లో కాస్ట్.. హై పెర్ఫార్మెన్స్: ఈ బైక్స్ వేరే లెవల్​ బ్రో- 400cc సెగ్మెంట్లో టాప్ ఇవే!

ఈ న్యూ ఇయర్​లో పవర్​ఫుల్ 400cc బైక్ కొనాలా?- మార్కెట్లో మోస్ట్ అఫర్డబుల్ ఆప్షన్స్ మీకోసం!

Most Affordable 400cc Class Bikes: ఇండియన్ మార్కెట్లో 400cc బైక్ సెగ్మెంట్ బాగా ప్రాచుర్యం పొందింది. ఈ విభాంగంలో మోటార్​సైకిళ్లు భారీ డిమాండ్​తో సేల్స్​లో దూసుకుపోతున్నాయి. చాలా కంపెనీలు తమ ప్రొడక్ట్​లను 400cc విభాగంలో విక్రయిస్తున్నాయి. మార్కెట్లో వీటి ధరలు రూ. 1.80 లక్షల (ఎక్స్-షోరూమ్) నుంచి ప్రారంభమవుతున్నాయి. ఈ నేపథ్యంలో మీరు కూడా ఈ సెగ్మెంట్లో ఓ మంచి బైక్ తీసుకోవాలని చూస్తున్నారా? అయితే మీకోసమే ఈ స్టోరీ. దేశీయ మార్కెట్లో 400cc సెగ్మెంట్‌లో మోస్ట్​ అఫర్డబుల్ టాప్-7 బైక్​ల వివరాలు మీకోసం.

7. Triumph Speed 400:

Triumph Speed 400 (Photo Credit- Triumph Motorcycle)

'ట్రయంఫ్ స్పీడ్ 400' అఫర్డబుల్ రోడ్‌స్టర్​ను బజాజ్, ట్రయంఫ్ భాగస్వామ్యంలో విక్రయిస్తున్నారు. ఇటీవల దీన్ని MY25కి అప్డేట్ చేశారు. రీసెంట్​గా లాంఛ్ చేసిన '2025 స్పీడ్ 400' ధర రూ. 2.4 లక్షలు (ఎక్స్-షోరూమ్). ఈ బైక్‌లో 398.15cc, సింగిల్-సిలిండర్ DOHC 4V/సిలిండర్ లిక్విడ్-కూల్డ్ ఇంజిన్ ఉంది. ఇది 39.5 bhp పవర్, 37.5 Nm టార్క్​ను జనరేట్ చేస్తుంది.

6. Harley-Davidson X440:

Harley-Davidson X440 (Photo Credit- Harley-Davidson)

హార్లే-డేవిడ్సన్ ప్రీమియం, ఎక్స్​పెన్సివ్ బైక్‌లకు ప్రసిద్ధి చెందినప్పటికీ .. 'హార్లే-డేవిడ్సన్ X440' రిలీజ్​తో కంపెనీ పూర్తిగా కొత్త ధరల సెగ్మెంట్లోకి ప్రవేశించింది. కంపెనీ ఇండియన్ మార్కెట్లో 'X440' బైక్​ను రూ. 2.39 లక్షల నుంచి రూ. 2.79 లక్షల (ఎక్స్-షోరూమ్) మధ్య ధరలో విక్రయిస్తోంది. ఇందులో 440cc ఆయిల్-కూల్డ్ ఇంజిన్ ఉంది. ఇది 27 bhp పవర్, 38 Nm టార్క్‌ను అందిస్తుంది.

5. Royal Enfield Guerrilla 450:

Royal Enfield Guerrilla 450 (Photo Credit- Royal Enfield)

ఇండియన్ మార్కెట్లో 'రాయల్ ఎన్​ఫీల్డ్ గెరిల్లా 450' బైక్ 2024 ప్రారంభంలో లాంఛ్ అయింది. మన దేశంలో మోస్ట్ అవైటెడ్ మోటార్​సైకిల్స్​లో ఇది ఒకటి. కంపెనీ ఈ మోటార్‌సైకిల్‌ను కొత్త 'షెర్పా 450' ప్లాట్‌ఫారమ్‌లో బిల్డ్ చేసింది. దీని కారణంగా ఈ బైక్ ధర రూ. 2.39 లక్షల నుంచి రూ. 2.54 లక్షలకు (ఎక్స్-షోరూమ్) చేరుకుంది. 'హిమాలయన్ 450' మోడల్​ మెయిన్ ఫీచర్లతో పోలిస్తే ఈ 'గెరిల్లా 450' లైట్​ వెయిట్​లో అఫర్డబుల్ ప్రైస్​ను కలిగి ఉంది.

