పారాలింపిక్స్​లో భారత్ బోణీ - ఒకేరోజు గోల్డ్, సిల్వర్, బ్రాంజ్ - Paralympics India 2024

Paralympics India 2024: 2024 పారాలింపిక్స్‌లో భారత పారా అథ్లెట్లు అదరగొడుతున్నారు. రెండోరోజే భారత్ ఖాతాలో పసిడి పతకం చేరింది.

Paralympics India 2024: 2024 పారాలింపిక్స్‌లో భారత పారా అథ్లెట్లు అదరగొడుతున్నారు. విశ్వక్రీడలు ప్రారంభమైన రెండో రోజే పతకాల ఖాతా తెరిచారు. పారా షూటర్ అవని లెఖరా శుక్రవారం జరిగిన మహిళల 10మీటర్ల ఎయిర్ రైఫిల్ ఈవెంట్​లో పసిడి పతకం నెగ్గింది. ఈ ఈవెంట్లో 249.7పాయింట్లతో అవని సత్తా చాటింది. గత టోక్యో పారాలింపిక్స్​లోనూ గోల్డ్ నెగ్గిన అవని, ఈసారి పారిస్​లోనూ సత్తా చాటి పసిడి ముద్దాడింది. టోక్యోలో 249.6పాయింట్లు సాధించిన అవని ఈసారి తన రికార్డును మెరుగుపర్చుకుంది.

🇮🇳🥇 𝗙𝗶𝗿𝘀𝘁 𝘁𝗶𝗺𝗲 𝘀𝗼 𝗻𝗶𝗰𝗲, 𝘀𝗵𝗲 𝗵𝗮𝗱 𝘁𝗼 𝗱𝗼 𝗶𝘁 𝘁𝘄𝗶𝗰𝗲! Avani Lekhara wins back-to-back Paralympic Golds, setting a new Paralympic record with a score of 249.6. She becomes the second Indian para-athlete to win multiple Gold medals at the Paralympics.

💪… pic.twitter.com/AqieUEW8zu

— Sportwalk Media (@sportwalkmedia) August 30, 2024

ఈ క్రమంలో పారాలింపిక్స్​లో రెండు గోల్డ్ మెడల్స్​ నెగ్గిన రెండో భారత పారా అథ్లెట్​గా అవని రికార్డు సృష్టించింది. అయితే 11 ఏళ్ల వయసులో కారు ప్రమాదానికి గురికావడం వల్ల అవని కాళ్లు రెండూ చచ్చుబడిపోయాయి. అప్పటి వరకు ఆమె లోకం వేరు! చదువు తప్ప వేరే ధ్యాస లేదు. ఆ తర్వాత ఆమె ఆర్చరీవైపు దృష్టి పెట్టి దీన్నే కెరీర్​గా మలుచుకుంది. ఇక మరోవైపు ఇదే ఈవెంట్​లో మోనా అగర్వాల్ మూడో స్థానంలో నిలిచి కాంస్యం ముద్దాడింది. ఈమె 228.7 పాయింట్లు సాధించింది. ఇక సౌత్ కొరియా పారా అథ్లెట్ యె లీ (Y Lee) 246.8 పాయింట్లతో రెండో స్థానంలో నిలిచి సిల్వర్ పతకం దక్కించుకుంది.

🇮🇳🥉 𝗕𝗿𝗼𝗻𝘇𝗲 𝗳𝗼𝗿 𝗠𝗼𝗻𝗮 𝗔𝗴𝗮𝗿𝘄𝗮𝗹! Congratulations to Mona Agarwal on winning India's first medal at the Paris Paralympics 2024.

👉 𝗙𝗼𝗹𝗹𝗼𝘄 @sportwalkmedia 𝗳𝗼𝗿 𝗲𝘅𝘁𝗲𝗻𝘀𝗶𝘃𝗲 𝗰𝗼𝘃𝗲𝗿𝗮𝗴𝗲 𝗼𝗳 𝗜𝗻𝗱𝗶𝗮𝗻 𝗮𝘁𝗵𝗹𝗲𝘁𝗲𝘀 𝗮𝘁 𝘁𝗵𝗲 𝗣𝗮𝗿𝗶𝘀… pic.twitter.com/s0tCmlhYZw

— Sportwalk Media (@sportwalkmedia) August 30, 2024

పరుగులో ప్రీతి
స్ప్రింటర్‌ ప్రీతి పాల్‌ 100 (T35) మీటర్ల పరుగు పందెంలో మూడో స్థానంలో నిలిచి కాంస్యం దక్కించుకుంది. ఈ ఈవెంట్​లో ప్రీతి ఆమె 14.21 సెకన్లలో పరుగు పూర్తి చేసింది. కాగా, ఈ విభాగంలో ఇదే ప్రీతి బెస్ట్​ టైమ్. ఇక తొలి రెండు స్థానాలను చైనాకు చెందిన అథ్లెట్లు కైవసం చేసుకున్నారు. రేస్​ను 13.58 సెకన్లలో ముగించిన జియా జౌ పసిడి ముద్దాడగా, 13.74 సెకన్లలో పరుగును పూర్తి చేసిన గౌ రజకం దక్కించుకుంది.

షూటింగ్​లో మరొకటి
భారత పారా షూటర్ మనీశ్ నర్వాల్ శుక్రవారం జోరు ప్రదర్శించాడు. పురుషుల 10మీటర్ల ఎయిర్ పిస్టల్ ఈవెంట్​లో రెండో స్థానంలో నిలిచిన మనీశ్ రజతం దక్కించుకున్నాడు. ఈ పతకంతో భారత్ ఖాతాలో ఒకేరోజు ఓ స్వర్ణం, ఓ రజతం, రెండు కాంస్యాలు చేరాయి.