IPL 2024 LSG VS MI: 2024 ఐపీఎల్ సీజన్ను లఖ్నవూ సూపర్‌ జెయింట్స్‌ విజయంతో ముగించింది. శుక్రవారం వాంఖడే వేదికగా ముంబయి ఇండియన్స్తో జరిగిన మ్యాచ్లో లఖ్నవూ 18 పరుగుల తేడాతో నెగ్గింది. భారీ లక్ష్య ఛేదనలో ముంబయి ఓపెనర్ రోహిత్‌శర్మ (68; 38 బంతుల్లో 10×4, 3×6) ఘనమైన ఆరంభం ఇచ్చినా మిడిలార్డర్ ఫెయిలైంది. దీంతో ముంబయి ఓవర్లన్నీ ఆడి 6 వికెట్లకు 196 పరుగులకే పరిమితమైంది. రవి బిష్ణోయ్ , నవీన్ ఉల్ హక్ తలో 2, మోసిన్ ఖాన్, కృనాల్ పాండ్య చెరో వికెట్ దక్కించుకున్నారు. దీంతో ముంబయి ఈ సీజన్లో 10వ ఓటమి మూటగట్టుకొని పట్టికలో అట్టడుగు నిలిచింది.
భారీ ఛేదనలో ఇన్నింగ్స్ను ముంబయి ఘనంగా ఆరంభించింది. ఓపెనర్ రోహిత్ ప్రత్యర్థి బౌలర్లపై ఎదురుదాడికి దిగాడు. అయితే 3.5 వద్ద కాసేపు వర్షం ఆటకు అంతరాయం కలిగించింది. అప్పటికి ముంబయి స్కోర్ 33-0. తర్వాత తిరిగి ప్రారంభమయ్యాక కూడా రోహిత్ బౌండరీలతో స్కోర్ బోర్డును పరుగులు పెట్టించాడు. ఈ క్రమంలో 28 బంతుల్లోనే హాఫ్ సెంచరీ పూర్తి చేశాడు.
ఇక ముంబయి 8 ఓవర్లకు 78/0తో లక్ష్యం దిశగా దూసుకెళ్లింది. కానీ మూడు ఓవర్ల వ్యవధిలో డివాల్డ్ బ్రెవిస్‌ (23), సూర్యకుమార్‌ (0)తో పాటు క్రీజులో కుదురుకున్న రోహిత్ కూడా ఔట్‌ అయ్యారు. దీంతో ముంబయి 10.5 ఓవర్లలో 97/3తో కష్టాల్లో పడింది. ఇషాన్ కిషన్ (14), హార్దిక్ పాండ్య (16) కూడా విఫలమయ్యారు. చివర్లో నమన్ ధీర్ (62 పరుగులు, 28 బంతుల్లో) రాణించినా ఫలితం దక్కలేదు.
అంతకుముందు బ్యాటింగ్ చేసిన లఖ్నవూ నిర్ణీత 20 ఓవర్లలో 214-6 పరుగులు చేసింది. కేఎల్ రాహుల్ (55) రాణించగా, నికోలస్ పూరన్ (75 పరుగులు, 29 బంతుల్లో) మెరుపు ఇన్నింగ్స్తో అలరించాడు. మార్కస్ స్టాయినిస్ (28) ఫర్వాలేదనిపించాడు. ఇక ఆఖర్లో లఖ్నవూ వికెట్లు కోల్పోయింది. చివర్లో అయుశ్ బదోని (22*), కృనాల్ పాండ్య (12*) రాణించడం వల్ల లఖ్నవూకు 214 స్కోర్ దక్కింది. ముంబయి బౌలర్లలో నువాన్ తుషారా, చావ్లా చెరో 3 వికెట్లు దక్కించుకున్నారు.
వర్షం ముప్పు - ఆర్సీబీని సబ్‌ ఎయిర్‌ సిస్టమ్‌ కాపాడుతుందా? - IPL 2024 CSK VS RCB
ఆర్సీబీ గెలిచినా సీఎస్కేకే ప్లే ఆఫ్స్‌ అవకాశం - ఎలాగంటే? - IPL 2024 CSK VS RCB
