IPL 2025 Rohith Sharma : ఐపీఎల్ 2025 సీజన్లో కెప్టెన్ రోహిత్ శర్మ ముంబయి ఇండియన్స్ తరఫున బరిలోకి దిగే సూచనలు కనిపించడం లేదు! ఎందుకంటే ఇప్పటికే అతడు ముంబయి ఫ్రాంఛైజీపై అసంతృప్తిగా ఉన్నట్లు ఆ మధ్య జోరుగా ప్రచారం సాగింది. సుదీర్ఘ కాలం పాటు ఆ జట్టును ముందుకు నడిపించిన హిట్మ్యాన్ ఐదు సార్లు విజేతగా కూడా నిలబెట్టాడు. కానీ జట్టు యాజమాన్యం మాత్రం ఐపీఎల్ 2024లో అతడిని కెప్టెన్సీ నుంచి తప్పించి హార్దిక్ పాండ్యాకు బాధ్యతలను అప్పగించింది. అయినా కూడా అతడు ప్లేయర్గా కొనసాగాడు. కానీ 2025 సీజన్కు మాత్రం అతడు ముంబయి తరఫున ఆడే ఛాన్స్ లేదని ప్రస్తుతం మరోసారి వార్తలు వినిస్తున్నాయి. ఇదే సమయంలో అతడు మెగావేలంలోకి వస్తే అతడిని కొనుగోలు చేసేందుకు ఇతర ఫ్రాంచైజీలు కాచుకొని ఉన్నట్లు తెలుస్తోంది. ముఖ్యంగా మూడు ఫ్రాంఛైజీలు హిట్ మ్యాన్పై కోట్లు కుమ్మరించే అవకాశాలు ఉన్నాయి.
గుజరాత్ టైటాన్స్ - హిట్ మ్యాన్పై గుజరాత్ టైటాన్స్ కన్నేసినట్లు సమాచారం. 2024 సీజన్లో గిల్ కెప్టెన్సీలోని గుజరాత్ టైటాన్స్ విఫలమైంది. హార్దిక్ జట్టును వీడి ముంబయికి వెళ్లిపోవడం ఆ టీమ్ను బలహీనంగా మార్చింది. అందుకే రోహిత్ వేలంలోకి వస్తే కొనాలని ఆశిస్తోందట. అలానే జట్టుకు పూర్వవైభవం తేవాలని అనుకుంటోందట.
పంజాబ్ కింగ్స్ - ఐపీఎల్ 2024 సీజన్లో దారుణంగా విఫలమైంది పంజాబ్ కింగ్స్. దీంతో ఓ ఐకానిక్ ప్లేయర్ కోసం ఎదురుచూస్తున్న ఆ జట్టు రోహిత్పై కన్నేసిందని తెలుస్తోంది. 37 ఏళ్ల వయసున్న హిట్ మ్యాన్ మరో మూడేళ్లు ఐపీఎల్ ఆడినా తమ జట్టుకు కలిసొస్తుందని ఆశిస్తోంది. అలాగే ఫిట్‌నెస్ సమస్యలతో పాటు ఇంటర్నేషనల్ క్రికెట్‌కు దూరంగా ఉన్న తమ జట్టు కెప్టెన్ శిఖర్ ధావన్‌పై వేటు వేయాలని చూస్తోంది. అతడి స్థానాన్ని రోహిత్తో భర్తీ చేయాలని అనుకుంటోందని సమాచారం.
కేకేఆర్ - ఈ సీజన్ ట్రోఫీని ముద్దాడిన కేకేఆర్ కూడా రోహిత్ శర్మపై మొగ్గు చూపే అవకాశం ఉందని తెలుస్తోంది. గౌతమ్ గంభీర్‌తో ఉన్న సత్సంబంధాలు, కేకేఆర్‌కు ఆడాలనే రోహిత్ శర్మ కోరిక ఈ వాదనకు బలాన్ని చేకూరుస్తోంది. గతంలో ఓ ఇంటర్వ్యూలో ముంబయి కాకుండా ఇతర ఫ్రాంచైజీ కావాలనుకుంటే తాను కేకేఆర్‌కు ఆడుతానని రోహిత్ అన్నాడు. కాబట్టి అనుభవం కలిగిన ప్లేయర్ జట్టులో ఉంటే కలిసొస్తుందని కేకేఆర్ భావిస్తున్నట్లు సమాచారం.
చిక్కుల్లో పాక్ కెప్టెన్ - కో ప్లేయర్ను అలా ట్రోల్ చేసి! - T20 World Cup 2024
