌, మూడో రోజు ఆట ముగిసే సమయానికి 4 వికెట్ల నష్టానికి 179 పరుగులు స్కోర్ చేసింది.
ఐసీసీ ర్యాంకింగ్స్ రిలీజ్ - కేన్ మామనే టాప్ - రోహిత్, కోహ్లీ పొజిషన్ ఏంటంటే ?
ENG vs NZ: టెస్టుల్లో కేన్ మామ కొత్త రికార్డు.. అతడే నంబర్ వన్!