4. Bajaj Dominar 400:

Bajaj Dominar 400 (Photo Credit- Bajaj Auto)

దేశీయ మోటార్‌సైకిల్ తయారీ సంస్థ బజాజ్ ఆటో 'డొమినార్ 400' బైక్ ఈ 400cc సెగ్మెంట్‌ లిస్ట్​లో నాల్గో స్థానంలో ఉంది. అయితే ఇది దాని ఓల్డెస్ట్ మోడల్. అయినప్పటికీ కంపెనీ తన అప్పీల్ చెక్కుచెదరకుండా ఉండేలా చూసుకుంది. దీంతో వినియోగదారులు దాని వైపు ఆకర్షితులవుతున్నారు. 'బజాజ్ డొమినార్ 400' ఫుల్లీ లోడెడ్ ఫీచర్​ వేరియంట్‌లో కూడా అందుబాటులో ఉంది. ఇది స్టాండర్డ్​గా అనేక టూరింగ్ యాక్సెసరీస్​తో వస్తుంది. ఇక ఈ బైక్ 373cc KTM-డెరివైడ్ ఇంజిన్‌ను కలిగి ఉంది. ఇది 40 bhp పవర్, 35 Nm టార్క్‌ను అందిస్తుంది.

3. Triumph Speed T4:

Triumph Speed T4 (Photo Credit- Triumph Motorcycle)

'స్పీడ్ T4' ప్రారంభంతో భారత్​లో 400cc విభాగంలో ట్రయంఫ్ కొత్త ప్రైజ్ పాయింట్​ను చేరుకుంది. ఈ మోటార్‌సైకిల్‌ను రూ. 1.99 లక్షల (ఎక్స్-షోరూమ్) ధరకు విక్రయిస్తున్నారు. ఈ మోటార్‌సైకిల్‌లో మాన్యువల్ థొరెటల్, RSU టెలిస్కోపిక్ ఫ్రంట్ ఫోర్క్స్, సన్నని టైర్లతో పాటు ఇతర ఫీచర్లు ఉన్నాయి. దీని ఇంజిన్ 30.6 bhp పవర్, 36 Nm టార్క్​ను ప్రొడ్యూస్ చేస్తుంది.

2. Hero Mavrick 440:

Hero Mavrick 440 (Photo Credit- Hero Motocorp)

ఈ బైక్​ను 'హార్లే-డేవిడ్సన్ X440'కు చెందిన ప్లాట్‌ఫారమ్‌పై నిర్మించారు. దీని ధర రూ. 1.99 లక్షలు (ఎక్స్-షోరూమ్). ఇక ఈ మోటార్​సైకిల్​ టాప్-స్పెక్ వేరియంట్ ధర రూ. 2.24 లక్షలు (ఎక్స్-షోరూమ్). ఇది 'X440' మాదిరిగానే 440cc ఆయిల్-కూల్డ్ ఇంజిన్‌ను కూడా కలిగి ఉంది. ఈ ఇంజిన్ 27 bhp శక్తిని, 38 Nm టార్క్‌ను జనరేట్ చేస్తుంది.

1. Bajaj Pulsar NS400Z:

Bajaj Pulsar NS400Z (Photo Credit- Bajaj Auto)

ఇండియన్ మార్కెట్లో 'బజాజ్ పల్సర్ NS400Z' మోటార్‌సైకిల్ ఈ 400cc సెగ్మెంట్​లో అగ్రస్థానంలో ఉంది. ఎందుకంటే ఈ బైక్ అత్యంత సరసమైన ధరలో లభిస్తుంది. ఈ మోటార్‌సైకిల్ ప్రారంభ ధర రూ. 1.85 లక్షల (ఎక్స్-షోరూమ్). ఇది 373సీసీ, సింగిల్-సిలిండర్ ఇంజిన్‌తో వస్తుంది. 'KTM 390 అడ్వెంచర్‌'లో కూడా ఇదే ఇంజిన్ ఉపయోగించారు. ఇక 'పల్సర్ NS400Z' ఈ ఇంజిన్ 39.5 bhp పవర్, 35 Nm టార్క్‌ను అందిస్తుంది.